សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ គិតចាប់តាំងតែពីការសម្រេចចិត្តបើកប្រតិបត្តិការយោធាពិសេសទៅលើប្រទេសអ៊ុយក្រែនកាលពីខែកុម្ភៈកន្លងមកប្រទេសរុស្ស៊ីក៏ចាប់ផ្តើមទទួលរងនូវទណ្ឌកម្មសេដ្ឋកិច្ចជាបន្តបន្ទាប់ពីបណ្តាប្រទេសលោកខាងលិចចំនួន៥លើកមកហើយ ខណៈដែលកញ្ចប់ទី៦កំពុងចាប់ផ្តើមដំណើរការនៅឡើយដោយសំដៅខ្លាំងទៅលើការបិទការនាំចេញប្រេង និងហ្គាសទាំងស្រុងរបស់រុស្ស៊ី។
ស្ថិតនៅក្នុងដំណាក់កាលមិនច្បាស់លាស់បែបនេះ តម្លៃប្រេងហ្កាស និងថាមពលនានាបានបន្តកើនឡើងឥតឈប់ឈរនៅតាមបណ្តាប្រទេសនានាលើសកលលោក ខណៈដែលនៅអាមេរិកវិញកំពុងជួបប្រទះបញ្ហាអតិផរណាអាក្រក់បំផុតមិនធ្លាប់មានរយៈពេល៤០ឆ្នាំចុងក្រោយ។
ថ្មីៗនេះវិទ្យាសា្ថន Democracy Institue របស់សហរដ្ឋអាមេរិកសហការជាមួយនឹងវេបសាយ Express.co.uk បានបើកការស្រាវជ្រាវ និងស្ទាបស្ទង់មួយទៅលើពលរដ្ឋអាមេរិកជាច្រើននាក់ចំពោះបញ្ហាដ៏រសើបមួយនេះ។ ជាលទ្ធផលតួលេខបានបង្ហាញថាពលរដ្ឋអាមេរិកដល់ទៅ៥៣ភាគរយជឿជាក់ថា ទណ្ឌកម្មសេដ្ឋកិច្ចប្រឆាំងទៅនឹងប្រទេសរុស្ស៊ីទាំងអស់នោះកំពុងធ្វើឲ្យខូចខាតដល់សេដ្ឋកិច្ចរបស់រដ្ឋាភិបាលក្រុងវ៉ាស៊ីនតោនច្រើនជាងសេដ្ឋកិច្ចរបស់រដ្ឋាភិបាលទីក្រុងមូស្គ។
អ្នកចូលរួមធ្វើការបញ្ចេញមតិភាគច្រើនបានបាត់បង់ទំនុកចិត្តជាមួយនឹងប្រធានាធិបតីអាមេរិកលោក Joe Biden ខណៈដែលអ្នកបញ្ចេញមតិដល់ទៅ៤៣ភាគរយនិយាយថា ពួកគេសុខចិត្តឲ្យអ៊ុយក្រែនចាញ់សង្គ្រាមជាមួយនឹងប្រទេសរុស្ស៊ី ហើយ៥០ភាគរយថានឹងធ្វើការសម្រេចចិត្តឡើងវិញដើម្បីគាំទ្របក្សសាធារណៈនៅការបោះឆ្នោតពាក់កណ្តាលអាណត្តិនាខែវិច្ឆិកាខាងមុខ ខណៈដែល៤២ភាគរយថានឹងបោះឆ្នោតគាំទ្របក្សប្រជាធិបតេយ្យរបស់លោក Joe Biden ដដែល។
សម្រាប់កិច្ចការងារនយោបាយការបរទេសវិញ អ្នកចូលរួមមតិ៥៦ភាគរយបានយល់ឃើញថាសមត្ថភាពធ្វើការងាររបស់លោក Joe Biden គឺមិនមានប្រសិទ្ធភាពឡើយទល់នឹង៤០ភាគរយមានទំនុកចិត្តលើលោក Biden ហើយប្រមាណជា៣៨ភាគរយប៉ុណ្ណោះដែលនៅតែទុកចិត្តចំពោះការដឹកនាំប្រទេសរបស់លោក Biden ខណៈដែល៥២ភាគរយមិនសប្បាយចិត្តទៅនឹងការដឹកនាំរបស់ប្រធានាធិបតីរូបនេះ។
យោងតាមការចេញផ្សាយរបស់ rt.com ក៏បានសរសេរដែរថាកន្លងមករដ្ឋាភិបាលរបស់លោកប្រធានាធិបតីអាមេរិក Joe Biden តែងតែដាក់បន្ទុកនៃបញ្ហាកើនឡើងនៃការចំណាយរស់នៅប្រចាំថ្ងៃរបស់ពលរដ្ឋអាមេរិកបច្ចុប្បន្នគឺបណ្តាលមកពីប្រធានាធិបតីរុស្សីលោក Vladimir Putin ប៉ុន្តែជាក់ស្តែងការកើនឡើងទាំងនោះគឺបានកើតឡើងជាច្រើនខែមុនដែលរុស្សីបានបញ្ចូនទ័ពទៅដល់អ៊ុយក្រែនផង។ គួរឲ្យដឹងដែរថា រដ្ឋាភិបាលលោក Biden ក្រៅតែពីដាក់ទណ្ឌកម្មប្រឆាំងទៅនឹងធនាគារនិងវិស័យថាមពលរបស់រុស្សីហើយនោះខ្លួនក៏បានបន្តផ្តល់អាវុធទៅឲ្យប្រទេសអ៊ុយក្រែនចំនួនប្រមាណជា៤ពាន់លានដុល្លាររួចមកហើយ។ កាលពីខែមុនរដ្ឋមន្ត្រីការពារជាតិអាមេរិកលោក Lloyd Austin បានសន្យាបន្តផ្តល់ហិរញ្ញវត្ថុសម្រាប់រដ្ឋាភិបាលក្រុងគៀវក្នុងការបន្តប្រយុទ្ធជាមួយនឹងរុស្សីដោយក្នុងនោះក៏កំពុងបានស្នើសុំកញ្ចប់ប្រាក់ ៣៣ពាន់លានដុល្លារសម្រាប់ជួយដល់អ៊ុយក្រែនដែលមាន ២០ពាន់លានដុល្លារសម្រាប់តែយោធាប៉ុណ្ណោះ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ធនាគារ ស្ថាបនា និងក្រុមហ៊ុន វីសា រៀបចំកម្មវិធីទស្សនាការប្រកួតបាល់ទាត់ពិភពលោក FIFA World Cup 2026™ Visa Sathapana Viewing Party
ព្រឹត្តិការណ៍, អត្ថបទពាណិជ្ជកម្ម
• 10/07/2026
ធនាគារ ស្ថាបនា និងក្រុមហ៊ុន វីសា រៀបចំកម្មវិធីទស្សនាការប្រកួតបាល់ទាត់ពិភពលោក FIFA World Cup 2026™ Visa Sathapana Viewing Party
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content