សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រោយដំណើរទស្សនៈកិច្ចផ្លូវការរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាកាលពីខែឧសភា ទៅកាន់ប្រទេសកូរ៉េ កម្ពុជាទទួលបានសមិទ្ធផលត្រចះត្រចង់ជាច្រើន ជាពិសេសគឺផលចំណេញទៅលើសេដ្ឋកិច្ចតែម្ដង។
ក្នុងនោះ កម្ពុជា-កូរ៉េ បានប្រែក្លាយកម្រិតទំនាក់ទំនងរបស់ខ្លួនទៅជាទំនាក់ទំនងដៃគូយុទ្ធសាស្ត្រ សំដៅពង្រីកទំហំពាណិជ្ជកម្មរវាងប្រទេសទាំងពីរ។ ក្រៅពីនោះ ក៏មានការព្រមព្រៀងគ្នាក្នុងការរៀបចំវេទិកាធុរកិច្ចរវាងកម្ពុជា-កូរ៉េ និងការស្នើសុំឱ្យបង្កើតតំបន់សេដ្ឋកិច្ចពិសេសកូរ៉េនៅប្រទេសកម្ពុជាផងដែរ។
ទាក់ទិននឹងចំណុចនេះ លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជា បានឱ្យដឹងថា រហូតមកដល់ពេលនេះ តំបន់សេដ្ឋកិច្ចពិសេសកម្ពុជា-កូរ៉េ គឺស្ថិតក្នុងដំណាក់កាលរៀបចំហើយ។
លោកបណ្ឌិតបន្តឱ្យដឹងទៀតថា ៖
«ថ្វីត្បិតតែមិនទាន់មានដំណឹងថាតំបន់សេដ្ឋកិច្ចពិសេសនេះនឹងលេចរូបរាងឡើងនៅពេលណាជាក់លាក់ណាមួយក្ដី ប៉ុន្តែបច្ចុប្បន្នគេបានប៉ានស្មានថា មានប្រហែលជា ៤០គម្រោង គ្រោងនឹងចូលទៅក្នុងតំបន់សេដ្ឋកិច្ចពិសេសនេះ។ ក្នុងនោះ ២០គម្រោងកំពុងតែដំណើរការរដ្ឋបាលចុះបញ្ជី»។
បើតាមការបញ្ជាក់បន្ថែមរបស់លោកបណ្ឌិត គឺតំបន់នេះនឹងអាចបង្កើតការងារបានរាប់ពាន់កន្លែងសម្រាប់ប្រជាពលរដ្ឋកម្ពុជា។ បើទោះបីជាតំបន់នេះអាចនឹងមានតម្រូវការកម្លាំងពលកម្មច្រើន ប៉ុន្តែលោកយល់ថា កម្ពុជានឹងមិនប្រឈមមុខក្នុងការខ្វះកម្លាំងពលកម្មនោះទេ។ អ្វីដែលកាន់តែល្អទៅទៀតនោះ គឺរដ្ឋាភិបាលកម្ពុជាបច្ចុប្បន្ន កំពុងតែប្រឹងប្រែងជំរុញការបណ្ដុះបណ្ដាលកម្លាំងពលកម្មជំនាញ ដើម្បីឱ្យប្រជាជនកម្ពុជាមានលទ្ធភាពក្នុងការចាប់យកឱកាសការងារទាំងនោះ។
ដោយឡែក សម្រាប់ដំណើរទស្សនៈកិច្ចរបស់សម្ដេចធិបតី ហ៊ុន ម៉ាណែត ទៅកាន់ប្រទេសកូរ៉េខាងត្បូងកាលពីពេលថ្មីៗនេះដែរ លោកបណ្ឌិត ហុង វណ្ណៈ បានបញ្ជាក់ថា ភាគីទាំងពីរបានចុះកិច្ចព្រមព្រៀង និងអនុសារណៈយោគយល់ចំនួន៦។ ដូច្នេះ លោកមានក្ដីរំពឹងថា ការវិនិយោគរបស់កូរ៉េនៅកម្ពុជា នឹងកើនឡើងជាលំដាប់៕
Account
Security
Favourite Content