សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សហភាពអឺរ៉ុប អ៊ីស្រាអែល និងអេហ្ស៊ីប ចុះហត្ថលេខាលើកិច្ចព្រមព្រៀងត្រីភាគលើការនាំចេញឧស្ម័នធម្មជាតិ (ហ្គាស) ខណៈប្លុកអឺរ៉ុបព្យាយាមកាត់បន្ថយការពឹងផ្អែកថាមពលលើរុស្ស៊ី ក្រោមយន្តការទណ្ឌកម្មសេដ្ឋកិច្ចលើក្រុងម៉ូស្គូក្រោយការឈ្លានពានអ៊ុយក្រែន។ កិច្ចព្រមព្រៀងនេះ នឹងអនុញ្ញាតឱ្យអ៊ីស្រាអែលនាំចេញឧស្ម័នទៅកាន់អឺរ៉ុបតាមរយៈអេហ្ស៊ីប។
ក្រសួងថាមពលអ៊ីស្រាអែលបាននិយាយថា កិច្ចព្រមព្រៀងដែលសម្រេចបានកាលពីថ្ងៃពុធក្នុងសន្និសីទថាមពលតំបន់មេឌីទែរ៉ាណេខាងកើតនៅរដ្ឋធានីគែរ នឹងអនុញ្ញាតឱ្យមានការនាំចេញឧស្ម័ន «ដ៏សំខាន់» របស់អ៊ីស្រាអែលទៅកាន់អឺរ៉ុបជាលើកដំបូង។
ប្រធានគណៈកម្មការអឺរ៉ុប អ្នកស្រី អួរស៊ូឡា វ៉ុនឌែរ ឡេយែន (Ursula von der Leyen) និយាយក្នុងសន្និសីទសារព័ត៌មានរួមគ្នាមួយជាមួយរដ្ឋមន្ត្រីថាមពលអេហ្ស៊ីប និងអ៊ីស្រាអែលថា៖
“វាគឺជាពេលវេលាដ៏ពិសេសមួយ។ ខ្ញុំសូមស្វាគមន៍យ៉ាងកក់ក្តៅចំពោះការចុះហត្ថលេខាលើកិច្ចព្រមព្រៀងជាប្រវត្តិសាស្ត្រនេះ”
អ្នកស្រីនិយាយបន្ថែមលើបណ្ដាញសង្គមធ្វីតធឺរថា កិច្ចព្រមព្រៀងត្រីភាគីនេះ នឹងរួមចំណែកដល់សន្តិសុខថាមពលរបស់អឺរ៉ុប។
កាលពីឆ្នាំមុន សហភាពអឺរ៉ុបនាំចូលឧស្ម័នពីរុស្ស៊ីប្រហែល ៤០ % ។ នាពេលនេះ បណ្តាប្រទេសនានារបស់ប្លុក កំពុងត្រដាបត្រដួសព្យាយាមកាត់បន្ថយពំនឹងពាក់អាស្រ័យនោះ ដើម្បីដាក់ទណ្ឌកម្មរុស្ស៊ីជាបន្តបន្ទាប់ ជុំវិញការលុកលុយអ៊ុយក្រែន ខណៈការឡើងតម្លៃថាមពលប្រេង និងហ្គាស ធ្វើឱ្យប្លុកប្រឈមមុខនឹងអតិផរណាខ្ពស់។
កាលពីពាក់កណ្ដាលខែឧសភា គណៈកម្មការអឺរ៉ុបបានប្រកាសគម្រោងថវិកាចំនួន ២២០ ប៊ីលានដុល្លារ ដើម្បីបញ្ចប់ការពឹងផ្អែករបស់ខ្លួនលើឥន្ធនៈហ្វូស៊ីលរបស់រុស្ស៊ីក្នុងរយៈពេល ៥ ឆ្នាំនៅឆ្នាំ ២០២៧ និងបង្កើនល្បឿននៃការផ្លាស់ប្តូរទៅជាថាមពលបៃតង។ ប៉ុន្តែឥឡូវនេះ ក្រុងម៉ូស្គូបានកាត់បន្ថយលំហូរឧស្ម័នទៅកាន់ប៊ុលហ្គារី ប៉ូឡូញ ហ្វាំងឡង់ និងអាល្លឺម៉ង់បណ្ដើៗហើយ បន្ទាប់ពីប្រទេសទាំងអស់នេះ ច្រានចោលការទាមទាររបស់វិមានក្រឹមឡាំងឱ្យធ្វើការទូទាត់ជាប្រាក់រូប្លិ៍។
ប្រធានគណៈកម្មការសហភាពអឺរ៉ុបដដែល សង្កត់ធ្ងន់ថា អនុស្សរណៈនៃការយោគយល់គ្នានឹងបង្កើន «ឯករាជ្យភាព» របស់ប្លុក ដោយឆ្លុះបញ្ចាំងពីការពឹងផ្អែកលើអ្នកផ្គត់ផ្គង់ថ្មីពីរដ្ឋធានីគែរ និង តែវអាវីវ ដែលសុទ្ធតែជាអ្នករងការចោទប្រកាន់ពីបទរំលោភសិទ្ធិមនុស្សធ្ងន់ធ្ងរ និងឧក្រិដ្ឋកម្មសង្គ្រាម។
ឧស្ម័នធម្មជាតិរបស់អ៊ីស្រាអែល នឹងត្រូវបញ្ជូនតាមបំពង់បង្ហូរទៅកាន់ស្ថានីយ៍ស្តុករបស់អេហ្ស៊ីបនៅលើសមុទ្រមេឌីទែរ៉ាណេ ហើយដឹកជញ្ជូនបន្តតាមនាវាដឹកប្រេងទៅកាន់ឆ្នេរសមុទ្រអឺរ៉ុប។ អេហ្ស៊ីប បាននិងកំពុងធ្វើការដើម្បីប្រែក្លាយទៅជាមជ្ឈមណ្ឌលឧស្ម័នធម្មជាតិក្នុងតំបន់ ដោយប្រើប្រាស់រោងចក្ររបស់ខ្លួននៅក្រុង Idku និងក្រុង Damietta តាមរយៈការនាំចូលឧស្ម័នពីអ៊ីស្រាអែល និងស៊ីប ហើយនាំចេញវាឡើងវិញទៅកាន់ទីផ្សារផ្សេងទៀត។
កាលពីខែមករា សហភាពអឺរ៉ុបបានកំណត់ថវិកាចំនួន ៧៣៦ លានដុល្លារ សម្រាប់ការសាងសង់ខ្សែអគ្គិសនីក្រោមបាតសមុទ្រដែលមានកម្លាំង ២ ០០០ មេហ្គាវ៉ាត់ ដែលនឹងតភ្ជាប់បណ្តាញអគ្គិសនីរបស់អ៊ីស្រាអែល កោះស៊ីប និងក្រិក។ អ្នកស្រី វ៉ុនឌែរ ឡេយែន និយាយថា វានឹងក្លាយជាបណ្ដាញដែលជ្រៅ និងវែងបំផុតដែលមិនធ្លាប់មាន។
ក្នុងឆ្នាំ ២០២០ ក្រិក អ៊ីស្រាអែល និងកោះស៊ីប ចុះហត្ថលេខាលើកិច្ចព្រមព្រៀងសាងសង់បំពង់បង្ហូរក្រោមបាតសមុទ្រ ដើម្បីបង្ហូរឧស្ម័ននៅឈូងសមុទ្រភាគអាគ្នេយ៍នៃមេឌីទែរ៉ាណេ ទៅកាន់ទ្វីបអឺរ៉ុប។ គម្រោងដែលឈ្មោះថា EastMed និងស្នើឡើងក្នុងតម្លៃ ៦ ប៊ីលានដុល្លារ ត្រូវគេរំពឹងថានឹងបំពេញតម្រូវការឧស្ម័នធម្មជាតិប្រហែល ១០ % របស់សហភាពអឺរ៉ុប ប៉ុន្តែវាពោរពេញដោយភាពស្មុគស្មាញផ្នែកនយោបាយ និងភស្តុភារ។
នៅពេលនោះ មន្ត្រីអ៊ីស្រាអែលនិយាយថា បំពង់បង្ហូរ EastMed នឹងចំណាយពេលសាងសង់រហូតដល់ ៧ ឆ្នាំ។ ប៉ុន្តែមកទល់ពេលនេះ ការសាងសង់មិនទាន់ចាប់ផ្តើមនៅឡើយទេ ហើយសហភាពអឺរ៉ុបនៅតែធ្វើការវាយតម្លៃបឋម និងការប៉ាន់ប្រមាណតម្លៃ។ កាលពីខែមេសា ទូតអាមេរិកម្នាក់និយាយថា វាមានតម្លៃថ្លៃពេក មិនមានលទ្ធភាពខាងសេដ្ឋកិច្ច ហើយនឹងចំណាយពេលយូរពេកក្នុងការផ្តល់ជម្រើសជំនួសឧស្ម័នធម្មជាតិរុស្ស៊ី។
អ៊ីស្រាអែល បានក្លាយជាប្រទេសនាំចេញឧស្ម័នធម្មជាតិមួយក្នុងរយៈពេលប៉ុន្មានឆ្នាំចុងក្រោយនេះ បន្ទាប់រកឃើញរ៉ែប្រភេទនេះនៅឈូងសមុទ្រធំៗ។ ប្រទេសនេះមានកន្លែងអាចទាញយកសំខាន់ៗចំនួន២នៅឆ្នេរសមុទ្ររបស់ខ្លួន ដែលមានឧស្ម័នធម្មជាតិប្រមាណ ៦៩០ ពាន់លានម៉ែត្រគូបរួមបញ្ចូលគ្នា ហើយកំពុងបន្តរុករកបន្ថែមទៀត រួមទាំងកន្លែងដែលស្ថិតនៅក្រោមព្រំដែនសមុទ្រ ដែលមានជម្លោះជាមួយលីបង់៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content