ឯកឧត្តម ហេង សួរ ៖ ពិព័រណ៍ការងារឆ្នាំនេះមានការចូលរួមពី ១៥០ក្រុមហ៊ុន ផ្ដល់ឱកាសការងារថ្មី ប្រមាណជា ២ម៉ឺនកន្លែង

(ភ្នំពេញ) ៖ នាថ្ងៃទី១០ ខែវិច្ឆិកា ឆ្នាំ២០២៣ គឺជាថ្ងៃបើកពិព័រណ៍ការងារ និងផលិតភាពជាតិឆ្នាំ២០២៣ ដែលក្រសួង ស្ថាប័ន និងក្រុមហ៊ុនឯកជនសរុបចំនួន ១៥០ បានចូលរួមដាក់ស្តង់បង្ហាញពីឱកាសការងាររៀងៗខ្លួន ខណៈដែលព្រឹត្តិការណ៍នេះធ្វើឡើងក្នុងគោលបំណងធ្វើឱ្យកាន់តែខិតជិតគ្នារវាងនិយោជក និងអ្នកស្វែង​រកការងារនៅមួយកន្លែង។ តាមរយៈឱកាសនេះ ភាគីនិយោជកអាច​ជ្រើសរើស​កម្លាំង​ពលកម្មតាមតម្រូវការ រីឯអ្នកស្វែងរកការងារក៏អាចដាក់ពាក្យសុំការងារ​ដែលខ្លួនចូលចិត្តផងដែរ។

ថ្លែងក្នុងឱកាសពិធីបើកពិព័រណ៍ការងារ និងផលិតភាពជាតិឆ្នាំ២០២៣ ឯកឧត្តម ហេង សួរ រដ្ឋមន្ត្រីក្រសួងការងារ បណ្ដុះបណ្ដាល និងវិជ្ជាជីវៈបានមានប្រសាសន៍ថា៖

«ខ្ញុំបានកត់សម្គាល់ឃើញ​ថា រយៈពេលជាងមួយ​ទសវត្សរ៍នៃការរៀបចំព្រឹត្តិកាណ៍នេះបានទទួលការ​គាំទ្រខ្លាំងឡើងៗ ដែលបាន​ប្រែក្លាយទៅជា​វេទិកា​ការងារដ៏ធំជាងគេបំផុតនៅកម្ពុជានាពេលបច្ចុប្បន្ន»។

ឯកឧត្តមបានបន្តមានប្រសាសន៍ថា វេទិកានេះនឹងផ្តល់ឱកាសនៅមួយកន្លែងងាយ​ស្រួលដល់​អ្នកស្វែងរកការងារធ្វើដូចជា សិស្ស និស្សិត ក៏ដូចជានិយោជក រួមជាមួយនឹងអ្នកផ្តល់ការអប់រំបណ្ដុះបណ្ដាល អ្នកជំនាញ អ្នកស្រាវជ្រាវ និងអ្នករៀបចំគោលនយោបាយ ក្នុងការជួបទាក់ទងផ្តោះប្តូរព័ត៌​មានពី​គ្នាទៅវិញទៅ​មកដោយផ្ទាល់ ធ្វើសកម្មភាពភ្លាមៗនៅនឹងកន្លែង ចែករំលែកបទពិសោធន៍ ចំណេះដឹង ផ្តល់មតិ​យោបល់ និងអនុសាសន៍ល្អៗពាក់ព័ន្ធនឹងការងារ អាជីព ជំនាញ ធនធានមនុស្ស និងផលិតភាព​ការងារ។

បើតាមការបញ្ជាក់ឱ្យដឹងពីឯកឧត្តមរដ្ឋមន្ត្រី ក្នុងឆ្នាំ២០២៣នេះ មានក្រសួង-ស្ថាប័ន ក្រុមហ៊ុន សហគ្រាស គ្រឹះស្ថាន អប់រំបណ្តុះ​បណ្តាល ដៃគូអភិវឌ្ឍន៍ និងអង្គការជាតិ-អន្តរជាតិ ចំនួន១៥០ ដែលស្នើនឹង ១៨៨ បញ្ច នាំមកនូវឱកាសការងារថ្មីៗថែមទៀតចំនួនជាង ២ម៉ឺនកន្លែង នៅក្នុងវិស័យនាំមុខ​សំខាន់ៗដូចជា៖ ធនាគារ គ្រឹះស្ថានមីក្រូហិរញ្ញវត្ថុ និងធានារ៉ាប់រង សេវាកម្ម លក់ដុំ និងរាយ ទេសចរណ៍ បដិសណ្ឋារកិច្ច ម្ហូបអាហារ និងភេសជ្ជៈ អចលនទ្រព្យ និងសំណង់ ទូរគមនាគមន៍ និងបច្ចេកវិទ្យាព័ត៌មានវិទ្យា ឧស្សាហកម្មនិងកម្មន្តសាល ព្រមទាំង វិស័យសេវាកម្ម​ផ្សេងៗ ហើយរំពឹងថាមានអ្នកដាក់ពាក្យស្នើសុំរកការងារ និងសម្ភាសន៍ផ្ទាល់នៅនឹងកន្លែងប្រមាណ ៣ ម៉ឺននាក់។ 

យ៉ាងណាមិញ ពិព័រណ៍ការងារ និងផលិតភាពជាតិឆ្នាំ២០២៣ នាឱកាសនេះត្រូវបានរៀបចំរួម​បញ្ចូល​គ្នានូវ​ព្រឹត្តិការណ៍ធំៗពីរ ដែលបំពេញឱ្យគ្នាទៅវិញទៅមកគឺ៖

ទី១គឺ ពិព័រណ៍ការងារដែលរួមមាន ការតាំងផ្សព្វផ្សាយដោយក្រុមហ៊ុន គ្រឹះស្ថាន អប់រំបណ្តុះបណ្តាល ក្រសួង-ស្ថាប័ន និងអង្គការជាតិ-អន្តរជាតិ ដែលនឹងផ្តល់ឱកាសដ៏កម ដល់សិស្ស-និស្សិត និងអ្នក​ស្វែង​រកការងារ ក្នុងការជួបដោយផ្ទាល់ និងដាក់ពាក្យសម្ភាសន៍រកការងារភ្លាមជាមួយ​និយោជក ដែលកំពុងត្រូវការជ្រើសរើសកម្លាំងពលកម្មចំនួនជាង២ម៉ឺន កន្លែង ធ្វើការផ្គូរផ្គងជំនាញ​ដែលខ្លួនមាន​ទៅនឹងតម្រូវការថ្មីៗនៅក្នុងទីផ្សារការងារ ធ្វើការដក ស្រង់បទពិសោធន៍ និងទទួល​មគ្គទេសក៍ផ្ទាល់ពី​អ្នកជំនាញ​តាមវិស័យសំខាន់ៗ ព្រមទាំងឱកាសសម្រាប់ស្វែងរកការ​អប់រំ​បណ្ដុះបណ្ដាល និងការគាំ​ទ្រនានាដើម្បីលើកកម្ពស់អនាគត អាជីពរបស់ខ្លួន។ 

ទី២គឺ យុទ្ធនាការលើកកម្ពស់ផលិតភាពការងារជាតិ ដែលមាន សិក្ខាសាលាស្តីពី “ឱកាស និងបញ្ហាប្រឈមនៃផលិតភាពការងារ” ដែលមានវាគ្មិនជំនាញ ជាតិ-អន្តរជាតិនឹងចែក រំលែក​នូវគំនិត ចំណេះដឹង បទពិសោធន៍ ទស្សនវិស័យនៃការអភិវឌ្ឍបច្ចេកវិទ្យាថ្មីៗ និងសារៈសំខាន់​នៃការលើកកម្ពស់ផលិតភាពក្នុងការរក្សាភាពប្រកួតប្រជែង និងកំណើនរយៈពេលវែង ការ កែ​លម្អការងារ មុខរបរ អាជីព និងប្រាក់ចំណូលប្រជាពលរដ្ឋ សំដៅបង្កើនការយល់ដឹង បណ្តុះ ផ្នត់គំនិត កែប្រែឥរិយាបថ និងជំរុញឱ្យយុទ្ធនាការនេះក្លាយទៅជាចលនាជាតិ និងវប្បធម៌ ផលិតភាពនៅ​កម្ពុជា។

គួរជម្រាបថា ពិព័រណ៍ការងារ និងផលិតភាពជាតិ គឺជាអន្តរាគមន៍ទីផ្សារការងារដ៏ចាំបាច់មួយនៅ ក្នុងដំណើរការផ្តល់សេវាការងារដែលមានលក្ខណៈប្រមូលផ្តុំនូវព័ត៌មាន និងកាលានុវត្តភាព ហើយត្រូវបានរៀបចំឡើងក្នុងមួយឆ្នាំម្តង បន្ថែមទៅលើការផ្តល់សេវាការងារជាប្រចាំថ្ងៃរបស់ទីភ្នាក់ងារជាតិមុខរបរ និងការងារនៃក្រសួងការងារ និងបណ្តុះបណ្តាលវិជ្ជាជីវៈ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

ចំណេះដឹងសំខាន់ៗស្ដីពីការដាំដុះខ្ញីឱ្យទទួលបានផលច្រើនដែលកសិករគួរយល់ដឹង

ជំនួញ, ព្រឹត្តិការណ៍

• 12/07/2024

ខ្ញីជារុក្ខជាតិមើមដែលប្រជាជនខ្មែរនិយមដាំ និងយកទៅច្នៃជាគ្រឿងទេស បន្ថែមរសជាតិម្ហូបអាហារបានច្រើនមុខ អាចធ្វើជាឱសថបុរាណផងដែរ

គន្លឹះសំខាន់ៗចំនួន ៦ អាចជួយដោះស្រាយបញ្ហាបំណុលលើសលប់

ព្រឹត្តិការណ៍, ហិរញ្ញវត្ថុ

• 12/07/2024

ពាក្យថាបំណុលគឺមិនមែនសំដៅលើភាពអវិជ្ជមានទាំងស្រុងនោះទេ ពោលគឺបំណុលមានគុណសម្បត្តិ និងគុណវិបត្តរៀងៗខ្លួន

គម្រោង​សាងសង់​​ហេដ្ឋារចនាសម្ព័ន្ធធំៗចំនួន​៣ ​កំពុង​ដំណើរការ​មានទឹកប្រាក់ជាង ៥,៣ពាន់​លាន​​ដុល្លារ​

ព្រឹត្តិការណ៍, អចលនទ្រព្យ

• 12/07/2024

រាជរដ្ឋាភិបាល គ្រោង​ចំណាយថវិកា​រាប់រយពាន់​លានដុល្លារអាមេរិក​ លើការ​សាងសង់ហេដ្ឋារចនាសម្ព័ន្ធនានា​ក្នុង​ប្រទេស​ ដើម្បីទាក់ទាញការវិនិយោគពីក្រៅស្រុកបន្ថែមទៀត

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម

ព្រឹត្តិការណ៍, អាជីវកម្មថ្មី និងនវានុវត្ត

• 12/07/2024

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម និងប្រែក្លាយពីកសិកម្មលក្ខណៈគ្រួសារទៅជាសហគ្រាសសេដ្ឋកិច្ចកសិកម្ម

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក