សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បាត់ដំបង ៖ ចេក ជាដំណាំដែលប្រជាជនខ្មែរចូល ចិត្ត និងនិយមដាំជាលក្ខណៈគ្រួសារ និងជាចំការ ដោយសារតែងាយស្រួលក្នុងការដាំដុះ ថែទាំ និងអាចទាញយកផលប្រយោជន៍បានយ៉ាងច្រើន ទាំងផ្លែខ្ចី ផ្លែទុំ ស្លឹកចេកស្រស់ និងដើមផងដែរ ហើយក៏មានគុណប្រយោជន៍ច្រើន ចំពោះសុខភាពអ្នកទទួលទានផងដែរ។ អ្វីដែលសំខាន់ជាងនេះ សម្រាប់ផ្លែរបស់វាក្រៅពីយកទៅធ្វើជាបង្អែមនៅពេលទុំ គេក៏អាចយកផ្លែខ្ចីទៅធ្វើជាឱសថសម្រាប់ថែទាំសុខភាពថែមទៀតផង។
អាស្រ័យដោយមើលឃើញពីសក្ដានុពលនៃផ្លែចេក ដែលអាចទាញយកអត្ថប្រយោជន៍បានច្រើនចំពោះសុខភាព មានសិប្បកម្មមួយកន្លែងត្រូវបានបង្កើតឡើង ហើយបានយកផ្លែចេកខ្ចីកែច្នៃឱ្យទៅជាម្សៅចេកសុខភាព ដែលអាចរក្សាទុកបានយូរ និងមានប្រយោជន៍ច្រើនចំពោះសុខភាពរបស់អ្នកទទួលទានថែមទៀតផង។
អឹម អិល អេក (MLH) ជាស្លាកយីហោសិប្បកម្មមួយដែលមានទីតាំងនៅភូមិអង់ សង្កាត់អូរចារ ក្រុងបាត់ដំបង ខេត្តបាត់ដំបង មានកែច្នៃ និងផលិតម្សៅចេក ចេញពីផ្លែចេកដែលជាកសិផលក្នុងស្រុកពិតៗ ឱ្យក្លាយជាផលិតផលជំនួយដល់សុខភាព សម្បូរវីតាមីន ជាតិរ៉ែ កាកសរសៃ ជួយបណ្ដេញជាតិពុល និងជួយកាត់បន្ថយជំងឺរលាកក្រពះ និងពោះវៀនជាដើម។
លោកស្រី សេង សំណាង ជាម្ចាស់សិប្បកម្មខាងលើបានមានប្រសាសន៍ឱ្យដឹងថា ៖
“សិប្បកម្មរបស់យើងមានបេសកកម្មចង់អភិវឌ្ឍដំណាំកសិកម្មក្នុងស្រុក និងប្រមូលទិញផលដំណាំពីកសិករក្នុងតម្លៃល្អសមរម្យ ហើយកែច្នៃទៅជាអាហារជំនួយសុខភាពប្រកបដោយគុណភាព សុវត្ថិភាព និងអនាម័យ”
អ្នកស្រីបន្តថា ៖
“សិប្បកម្មយើងខ្ញុំទទួលបានការផ្គត់ផ្គង់វត្ថុធាតុដើមពីក្រុមកសិករក្នុងស្រុក ពោលគឺតាមបណ្តាឃុំមួយចំនួនក្នុងស្រុកសង្កែ និងស្រុកសំឡូតផ្ទាល់តែម្ដង ហើយការផលិត យើងបានទទួលវិញ្ញាបនបត្រអនុញ្ញាតដំណើរការរោងចក្រ-សិប្បកម្មពីក្រសួងឧស្សាកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ហើយផលិតផលក៏បានត្រួតពិនិត្យគុណភាពនៅមន្ទីរពិសោធន៍ជាតិយ៉ាងត្រឹមត្រូវដែលអតិថិជនអាចទុកចិត្តបាន ហើយតាមរយៈការកែច្នៃផលិតផលក្នុងស្រុកនេះ អាចរាប់បានថាជាផ្នែកមួយជួយសម្រួលដល់សេដ្ឋកិច្ចបងប្អូនកសិករក្នុងតំបន់ ក៏ដូចជាផ្ដល់ការងារដល់ស្ត្រីក្នុងសហគមន៍ ដែលនៅក្នុងសិប្បកម្មផ្ទាល់មានសមាជិក ៨០ភាគរយជាស្ត្រី “
ចំពោះលក្ខណៈពិសេសរបស់ម្សៅចេកនេះ អ្នកស្រី សេង សំណាង បានបន្ថែមថា ៖
“វាជាប្រភេទម្សៅជំនួយសុខភាព សាច់ម្សៅម៉ដ្ឋល្អ មានការវិចខ្ចប់បានត្រឹមត្រូវ មានរសជាតិឆ្ងាញ់ ងាយស្រួលទទួលទាន ប្រើវត្ថុធាតុដើមក្នុងស្រុក មានច្រើនជម្រើស និងច្រើនទំហំ មានសារធាតុចិញ្ចឹមខ្ពស់ និងក្លិនប្រហើរល្អជាងផលិតផលដទៃទៀត។ ដោយឡែកចំពោះតម្លៃ អាចមានចន្លោះពី ៨-១៥ដុល្លារ អាស្រ័យទៅតាមទំហំ និងបរិមាណរបស់ម្សៅចេកផងដែរ”
ពាក់ព័ន្ធទៅនឹងបច្ចេកទេសនៃការផលិត និងការវេចខ្ចប់ ត្រូវបានម្ចាស់សិប្បកម្មរូបនេះបញ្ជាក់ថា ទម្រាំទទួលបានម្សៅចេកសុខភាពដែលជាផលិតផលសម្រេចដាក់លក់នៅលើទីផ្សារ ត្រូវឆ្លងកាត់ដំណាក់កាលជាច្រើន រាប់តាំងពីការជ្រើសរើសប្រភេទចេកខ្ចីឡើងទៅ។
អ្នកស្រីបានបញ្ជាក់ឱ្យដឹងថា ក្នុងដំណាក់កាលដំបូង គេត្រូវជ្រើសរើសប្រភេទចេកដែលគ្រប់អាយុ ឬមានអាយុប្រមាណ៣ខែ ពោលគឺជាប្រភេទចាស់ ឬស្រគៀល ដែលនៅរឹងល្អ។ បន្ទាប់មកត្រូវយកចេកខ្ចីទាំងនោះបកសម្បក លាងទឹកឱ្យស្អាត ហើយយកទៅចិតជាចំណិត រួចយកទៅហាលថ្ងៃ និងបន្តយកទៅដាក់ក្នុងឡសម្ងួត។ ជាជំហានបន្ទាប់ត្រូវយកចំណិតចេកដែលស្ងួតដល់ទៅដាក់ក្នុងម៉ាស៊ីនកិនចេញជាម្សៅ ដោយលាយជាមួយនឹងវត្ថុធាតុដើមដែលបំប៉នដល់សុខភាព ហើយធ្វើការវេបខ្ចប់ជាការស្រេច។
គួរបញ្ជាក់ដែរថា អ្នកស្រីបានចាប់ផ្ដើមសិប្បកម្មនេះនៅដើមខែកុម្ភៈ ឆ្នាំ២០២១ ដោយសារអ្នកស្រីមានជំនាញស្រាប់ ហើយក៏សង្កេតឃើញថាប្រជាជនមានជំងឺក្រពះ ពោះវៀនកាន់តែកើនឡើង ដែលទាមទារឱ្យមានការចំណាយច្រើនលើថ្នាំព្យាបាល ស្របពេលជាមួយនឹងទីផ្សារចេកធ្លាក់ចុះ សល់ច្រើន រលួយចោលផងនោះ ទើបអ្នកស្រីសម្រេចចិត្តកែច្នៃផ្លែចេកទៅជាម្សៅដែលមានអត្ថប្រយោជន៍ដល់ការព្យាបាលជំងឺក្រពះប្រកបដោយសុខភាព និងតម្លៃសមរម្យ។
ក្រៅពីម្សៅចេក សិប្បកម្មអឹមអិលអេក ក៏មានផលិតផលផ្សេងទៀតផងដែរដូចជា ម្សៅខ្ញី ម្សៅខ្ជាយ ម្សៅពន្លៃ ម្សៅរមៀត ម្សៅរំដេងជាដើមដែលសុទ្ធសឹងជាផលិតផលកែច្នៃចេញពីវត្ថុធាតុដើមសំខាន់ៗ ក៏ដូចជាឱសថល្អៗចំពោះសុខភាព។
ជាចុងក្រោយ អ្នកស្រី សូមថ្លែងអំណរគុណចំពោះអតិថិជនដែលតែងតែគាំទ្រ ហើយសម្រាប់ថ្ងៃអនាគត សិប្បកម្មនេះចង់ក្លាយជាក្រុមហ៊ុននាំមុខគេផ្តល់នូវផលិតផលអាហារសុខភាពធម្មជាតិដែលកែច្នៃពីវត្ថុធាតុដើមក្នុងស្រុកដើម្បីជួយប្រជាពលរដ្ឋខ្មែរឲ្យមានសុខភាពល្អ និងសេដ្ឋកិច្ចរីកចម្រើនប្រកបដោយនិរន្តភាព៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
ស្វែងយល់ពីនីតិវិធី និងឯកសារត្រៀម ដើម្បីកែតម្រូវលើប្លង់រឹងដែលខុសឈ្មោះ ឬអក្ខរាវិរុទ្ធ
ចំណេះដឹងទូទៅ, បទយកការណ៍, ព្រឹត្តិការណ៍, អចលនទ្រព្យ
• 20/05/2026
នីតិវិធីដើម្បីកែតម្រូវឈ្មោះដែលខុសនៅលើប្លង់រឹង សាមីខ្លួនត្រូវយកឯកសារផ្លូវការទៅដាក់ពាក្យស្នើសុំកែតម្រូវឈ្មោះនៅការិយាល័យរៀបចំដែនដី នគរូបនីយកម្ម សំណង់ និងសុរិយោដីស្រុក/ខណ្ឌ ឬក៏មន្ទីររាជធានី/ខេត្ត
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧ស្វែងយល់ពីនីតិវិធី និងឯកសារត្រៀម ដើម្បីកែតម្រូវលើប្លង់រឹងដែលខុសឈ្មោះ ឬអក្ខរាវិរុទ្ធ
ចំណេះដឹងទូទៅ, បទយកការណ៍, ព្រឹត្តិការណ៍, អចលនទ្រព្យ
• 20/05/2026
នីតិវិធីដើម្បីកែតម្រូវឈ្មោះដែលខុសនៅលើប្លង់រឹង សាមីខ្លួនត្រូវយកឯកសារផ្លូវការទៅដាក់ពាក្យស្នើសុំកែតម្រូវឈ្មោះនៅការិយាល័យរៀបចំដែនដី នគរូបនីយកម្ម សំណង់ និងសុរិយោដីស្រុក/ខណ្ឌ ឬក៏មន្ទីររាជធានី/ខេត្ត
អ្នកជំនាញសាទរគម្រោងវិនិយោគបង្កើតរោងចក្រផលិតគ្រឿងបង្គុំរថយន្តលើកដំបូងនៅកម្ពុជា
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
ដោយមើលឃើញពីសក្តានុពលនៃការវិនិយោគ ក្រុមហ៊ុនអន្តរជាតិមួយ បានបង្ហាញពីគោលបំណងបោះទុនវិនិយោគបង្កើតរោងចក្រផលិតគ្រឿងបង្គុំរថយន្តលើកដំបូងបង្អស់នៅកម្ពុជា
ប្រព័ន្ធផ្គត់ផ្គង់ទឹកស្អាតតម្លៃជាង១២លានដុល្លារ ជួយប្រជាពលរដ្ឋជិត៩ពាន់គ្រួសារបន្ថែមទៀតនៅក្នុងក្រុងកំពង់ចាម
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
ប្រព័ន្ធផ្គត់ផ្គង់ទឹកស្អាតតម្លៃជាង១២លានដុល្លារ ជួយប្រជាពលរដ្ឋជិត៩ពាន់គ្រួសារបន្ថែមទៀតនៅក្នុងក្រុងកំពង់ចាម និងតំបន់ជុំវិញ បានទទួលសេវាទឹកស្អាត
លើកកម្ពស់ផលិតផលក្នុងស្រុក និងពង្រឹងសមត្ថភាពសហគ្រាសធុនតូច និងមធ្យម – សហគ្រិនខ្មែរ និងផ្សារអុីអន រៀបចំពិព័រណ៍ផលិតផលក្នុងស្រុក
ព្រឹត្តិការណ៍, អត្ថបទពាណិជ្ជកម្ម
• 20/05/2026
លើកកម្ពស់ផលិតផលក្នុងស្រុក និងពង្រឹងសមត្ថភាពសហគ្រាសធុនតូច និងមធ្យម - សហគ្រិនខ្មែរ និងផ្សារអុីអន រៀបចំពិព័រណ៍ផលិតផលក្នុងស្រុក
Amazon បញ្ឈប់ការលក់ទំនិញនៅសិង្ហបុរី ខណៈមិនអាចទប់ទល់នឹងការប្រកួតប្រជែងខ្ពស់ក្នុងតំបន់
ព្រឹត្តិការណ៍, អាជីវកម្មថ្មី និងនវានុវត្ត
• 20/05/2026
វេទិកាពាណិជ្ជកម្មអេឡិចត្រូនិចដ៏ល្បីរបស់អាម៉េរិក Amazon សម្រេចចិត្តបញ្ឈប់ការលក់ និងដឹកជញ្ជូនទំនិញក្នុងស្រុកនៅប្រទេសសិង្ហបុរី ដោយសារពិបាកក្នុងការជ្រៀតចូលទីផ្សារនៅអាស៊ីអាគ្នេយ៍ និងមិនអាចទប់ទល់នឹងការប្រកួតប្រជែងខ្ពស់នៅក្នុងតំបន់មួយនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content