សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្នុងខែមករា ដើមឆ្នាំ២០២៤នេះ ក្រុមប្រឹក្សាអភិវឌ្ឍន៍កម្ពុជា ហៅកាត់ថា CDC បានអនុម័តគម្រោងបង្កើត រោងចក្រចំនួន ១០ គម្រោង ក្នុងទុនសរុបចំនួនជាង ៦០លានដុល្លារអាម៉េរិក និងអាចបង្កើតការងារដល់ប្រជាជនប្រមាណជាង ១ម៉ឺននាក់។
ដោយឡែក គម្រោងទាំងនោះរួមមានដូចខាងក្រោម ៖
១. គម្រោងបង្កើតរោងចក្រកាត់ដេរ និងចាក់សម្លៀកបំពាក់ ដែលមានទីតាំងវិនិយោគ នៅស្រុកស្អាង ខេត្តកណ្ដាល
២. គម្រោងវិនិយោគបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគនៅក្រុងច្បារមន ខេត្តកំពង់ស្ពឺ
៣. គម្រោងបង្កើតរោងចក្រកាត់ដេរសម្លៀកបំពាក់ដែលមានទីតាំងវិនិយោគនៅខណ្ឌដង្កោ រាជធានីភ្នំពេញ។
៤. គម្រោងវិនិយោគបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្រុកសំរោងទង ខេត្តកំពង់ស្ពឺ
៥. គម្រោងវិនិយោគបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្រុកសំរោងទង ខេត្តកំពង់ស្ពឺ
៦. គម្រោងវិនិយោគបង្កើតរោងចក្រផលិតគ្រឿងបន្សំសម្លៀកបំពាក់ កាបូប និងស្បែកជើង ដែលមានទីតាំងវិនិយោគនៅស្រុកសំរោងទង ខេត្តកំពង់ស្ពឺ។
៧. គម្រោងវិនិយោគបង្កើតរោងចក្រផលិតគ្រឿងអេឡិចត្រូនិក ដែលមានទីតាំងវិនិយោគនៅស្រុកសំរោង ខេត្តតាកែវ
៨. គម្រោងវិនិយោគបង្កើតរោងចក្រផលិតផលិតផលពីផ្លាស្ទីក (ធុងទឹកកក ធុង និងប្រអប់រក្សាកម្ដៅ និងទូកកៃយ៉ាក់) ដែលមានទីតាំងវិនិយោគនៅស្រុកគងពិសី ខេត្តកំពង់ស្ពឺ។
៩. គម្រោងវិនិយោគបង្កើតរោងចក្រផលិតស្បែកជើង និងគ្រឿងបន្សំស្បែកជើង ដែលមានទីតាំងវិនិយោគនៅខណ្ឌពោធិ៍សែនជ័យ រាជធានីភ្នំពេញ
១០. និងចុងក្រោយគឺ គម្រោងវិនិយោគបង្កើតរោងចក្រផលិតអំពូលភ្លើងគ្រប់ប្រភេទ និងគ្រឿងបន្លាស់ ដែលមានទីតាំងវិនិយោគនៅស្រុកត្រាំកក់ ខេត្តតាកែវ។
ជារួម នៅក្នុងខែមករានេះ ខេត្តដែលទទួលបានគម្រោងវិនយោគបង្កើតរោងចក្រច្រើនជាងគេគឺ ខេត្តកំពង់ស្ពឺ ដែលទទួលបាន៥គម្រោង។ បន្ទាប់គឺមកខេត្តតាកែវ និងរាជធានីភ្នំពេញដែលទទួលបាន២គម្រោង និងខេត្តកណ្ដាលទទួលបាន១គម្រោង៕
Account
Security
Favourite Content