សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ យុទ្ធសាស្ត្រផលិត, កែច្នៃ, និងនាំចេញ គឺជាបេះដូងនៃការពង្រឹង និងពង្រីកការផ្គត់ផ្គង់ស្វាយចន្ទីឱ្យកាន់តែរីកធំធាត់ប្រកបដោយនវានុវត្តន៍, សមស្របទៅតាមតម្រូវការទីផ្សារ,ប្រែក្លាយកសិករទៅជាកសិពាណិជ្ជករ និងមានភាពប្រកួតប្រជែងខ្ពស់។
នេះជាការថ្លែងរបស់ឯកឧត្តម សួន សុផល អគ្គលេខាធិការរងគណៈកម្មាធិការវិនិយោគកម្ពុជា(គ.វ.ក.) ខណៈឯកឧត្តមអញ្ជើញជាវាគ្មិនកិត្តិយសក្នុងសិក្ខាសាលាស្តីពីការជំរុញផ្សព្វផ្សាយការអនុវត្តគោលនយោបាយជាតិស្តីពីស្វាយចន្ទីឆ្នាំ២០២២-២០២៧ ដែលមានគោលបំណងពង្រីកការឈ្វេងយល់អំពីការចូលរួមរបស់ក្រុមប្រឹក្សាអភិវឌ្ឍន៍កម្ពុជាក្នុងគោលនយោបាយជាតិស្តីពីស្វាយចន្ទីកាលពីព្រឹកថ្ងៃទី៣១ ខែមករា ឆ្នាំ២០២៤។
មានមតិក្នុងវេទិកាពិភាក្សា ឯកឧត្តម សួន សុផល បានគូសរំលេចអំពីការបោះជំហានថ្មីក្នុងការរៀបចំគោលនយោបាយជាតិដែលមានភាពមុតស្រួច និងចំគោលដៅ ដើម្បីរុញច្រានខ្សែច្រវាក់ផលិតកម្ម និងកែច្នៃស្វាយចន្ទីដែលជាដំណាំយុទ្ធសាស្ត្ររបស់កម្ពុជាឱ្យអស់ពីសក្តានុពល។ ជាមួយគ្នានេះ ឯកឧត្តមក៏បានសង្កត់ធ្ងន់អំពីភាពចាំបាច់នៃយុទ្ធសាស្ត្រផលិត, កែច្នៃ, និងនាំចេញដែលជាបេះដូងនៃការពង្រឹង និងពង្រីកការផ្គត់ផ្គង់ស្វាយចន្ទីឱ្យកាន់តែរីកធំធាត់ប្រកបដោយនវានុវត្តន៍, សមស្របទៅតាមតម្រូវការទីផ្សារ, ប្រែក្លាយកសិករទៅជាកសិពាណិជ្ជករ, និងមានភាពប្រកួតប្រជែងខ្ពស់។
ឯកឧត្តមក៏បានលើកឡើងអំពីការចូលរួមចំណែករបស់តុវិនិយោគកសិ-ចំណីអាហារ “Agri-food Investment Desk” (AFID) ក្នុងការលើកទឹកចិត្តវិស័យឯកជនឱ្យវិនិយោគកែច្នៃផលិតផលស្វាយចន្ទី,ជំរុញឱ្យមានរោងចក្រកែច្នៃផលិតផលស្វាយចន្ទីដើម្បីអភិវឌ្ឍសមត្ថភាពផលិតកម្មស្វាយចន្ទីជាមួយនឹងការផ្ទេរបច្ចេកវិទ្យាឧស្សាហកម្មកែច្នៃដើម្បីអភិវឌ្ឍសមត្ថភាពផលិតកម្មស្វាយចន្ទីសម្រាប់ផលិតជាម្ហូបអាហារ និងកែច្នៃកាកសំណល់ស្វាយចន្ទី និងកៀរគរវិនិយោគិនដើម្បីកសាងឃ្លាំងស្តុកនៅទីតាំងយុទ្ធសាស្ត្រសំខាន់សម្រាប់គ្រប់គ្រងការប្រមូលផល និងស្តុកទុកផលិតផលស្វាយចន្ទីយកទៅកែច្នៃ។
ឯកឧត្តម សួន សុផល បានបង្ហាញនូវក្តីសង្ឃឹមយ៉ាងមុតមាំថាការពូនជ្រុំកម្លាំងសរុបជាមួយដៃគូអភិវឌ្ឍន៍ និងវិស័យឯកជននឹងអាចប្រែក្លាយខ្លឹមសារដូចមានចែងក្នុងគោលនយោបាយជាតិទៅជាសកម្មភាពដែលមានភាពរស់រវើក,សកម្ម, និងជាក់ស្តែងនិយម សំដៅប្រែក្លាយកម្ពុជាឱ្យទៅជាប្រទេសផលិតនិងផ្គត់ផ្គង់ផលិតផលស្វាយចន្ទីដ៏សំខាន់មួយសម្រាប់បម្រើទីផ្សារក្នុងស្រុក, តំបន់,និងពិភពលោក។
សូមបញ្ជាក់ថា៖រាជរដ្ឋាភិបាលកម្ពុជា និងវិស័យឯកជនបាន និងកំពុងយកចិត្តទុកដាក់ និងជំរុញការនាំចេញគ្រាប់ស្វាយចន្ទីឱ្យបានច្រើនជាងគេនៅលើពិភពលោកនាពេលខាងមុខ។ ទន្ទឹមនឹងនេះ សមាគមស្វាយចន្ទីកម្ពុជាក៏រំពឹងថាកម្ពុជានឹងក្លាយជាប្រទេសដែលមានគ្រាប់ស្វាយចន្ទីល្អ និងឆ្ងាញ់ជាងគេផងដែរ៕
Account
Security
Favourite Content