សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ មន្ត្រីជាន់ខ្ពស់នៃក្រុមប្រឹក្សាអភិវឌ្ឍន៍កម្ពុជា (CDC) បានឱ្យដឹងថា ក្នុងរយៈពេល១០ខែកន្លងទៅនេះ CDC បានអនុម័តលើគម្រោងវិនិយោគសរុបចំនួន៣៤៦គម្រោង ក្នុងទំហំទឹកប្រាក់ ជាង៥ពាន់លានដុល្លារអាមេរិក ដែលបានបង្កើតបានឱកាសការងាររហូតដល់ ២៦៨ ២៤២កន្លែង។
ឯកឧត្តមបណ្ឌិត សរ សិនិរ៉ា អគ្គលេខាធិការរងនៃគណៈកម្មាធិការវិនិយោគកម្ពុជាបានថ្លែងឱ្យដឹងពីតួលេខនេះក្នុងសិក្ខាសាលាស្តីពីបច្ចុប្បន្នភាពគោលនយោបាយសេដ្ឋកិច្ច កាលពីថ្ងៃទី១២ ខែវិច្ឆិកា ឆ្នាំ២០២៤ សម្រាប់ថ្នាក់ដឹកនាំនៃក្រសួងការបរទេស និងសហប្រតិបត្តិការអន្តរជាតិ និងមន្រ្តីការទូតកម្ពុជា ដែលកំពុងបំពេញបេសកកម្មការទូតនៅទូទាំងពិភពលោក។
ក្នុងឱកាសផ្តល់កិត្តិយសអញ្ជើញចូលរួមជាវាគ្មិនចែករំលែកព័ត៌មាន ស្តីពីវឌ្ឍនភាពនៃការវិនិយោគផ្ទាល់ពីបរទេសមកកម្ពុជា ឯកឧត្តមបណ្ឌិត សរ សិនិរ៉ា ក៏បានផ្តល់ជូននូវខ្លឹមសារគន្លឹះពាក់ព័ន្ធនឹង «គោលនយោបាយ និងលិខិតុបករណ៍គតិយុត្តសំខាន់ៗសម្រាប់ការទាក់ទាញការវិនិយោគផ្ទាល់ពីបរទេសផងដែរ ។
ឯកឧត្តមបណ្ឌិត ក៏បានជម្រាបជូនទៅអង្គពិធីអំពីសារសំខាន់នៃការបញ្ជ្រាបព័ត៌មានជូនដល់វិនិយោគិនអំពីស្ថានភាពម៉ាក្រូសេដ្ឋកិច្ចរបស់កម្ពុជា ភាពបើកចំហនៃរបបវិនិយោគ ការធានា និងការការពារវិនិយោគ ព្រមទាំងរបបលើកទឹកចិត្តដ៏ទូលំទូលាយចំពោះវិស័យ និងសកម្មភាពវិនិយោគជាច្រើន។ ការលើកទឹកចិត្តដ៏ទូលំទូលាយខាងលើនេះ ដោយមានកំណត់ច្បាស់នៅក្នុងច្បាប់ស្តីពីវិនិយោគ និងអនុក្រឹត្យស្តីពីការអនុវត្តច្បាប់ស្តីពីវិនិយោគ ដែលជាឯកសារគោលអាចប៉ាន់ប្រមាណបាន សម្រាប់ការសម្រេចចិត្តវិនិយោគនៅកម្ពុជា។
ឯកឧត្តមបណ្ឌិត ក៏បានរំលេចផងដែរ អំពីសក្តានុពលទីផ្សារប្រទេសក្នុងតំបន់អាស៊ាន, ទីផ្សាតំបន់អាសិប, ទីផ្សាប្រទេសកូរ៉េខាងត្បូង, ទីផ្សាប្រទេសចិន និង ទីផ្សាអេមីរ៉ាតអារ៉ាប់រួម ដែលវិនិយោគិន អាចនាំចេញនូវផលិតផលដែលផលិតនៅកម្ពុជាទៅកាន់ទីផ្សារទាំងនេះ ដោយអត្រាពន្ធសូន្យ ឬអត្រាពន្ធទាប ក្រោមក្របខ័ណ្ឌកិច្ចព្រមព្រៀងពាណិជ្ជកម្មសេរី។
ទន្ទឹមនឹងនេះ លោកបណ្ឌិត ក៏បានឆ្លៀតជម្រាបជូនទៅអង្គសិក្ខាសាលាផងដែរ អំពីស្ថានភាពការចុះបញ្ជីគម្រោងវិនិយោគ មានលក្ខណៈសម្បត្តិគ្រប់គ្រាន់ ដោយការធ្វើបទបង្ហាញ ការប្រៀបធៀប តួលេខជាក់ស្តែងនៃកំណើនការអនុម័តគម្រោងវិនិយោគ និងទុនវិនិយោគក្នុងអំឡុង១០ខែ ឆ្នាំ២០២៣-២០២៤ ដែលមានកំណើនគួរឱ្យកត់សម្គាល់៕
Account
Security
Favourite Content