សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ភាគច្រើន ស្ត្រីៗដែលមានតួនាទីជាមេផ្ទះតែងតែធ្វើកិច្ចការជាច្រើននៅក្នុងផ្ទះបាយ ដូចជា ជាពិសេសការដាំស្លជាដើម ខណៈដែលនៅតាមបណ្ដាខេត្តមួយចំនួន ស្ត្រីដែលជាមេផ្ទះជាច្រើននៅតែប្រើប្រាស់អុសដើម្បីដុតចម្អិនម្ហូបអាហារជារៀងរាល់ថ្ងៃ។ ការស្រូបផ្សែងពីអុសជាប្រចាំបែបនេះ ថ្វីត្បិតថាមិនបញ្ចេញជាផលប៉ះពាល់ភ្លាមៗដល់ពួកគេ ប៉ុន្តែវានឹងបង្កជាបញ្ហាបន្តិចម្ដងៗដល់សុខភាពស្ត្រីមេផ្ទះ។
ដោយចង់ដោះស្រាយបញ្ហាខាងលើនេះ ក្រុមហ៊ុន ACE បានបង្កើតជាផលិតផលចង្ក្រានបរិស្ថាន ដោយអនុញ្ញាតឱ្យអ្នកប្រើប្រាស់មានភាពងាយស្រួលជាងមុន ចំណេញពេលវេលាក្នុងការចម្អិនអាហារ និងទទួលបានសុវត្ថិភាពខ្ពស់ ជាពិសេសវាអាចជួយកាត់បន្ថយផ្សែងបានរហូតទៅដល់ ៩៥%។
បើតាមលោក សេង ចាន់វាសនា ដែលជាប្រធានផ្នែកលក់ប្រចាំស្ថាប័នមេត្រីបរិស្ថានខាងលើបានឱ្យដឹងថា ចង្ក្រាននេះក៏អាចជួយសន្សំសំចៃអ្នកប្រើប្រាស់ដោយកាត់បន្ថយការប្រើប្រាស់អុស ព្រោះវាមានមុខងាររក្សាកម្ដៅបានល្អ។ មិនត្រឹមតែប៉ុណ្ណោះ ចង្ក្រាននេះក៏មានភ្ជាប់មកជាមួយនូវផ្ទាំងសូឡាដែលអ្នកប្រើប្រាស់អាចទាញយកថាមពលពន្លឺព្រះអាទិត្យចូលទៅក្នុងចង្ក្រានផងដែរ ហើយថាមពលដែលទាញបានពីផ្ទាំងសូឡានោះ គឺអាចប្រើប្រាស់សម្រាប់សាកថ្មទូរស័ព្ទ និងដោតអំពូលភ្លើងបានទៀតផង។
រាប់ចាប់តាំងពីពេលបង្កើតនៅឆ្នាំ២០២០ អាជីវកម្មនេះបានរួមចំណែកយ៉ាងច្រើនទៅដល់សុខមាលភាពអ្នកប្រើប្រាស់ ដែលភាគច្រើនជាស្ត្រីមេផ្ទះ និងបានរួមចំណែកជួយបរិស្ថានដោយកាត់បន្ថយផ្សែង និងកាត់បន្ថយការប្រើប្រាស់អុសផងដែរ។ អាស្រ័យដោយសារតែការចូលរួមជួយដល់សុខមាលភាពប្រជាជន និងបរិស្ថាននេះហើយ ទើបធ្វើឱ្យអាជីវកម្មមួយនេះជាប់ជាអាជីវកម្មបរិយាបន្ន។
ជាអាជីវកម្មបរិយាបន្ន ព្រោះក្រុមហ៊ុនខាងលើនេះមានផែនការអាជីវកម្មច្បាស់លាស់ ដោយមានរោងចក្រដំឡើង និងកែច្នៃផ្ទាល់ដោយស្នាដៃកូនខ្មែរតែម្ដង ហើយក្រៅពីផលិត និងតម្លើងចង្ក្រានបរិស្ថាន ក្រុមហ៊ុននេះក៏មានបង្កើតនូវផលិតផលផ្សេងទៀត ដូចជា អុសបរិស្ថាន ដែលផលិតចេញពីកាកអំពៅ និងកម្ទេចឈើផងដែរ។ អ្វីដែលជាចក្ខុវិស័យរបស់ក្រុមហ៊ុនខាងលើ គឺត្រូវជាមួយនឹងលក្ខខណ្ឌរបស់អាជីវកម្មបរិយាបន្ន ដែលផ្ដោតសំខាន់លើភាពធន់របស់អាជីវកម្ម ផលជះទៅដល់សហគមន៍ និងមានភាពច្នៃប្រតិដ្ឋខ្ពស់ ក្នុងអាជីវកម្ម៕
Account
Security
Favourite Content