សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ឥណ្ឌា គ្រោងកាត់បន្ថយពន្ធលើរថយន្តដែលនាំចូលពីសហភាពអឺរ៉ុប ពីអត្រាពន្ធខ្ពស់ ១១០% មកនៅត្រឹមអត្រា ៤០% ខណៈដែលភាគីទាំងពីរអាចនឹងឈានដល់កិច្ចព្រមព្រៀងពាណិជ្ជកម្មជាមួយគ្នានៅក្នុងសប្ដាហ៍នេះ។
ប្រភពពីបណ្តាញសារព័ត៌មានអន្តរជាតិ បានលើកឡើងថា លោកនាយករដ្ឋមន្ត្រី Narendra Modi ត្រៀមនឹងកាត់បន្ថយពន្ធលើរថយន្តរបស់ប្លុកអឺរ៉ុបពីអត្រា ១១០% មកត្រឹម ៤០% សម្រាប់តម្លៃនាំចូលលើសពី ១៥ ០០០ អឺរ៉ូក្នុងមួយគ្រឿង (១៧ ៧៣៩ ដុល្លារ)។ ការកាត់បន្ថយពន្ធនេះអាចនឹងបន្ធូរបន្ថយឧបសគ្គសម្រាប់ក្រុមហ៊ុនផលិតរថយន្តអឺរ៉ុបដូចជា Volkswagen, Mercedes-Benz និង BMW ក្នុងការចូលទៅកាន់ទីផ្សារឥណ្ឌា ។ ក្រៅពីនេះ ឥណ្ឌា និងសហភាពអឺរ៉ុប ក៏អាចនឹងប្រកាសកតិកាសញ្ញាពាណិជ្ជកម្មរបស់ពួកគេនៅថ្ងៃអង្គារ៍សប្ដាហ៍នេះ បន្ទាប់ពីកិច្ចរចរចាត្រូវបានអូសបន្លាយអស់រយៈពេលជាយូរមកហើយ។ កតិកាសញ្ញានេះអាចមានឥទ្ធិពលលើការពង្រីកទំហំពាណិជ្ជកម្មទ្វេភាគី និងបន្ធូរបន្ថយការរឹតបន្តឹងលើការនាំចូលទំនិញរពីឥណ្ឌា ដូចជា វាយនភ័ណ្ឌ និងគ្រឿងអលង្ការជាដើម។
សូមបញ្ជាក់ថា បច្ចុប្បន្ននេះ ក្រុមហ៊ុនរថយន្តអឺរ៉ុបមានចំណែកតិចជាង ៤% ប៉ុណ្ណោះនៅក្នុងទីផ្សាររថយន្តសរុបរបស់ឥណ្ឌាជាង ៤,៤ លានគ្រឿង ដោយសារភាគច្រើនត្រូវបាននាំមុខដោយក្រុមហ៊ុនក្នុងស្រុក Mahindra និង Tata ដែលមានចំណែកចូលគ្នាជាង ២ ភាគ ៣ នៃចំនួនសរុប។ លើសពីនេះ ទីផ្សាររថយន្តឥណ្ឌាបានកំណត់គោលដៅរហូតដល់ ៦ លានគ្រឿងត្រឹមឆ្នាំ២០៣០ ខណៈដែលក្រុមហ៊ុនបរទេសមួយចំនួនកំពុងចាប់អារម្មណ៍លក្នុងការវិនិយោគ។ ជាក់ស្តែង ក្រុមហ៊ុនរថយន្តរបស់បារាំង Renault ត្រៀមនឹងត្រលប់មកប្រទេសឥណ្ឌាវិញជាមួយនឹងយុទ្ធសាស្រ្តថ្មីបន្តាប់ពីបានចាកចេញ ហើយក្រុមហ៊ុនអាល្លឺម៉ង់ Volkswagen Group ក៏ត្រៀមវិនិយោគនៅក្នុងប្រទេសឥណ្ឌាផងដែរតាមរយៈម៉ាក Skoda របស់ខ្លួន៕
Account
Security
Favourite Content