សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ពិភពលោក បាន និងកំពុងបន្តភាពតានតឹងទាំងបញ្ហាពាណិជ្ជកម្ម និងកម្លាំងយោធា ប្រឈមដាក់គ្នាយ៉ាងតឹងតែង និងបានជះឥទ្ធិពលយ៉ាងអាក្រក់ទៅដល់ស្ថិរភាពសេដ្ឋកិច្ច ការរស់នៅប្រចាំថ្ងៃរបស់មនុស្សជាតិ ក៏ដូចជាផ្នែកសន្តិសុខផងដែរ។
នៅពេលដែលនិយាយពីសង្គ្រាម ច្បាស់ណាស់គេតែងសង្កត់ធ្ងន់ទៅលើក្រុមប្រទេសមហាអំណាចដែលមានឥទ្ធិពលទៅលើបច្ចេកវិទ្យាបមបាក់លើសព្វាវុធធុនធំ ដូចជា មីស៊ីលរយៈចម្ងាយឆ្ងាយ ដែលក្រៅពីមានបំពាក់ទៅដោយបច្ចេកវិទ្យាថ្មីៗ ថែមទាំងអាចប្រើ ឬបញ្ជាបានយ៉ាងចម្រុះ ដែលអាចនិយាយបានថា ពហុមុខងារ ដែលមានឥទ្ធិពល និងប្រសិទ្ធភាពខ្ពស់ អាចកំណត់ចំទីតាំងគោលដៅក្នុងរយៈចម្ងាយរាប់ពាន់គីឡូម៉ែត្រឯណោះ។
ដោយឡែក ប្រសិទ្ធភាពនៃការបច្ចេកវិទ្យាអាវុធនៅក្នុងសម័យកាលនេះ មិនអាស្រ័យតែទៅលើរយៈចំងាយនៃការវាយប្រហារនោះទេ ប៉ុន្តែវាចាំបាច់ត្រូវតែជាអាវុធដែលអាចបញ្ចូលគ្នានៃមុខងារសំខាន់ៗផ្សេងទៀត បូករួមទាំងភាពបត់បែន ល្បឿន គោលដៅវាយប្រហារច្បាស់ និងបច្ចេកវិទ្យាបំបាំងខ្លួនពីរ៉ាដាជាដើម។
ដោយមិនចាំបាច់ពិពណ៌នាអាវុធទាំងអស់នោះទេ ត្រឹមតែបច្ចេកវិទ្យាមីស៊ីលរបស់បណ្តាប្រទេសជឿនលឿនមួយចំនួននៅលើពិភពលោកនាពេលបច្ចុប្បន្ននេះ ក៏មានកម្រិតប្រកួតប្រជែងគ្នាស្ទើតែមិនអាចនឹកស្មានដល់ រួមបញ្ចូលទាំងមុខងារពិសេសៗ សមត្ថភាពប្រយុទ្ធខុសគ្នា ដែលមីស៊ីលទាំងអស់នោះ នឹងក្លាយទៅជាអាវុធដ៏អស្ចារ្យ ដែលអាចផ្លាស់ប្តូររបៀបនៃការធ្វើសង្គ្រាមនាពេលបច្ចុប្បន្ន ក៏ដូចជានៅពេលអនាគតបាន។
ខាងក្រោមនេះ គឺជាម៉ូដែលមីស៊ីលទំនើបៗ និងល្បីបំផុតទាំង១០ ដែលត្រូវបានសារព័ត៌មាន Interesting Engineering កត់ត្រាដាក់ចូលក្នុងបញ្ជីនៃប្រភេទមីស៊ីលដែលអាចធ្វើឲ្យសង្គ្រាមមានភាពប្រែប្រួលភ្លាមៗប្រសិនបើភាគីណាមួយអាចយកទៅប្រើប្រាស់ និងបំពាក់ជាមួយនឹងកម្លាំងយោធារបស់ខ្លួន៖
- RS-28 Sarmat ៖ ជាមីស៊ីលគីឡូធ្ងន់បំផុតរបស់រុស្សី ទំងន់ប្រហែលជាង ២០០តោនក្នុងមួយគ្រាប់ អាចវាយប្រហារបានទៅដល់ ១៨ ០០០គីឡូម៉ែត្រ
- DF41៖ ផលិតនៅប្រទេសចិន អាចបំពាក់ជាមួយនឹងមធ្យោបាយបាញ់ច្រើនប្រភេទ បូករួមទាំងរថយន្តចល័ត ឬក្នុងទំរង់នៅលើផ្លូវដែកក្តី។ វាអាចវាយប្រហារបានទៅដល់សហរដ្ឋអាម៉េរិកនិងលើសពី ១២ ០០០គីឡូម៉ែត្រ ឬទៅដល់ ១៥ ០០០គីឡូម៉ែត្រ
- Trident II D5 (US/UK)៖ បច្ចុប្បន្ន មីស៊ីលនេះត្រូវបានដាក់ពង្រាយរួចទៅហើយនៅសហរដ្ឋអាម៉េរិក និងភ្ជាប់ជាមួយនឹងនាវាមុជទឹករបស់អង់គ្លេស Vanguard-class។ វាមានសមត្ថភាពវាយប្រហារបានចំងាយ ១២ ០០០គីឡូម៉ែត្រ
- Avanguard Hypersonic Glide Vehicle ៖ ផលិតនៅប្រទេសរុស្ស៊ី អាចវាយប្រហារបានចំងាយ ៦ ០០០គីឡូម៉ែត្រ
- DF-17 ៖ ជាមីស៊ីលនៃកងកម្លាំងយោធាចិន។ វាអាចវាយប្រហារបាន ២ ៥០០គីឡូម៉ែត្រ ប៉ុន្តែបន្ថែមមុខងារឆ្លងកាត់រ៉ាដាទំនើបៗ និងប្រព័ន្ធការពារដែនអាកាសផ្សេងទៀតជាច្រើនប្រភេទ
- Kh-47M2 Kinzhal ៖ ជាមីស៊ីលរបស់ប្រទេសរុស្ស៊ូមួយប្រភេទ ដែលអាចបំពាក់ជាមួយនឹងយន្តហោះចម្បាំងប្រភេទ MiG-31 និងអាចធ្វើដំណើរក្នុងល្បឿនលឿនដល់ទៅ១០ដងជាងល្បឿនសម្លេងជាមួយនឹងចំងាយវាយប្រហារ ២ ០០០គីឡូម៉ែត្រ
- 3M22 Zircon៖ មីស៊ីលផលិតនៅរុស្ស៊ី ដោយអាចវាយប្រហារបានចំងាយ ១០០០គីឡូម៉ែត្រក្នុងល្បឿន ៩ដង លឿនជាងល្បឿនសម្លេង
- Long-range Hypersonic Weapon ៖ មីស៊ីលនេះផលិតនៅអាម៉េរិក ឬអាចហៅមួយទៀតថា Dark Egle ដោយអាចវាយប្រហារបានចំងាយដល់ទៅ ២ ៧០០គីឡូម៉ែត្រ
- AGM-183A ARRW៖ ផលិតនៅអាម៉េរិក អាចវាយប្រហារបានចំងាយ១៦០០គីឡូម៉ែត្រ និងអាចបំពាក់ជាមួយនឹងយន្តហោះទំលាក់គ្រាប់បែកខ្នាតយក្សរបស់អាម៉េរិក strategic bomber
- Hwasong-18 ៖ ជាផលិតផលរបស់កូរ៉េខាងជើង អាចវាយប្រហារបានឆ្ងាយខ្លាំងណាស់រហូតដល់ទៅ ១៥ ០០០គីឡូម៉ែត្រ និងជាមីស៊ីលចំងាយឆ្ងាយដែលអាម៉េរិក និងសម្ព័ន្ធមិត្តមានការភ័យខ្លាចខ្លាំងជាងគេ៕
Account
Security
Favourite Content