សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ ថាមពលកើតឡើងវិញ ឬ Renewable Fuel បានក្លាយជាប្រធានបទដែលគួរឲ្យទាក់ទាញបំផុតរបស់ពិភពលោក ពីព្រោះវាគឺជាវិធីសាស្ត្រជួយឲ្យមនុស្សជាតិគេចចេញពីផលប៉ះពាល់នៃបម្រែបម្រួលអាកាសធាតុដ៏អាក្រក់នាពេលអនាគត ដែលកំពុងត្រូវបានព្រមានដោយអង្គការសហប្រជាជាតិយ៉ាងខ្លាំង។
នៅក្នុងចំណោមថាមពលកើតឡើងវិញដែលមនុស្សជាច្រើនបានដឹង និងអ្នកជំនាញស្រាវជ្រាវកំពុងសិក្សាបន្ថែមរួមមានដូចជា ថាមពលជីវៈឧស្ម័ន, ថាមពលជីវៈឥន្ធនៈ, ថាមពលជីវៈម៉ាស, ថាមពលកំដៅក្នុងដី, ថាមពលព្រះអាទិត្យ, ថាមពលរំហូរទឹក, និងថាមពលខ្យល។
ជាផ្នែកមួយនៃកិច្ចខំប្រឹងប្រែងសិក្សាទាំងនេះ បណ្តាប្រទេសជាច្រើនលើពិភពលោក បាន និងខិតខំយ៉ាងខ្លាំងក្នុងការអភិវឌ្ឍ និងកែច្នៃបច្ចេកវិទ្យាដើម្បីអាចទាញយកថាមពលទាំងនេះឲ្យបានប្រសិទ្ធភាពបំផុតមកជំនួសថាមពលដែលកំពុងបំផ្លាញភពផែនដីដូចជាប្រេងសាំង និងប្រេងម៉ាស៊ូតជាដើម ដោយក្នុងនោះសហរដ្ឋអាមេរិកដែលជាប្រទេសមហាអំណាចសេដ្ឋកិច្ចធំបំផុតលើពិភពលោកក៏កំពុងមានសកម្មភាពយ៉ាងមមាញឹកផងដែរ។
មកដល់ពេលបច្ចុប្បន្ននេះ ក្រសួងទទួលបន្ទុកកិច្ចការងារថាមពលរបស់សហរដ្ឋអាមេរិកត្រូវបានគេដឹងថាបានបង្ហាញពីគោលជំហគាំទ្រយ៉ាងខ្លាំងក្នុងកិច្ចធ្វើការស្រាវជ្រាវទៅលើបច្ចេកវិទ្យាផលិតថាមពលកើតឡើងវិញដ៏អស្ចារ្យមួយដែលអាចបង្កើនថាមពលខ្លាំងជាងថាមពលដែលមាននៅក្នុងប្រេងសាំងដល់ទៅ 3ដង ហើយលើសពីនេះទៅទៀត ថាមពលដែលកំពុងផ្តោតការយកចិត្តទុកដាក់មួយនេះ អាចនឹងក្លាយទៅជាថាមពលកើតឡើងវិញតែមួយគត់នៅលើភពផែនដីដែលមិនបំពុលបរិយាកាសនៅពេលដែលត្រូវបានប្រើប្រាស់។
ក្រុមហ៊ុនបច្ចេកវិទ្យាមួយរបស់អាមេរិកដែលកំពុងដឹកនាំដោយអតីតវិស្វករជំនាញរបស់អង្គការណាសាដែលមានឈ្មោះថា AmmPower Corp. ត្រូវបានគេដឹងថាគឺជាអ្នកនាំមុខគេនៅក្នុងកិច្ចការងារអភិវឌ្ឍន៍បច្ចេកវិទ្យា និងផលិតថាមពលដ៏មានអនុភាពមួយនេះ ប៉ុន្តែត្រូវបានគេជឿជាក់ថាវានឹងត្រូវចំណាយពេលយូរបន្តិចទៀតដើម្បីអាចយកវាមកប្រើប្រាស់ជាផ្លូវការបានក្នុងការផ្គត់ផ្គង់ទីផ្សារដ៏មានសក្តានុពល ដែលរាល់ការចំណាយលើកិច្ចការងារទាំងនេះត្រូវបានធានារ៉ាប់រងដោយសហរដ្ឋអាមេរិក៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
Dytech Limited ជួយបង្កើនចំណូលសហគមន៍នៅប្រទេសហ្សំប៊ីពីការផលិតទឹកឃ្មុំ និងការពារជីវៈចម្រុះ
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 18/04/2024
Dytech Limited បានធ្វើការជាមួយសហគមន៍នៅក្នុងតំបន់ដីសើមក្នុងការផលិតទឹកឃ្មុំ ដើម្បីឲ្យអ្នកភូមិចៀសឆ្ងាយពីការកាប់ដើមឈើ និងសកម្មភាពបរបាញ់ ដែលនាំឱ្យប៉ះពាល់ដល់ជីវៈចម្រុះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content