សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ គ្រោះទឹកជំនន់បានឆក់យកជីវិតមនុស្សជាង ១ ០០០ នាក់នៅលើកោះស៊ូម៉ាត្រា ហើយការកសាងហេដ្ឋារចនាសម្ព័ន្ធនានាឡើងវិញអាចនឹងចំណាយយ៉ាងហោចណាស់ ៣,១១ ពាន់លានដុល្លារ នេះបើយោងតាមការរាយការណ៍ពី CNA។
កាលពីថ្ងៃចន្ទ ប្រធានាធិបតីឥណ្ឌូណេស៊ី លោក Prabowo Subianto បានលើកឡើងថា កោះស៊ូម៉ាត្រា បានរងការវាយប្រហារដោយទឹកជំនន់យ៉ាងធ្ងន់ធ្ងរ និងបានឆក់យកជីវិតមនុស្សជាង ១ ០០០ នាក់។ ប្រធានាធិបតីរូបនេះបានប្រាប់កិច្ចប្រជុំគណៈរដ្ឋមន្ត្រីថា ការកសាងឡើងវិញនូវហេដ្ឋារចនាសម្ព័ន្ធនានានៅក្នុងខេត្តដែលរងផលប៉ះពាល់ចំនួន៣ កំពុងដំណើរការជាមួយនឹងការសុំទោសផងដែរ ដោយសារអាជ្ញាធរមិនអាចសង្គ្រោះ និងដោះស្រាយបញ្ហាក្នុងរយៈពេលលឿនបាននោះទេ ប៉ុន្តែប្រហែលជាក្នុងរយៈពេល ២ ទៅ ៣ ខែ សកម្មភាពនៅក្នុងខេត្តទាំងនឹងត្រលប់មកធម្មតាវិញ។ ស្ថានភាពនៅលើកោះស៊ូម៉ាត្រា កំពុងស្ថិតក្រោមការគ្រប់គ្រងដោយមានជំនួយពីបរទេស។ លើសពីនេះ អាជ្ញាធរនឹងសាងសង់ផ្ទះបណ្តោះអាសន្នរាប់រយខ្នងសម្រាប់អ្នកដែលផ្លាស់ទីលំនៅ ដោយមន្ត្រីរដ្ឋាភិបាលជាន់ខ្ពស់បានព្យាករណ៍ថា ការកសាងឡើងវិញនូវបណ្តាញហេដ្ឋារចនាសម្ព័ន្ធនានានៅលើកោះស៊ូម៉ាត្រាអាចនឹងចំណាយអស់យ៉ាងហោចណាស់ ៣,១១ ពាន់លានដុល្លារ។
យោងតាមទិន្នន័យផ្លូវការបានឱ្យដឹងថា ទឹកជំនន់ និងការបាក់ដីដែលបង្កឡើងដោយព្យុះស៊ីក្លូនបានសម្លាប់មនុស្សជាង ១ ០០០ នាក់ បំផ្លាញផ្ទះសម្បែង និងបង្ខំឱ្យមនុស្សជម្លៀសលើកោះស៊ូម៉ាត្រាកើនឡើងដល់ ១ ០៣០ នាក់ ជាមួយនឹងការបាត់ខ្លួន ២០៦ នាក់។ ព្យុះនេះក៏បានសម្លាប់មនុស្សប្រហែល ២០០ នាក់នៅភាគខាងត្បូងប្រទេសថៃ និងម៉ាឡេស៊ីផងដែរ។ ក្រុមអ្នកស្រឡាញ់ធនធានបៃតងបានលើកឡើងថា ការកាប់បំផ្លាញព្រៃឈើ , ការជីកយករ៉ែកាន់តែធ្វើឲ្យមានទឹកជំនន់កាន់តែខ្លាំងឡើង។ ទន្ទឹមនឹងនេះ ក្រសួងបរិស្ថានរបស់ឥណ្ឌូនេស៊ីបានផ្អាកជាបណ្តោះអាសន្ននូវប្រតិបត្តិការរបស់ក្រុមហ៊ុនដែលត្រូវបានចោទប្រកាន់ពីបទរំលោភបំពានធម្មជាតិ និងតម្រូវឱ្យពួកគេធ្វើសវនកម្មបរិស្ថានឡើងវិញ៕
Account
Security
Favourite Content