សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ឆ្នាំ២០២៥ អាចចាត់ទុកបានថាជាឆ្នាំប្រវត្តិសាស្ត្រដែលកម្ពុជាទទួលបានគម្រោងវិនិយោគច្រើនមិនធ្លាប់មាន ជាក់ស្ដែងរយៈពេល៩ខែដើមឆ្នាំ២០២៥នេះ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងវិនិយោគសរុបចំនួន ៥៤៦គម្រោង បើគិតជាទឹកប្រាក់មានទំហំប្រមាណ ៧,៨ពាន់លានដុល្លារអាម៉េរិក ហើយក្នុងចំណោមបណ្ដាវិនិយោគិនដែលបានបណ្ដាក់ទុនវិនិយោគក្នុងប្រទេសកម្ពុជារយៈពេល៩ខែកន្លងមកនេះដែរឃើញថា វិនិយោគិនមកពីប្រទេសចំនួន៣បានដាក់ទុននៅកម្ពុជាច្រើនជាងគេ ។
យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជាបានបង្ហាញថា ក្នុងរយៈពេល៩ខែដើមឆ្នាំ២០២៥នេះ វិនិយោគិនចិន កម្ពុជា និងសិង្ហបុរី បានឈរលើលំដាប់កំពូលទាំង៣ ដែលបានដាក់ទុនវិនិយោគច្រើនជាងគេនៅកម្ពុជា ក្នុងនោះ ចិនបានឈរលំដាប់លេខ១ កម្ពុជាឈរនៅលំដាប់លេខ២ និងសិង្ហបុរីឈរនៅលំដាប់ទី៣ ។
បើតាមរបាយការណ៍ដដែលបានបង្ហាញឱ្យដឹងថា ក្នុងរយៈពេល៩ខែកន្លងមកនេះ ប្រភពទុនវិនិយោគដែលទទួលបានពីប្រទេសចិនមានប្រមាណ ៥២,៩៦ភាគរយនៃទុនវិនិយោគទាំងអស់ ឬស្មើនឹងប្រមាណ ៤,១៣ពាន់លានដុល្លារអាម៉េរិក, ប្រភពទុនវិនិយោគពីវិនិយោគិនកម្ពុជាខ្លួនឯងមានប្រមាណ ៣០,១៥ភាគរយ ឬស្មើនឹងប្រមាណ ២,៣៥ពាន់លានដុល្លារអាម៉េរិក និងប្រភពទុនដែលទទួលបានពីប្រទេសសិង្ហបុរីបានរួមចំណែកប្រមាណ ៦,៩៣ភាគរយ ឬស្មើនឹងប្រមាណ ៥៤០លានដុល្លារអាម៉េរិក ។
ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជាបានលើកឡើងថា ក្នុងរយៈពេលជាង៣០ឆ្នាំកន្លងមកនេះ មានតែឆ្នាំ២០២៤ និងឆ្នាំ២០២៥នេះទេ ដែលកម្ពុជាទទួលបានគម្រោងវិនិយោគច្រើន និងអាចចាត់ទុកជាប្រវត្តិសាស្ត្រសម្រាប់កម្ពុជាផងដែរ ។
ឯកឧត្តមបានស្វាគមន៍ចំពោះរាល់វិនិយោគិនដែលចង់បណ្ដាក់ទុនវិនិយោគនៅកម្ពុជាក្នុងពេលដែលកម្ពុជាផ្ដល់ការលើកទឹកចិត្តដល់ការវិនិយោគនានា ដូចជាលើកទឹកចិត្តផ្នែកពន្ធ ការសម្រួលដំណើរការឯកសារដែលពាក់ព័ន្ធជាដើម៕
លោកប៉ូ អាវគង់ អគ្គនាយកក្រុមហ៊ុនអចលនទ្រព្យ Advance បានមានប្រសាសន៍ថា កំណើននៃការវិនិយោគលើរោងចក្របានធ្វើឱ្យតម្រូវការនៃការប្រើប្រាស់ដីធ្លីសម្រាប់សាងសង់រោងចក្រមានការកើនឡើង ដែលធ្វើឱ្យចរន្តនៃការដោះដូរដី ទិញ-លក់ដី នៅតែមានសកម្មភាព ជាពិសេសដីធ្លីនៅតំបន់ជាយៗក្រុង និងមានតម្លៃរង្វង់ត្រឹម១០ដុល្លារអាម៉េរិកក្នុងមួយម៉ែត្រការ៉េ ៕
Account
Security
Favourite Content