សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីបរទេសបានរាយការណ៍ថា សេដ្ឋកិច្ចរបស់អ៊ីស្រាអែលបានរងការខូចខាតក្នុងកម្រិតធ្ងន់ធ្ងរដោយសារការធ្វើសង្គ្រាមជាមួយអ៊ីរ៉ង់រយៈពេលជាង១០ថ្ងៃ ក្នុងតម្លៃរហូតដល់រាប់ពាន់លានដុល្លារ។
នៅក្នុងសប្តាហ៍ដំបូង អ៊ីស្រាអែល បានចំណាយប្រហែល ៥ ពាន់លានដុល្លារសម្រាប់ការធ្វើសង្គ្រាមជាមួយនឹងអ៊ីរ៉ង់។ បន្ថែមពីនេះ ការចំណាយប្រចាំថ្ងៃរបស់អ៊ីស្រាអែលសម្រាប់សង្គ្រាមឈានដល់ ៧២៥ លានដុល្លារ ដោយ ៥៩៣ លានដុល្លារសម្រាប់ការវាយប្រហារ និង ១៣២ លានដុល្លារសម្រាប់ការការពារ និងការចល័តយោធា។ មិនត្រឹមតែប៉ុណ្ណោះ អ៊ីស្រាអែលត្រូវចំណាយលើប្រព័ន្ធអាកាសប្រឆាំងមីស៊ីលចាប់ពី ១០ លានដុល្លារដល់ ២០០ លានដុល្លារប្រចាំថ្ងៃ។ អ្នកវិភាគព្យាករណ៍ថា ប្រសិនបើការវាយប្រហារបន្តអស់រយៈពេលមួយខែ នោះការចំណាយសរុបអាចឈានដល់ជាង ១២ ពាន់លានដុល្លារ។
យោងតាមប្រភពដដែលលើកឡើងថា ការវាយប្រហារ មិនត្រឹមតែប៉ះពាល់ដល់ការចំណាយយោធារបស់អ៊ីស្រាអែលប៉ុណ្ណោះទេ ប៉ុន្តែខូចខាតដល់សកម្មភាពផលិតរបស់ប្រទេសផងដែររហូតដល់ទៅ ២០ ពាន់លានដុល្លារ។ ឱនភាពថវិការបស់អ៊ីស្រាអែលអាចនឹងកើនឡើង ៦% ហើយការទូទាត់សំណងដល់ពលរដ្ឋដែលរងផលប៉ះពាល់នឹងធ្វើឱ្យហិរញ្ញវត្ថុសាធារណៈរបស់ប្រទេសកាន់តែយ៉ាប់យ៉ឺនបន្ថែមទៀត។ នៅក្នុងសប្តាហ៍ដំបូង ពលរដ្ឋអ៊ីស្រាអែលត្រូវបានជម្លៀសចេញពីផ្ទះមានចំនួនលើសពី ១ ម៉ឺននាក់ ខណៈដែលមនុស្សជិត ៣៦៥ ០០០ នាក់បានប្តឹងទាមទារសំណង។ ទន្ទឹមនឹងនេះ ក្រសួងហិរញ្ញវត្ថុអ៊ីស្រាអែលបានលាតត្រដាងថា ធនធានហិរញ្ញវត្ថុនាពេលបច្ចុប្បន្នរបស់ប្រទេសកំពុងធ្លាក់ចុះយ៉ាងឆាប់រហ័ស ហើយខ្លួនបានស្នើសុំប្រាក់ចំនួន ៨៥៧ លានដុល្លារដើម្បីផ្ទេរទៅឱ្យក្រសួងការពារជាតិ ខណៈដែលស្នើសុំកាត់បន្ថយចំនួន ២០០ លានដុល្លារពីក្រសួងសុខាភិបាល អប់រំ និងសេវាសង្គម។ អ្នកជំនាញព្រមានថា អត្រាកំណើនរបស់អ៊ីស្រាអែលនឹងយឺត ខណៈដែលដែលអត្រានៃភាពអត់ការងារធ្វើនឹងកើនឡើង។ ប្រសិនបើជម្លោះនៅតែបន្ត អត្រានៃភាពក្រីក្រនឹងកើនឡើង។
គួរបញ្ជាក់ដែរថា អ៊ីរ៉ង់ បានកំណត់គោលដៅលើហេដ្ឋារចនាសម្ព័ន្ធសំខាន់ៗនៅក្នុងទីក្រុង Tel Aviv និង Haifa របស់អ៊ីស្រាអែល និងការវាយប្រហាររហូតដល់បិទ Bazan ដែលជារោងចក្រចម្រាញ់ប្រេងដ៏ធំបំផុតរបស់អ៊ីស្រាអែល ដែលបណ្តាលឱ្យមានការខាតបង់ប្រចាំថ្ងៃប្រហែល ៣ លានដុល្លារ។ មិនត្រឹមតែប៉ុណ្ណោះ អាកាសយានដ្ឋាន Ben Gurion បានផ្អាកប្រតិបត្តិការ ខណៈដែលវាគ្រប់គ្រងជើងហោះហើរប្រហែល ៣០០ ជើង និងអ្នកដំណើរ ៣៥ ០០០ នាក់ជារៀងរាល់ថ្ងៃ។ ការរអាក់រអួលនេះអាចបណ្តាលឱ្យសេដ្ឋកិច្ចខាតបង់កាន់តែច្រើន។ លើសពីនេះ ក្រុមហ៊ុនអាកាសចរណ៍ជាតិរបស់អ៊ីស្រាអែល El Al ផ្អាកជើងហោះហើរ និងបង្វែរយន្តហោះទៅគោលដៅផ្សេង ដើម្បីការពារការគំរាមកំហែងណាមួយ។ លើសពីនេះ កាំជ្រួចរបស់អ៊ីរ៉ង់វាយប្រហារលើកន្លែងប្រតិបត្តិការពេជ្ររបស់អ៊ីស្រាអែល ដែលជាវិស័យមានចំណែកប្រហែល ៨% នៃការនាំចេញសរុបរបស់ប្រទេស៕
Account
Security
Favourite Content