សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ព្រះរាជាណាចក្រកម្ពុជា នឹងធ្វើជាម្ចាស់ផ្ទះរៀបចំកិច្ចប្រជុំលើកទី២០ រដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ (AMMSTI-20) លើកិច្ចប្រជុំលើកទី៨៥ គណៈកម្មាធិការអាស៊ានស្តីពីវិទ្យាសាស្ត្រ បច្ចេកវិទ្យា និងនវានុវត្តន៍ (COSTI-85) និងកិច្ចប្រជុំពាក់ព័ន្ធផ្សេងៗទៀតចាប់ពីថ្ងៃទី៣ ដល់ថ្ងៃទី៧ ខែមិថុនា ឆ្នាំ២០២៤ នៅខេត្តសៀមរាប។នេះបើតាមសេចក្តីប្រកាសព័ត៌មានរបស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ។
ប្រភពដដែលនេះបានឱ្យដឹងទៀតថា ៖ កិច្ចប្រជុំទាំងនេះនឹងមានការអញ្ជើញចូលរួមពីថ្នាក់ដឹកនាំ និងគណៈប្រតិភូនៃបណ្តាប្រទេសសមាជិកអាស៊ានទាំង១០ លេខាធិការដ្ឋានអាស៊ាន សាធារណរដ្ឋប្រជាធិបតេយ្យ ទីម័រខាងកើត (ប្រទេសសង្កេតការណ៍) និងដៃគូសន្ទនាអាស៊ានមួយចំនួនទៀត។
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញជាអធិបតីដ៏ខ្ពង់ខ្ពស់ក្នុងពិធីបើកកិច្ចប្រជុំលើកទី២០ រដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី៧ ខែមិថុនា ឆ្នាំ២០២៤។ កិច្ចប្រជុំនេះ ជាឱកាសដ៏សំខាន់មួយក្នុងការពង្រឹង និងពង្រីកយុទ្ធសាស្រ្តសម្រាប់វិទ្យាសាស្ត្រ បច្ចេកវិទ្យា និងការច្នៃប្រឌិតនៅក្នុងចំណោមប្រទេសជាសមាជិកអាស៊ាន។
គួររំលឹកថា កិច្ចប្រជុំថ្នាក់រដ្ឋមន្ត្រីអាស៊ានលើកទី១៩ ស្តីពីវិទ្យាសាស្ត្រ បច្ចេកវិទ្យា និងនវានុវត្តន៍ (AMMSTI-១៩) បានប្រារព្ធនៅចុងឆ្នាំ២០២៣ នាប្រទេសហ្វីលីពីន។
ASEAN COSTI គឺជាស្ថាប័នតាមវិស័យមួយនៅក្រោមអាស៊ាន ដែលទទួលខុសត្រូវលើគ្រប់ទិដ្ឋភាពនៃកិច្ចសហប្រតិបត្តិការ និងសមាហរណកម្មវិទ្យាសាស្ត្រ បច្ចេកវិទ្យា និងការច្នៃប្រឌិតក្នុងចំណោម បណ្តាប្រទេសជាសមាជិកអាស៊ាន ៕
Account
Security
Favourite Content