សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
រដ្ឋមន្ត្រីក្រសួងទេសចរណ៍ ឯកឧត្តម សុខ សូកេន បានគូសបញ្ជាក់អំពីគោលនយោបាយអាទិភាពរបស់ក្រសួង ខណៈដែលសមិទ្ធផលថ្មីនៃព្រលានយន្ដហោះអន្តរជាតិសៀមរាប-អង្គរ ត្រូវបានចាប់ដំណើរការទទួលជើងហោះហើរទាំងក្នុងស្រុក និងមកពីក្រៅប្រទេស ហើយឈានទៅដល់ពិធីបើកសម្ពោធជាផ្លូវការនៅត្រឹមថ្ងៃទី១៦ ខែវិច្ឆិកា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់របស់សម្ដេច មហាបវរធីបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
ជាមួយគ្នានេះដែរ ឯកឧត្តមក៏បានលើកឡើងនូវគោលដៅយុទ្ធសាស្ត្រចំនួន៥របស់ក្រសួងទេសចរណ៍ ដែលក្នុងនោះក៏មានផងដែរនូវការពង្រឹងវិស័យហេដ្ឋារចនាសម្ព័ន្ធ។ ដោយឡែកយុទ្ធសាស្ត្រទាំង៥ របស់ក្រសួងរួមមាន ៖ ការបង្កើនទី១ គឺបង្កើនកិត្តិនាមរបស់កម្ពុជា តាមរយៈការផ្សព្វផ្សាយ, ទី២គឺបង្កើនការផ្សព្វផ្សាយទៅលើទីផ្សារគោលដៅរបស់កម្ពុជា ដែលមានចិន អាមេរិក អ៊ឺរ៉ុប ជប៉ុន និងកូរ៉េ។
ទី៣ គឺការបង្កើនប្រសិទ្ធភាពក្នុងការសម្របសម្រួលការធ្វើដំណើររបស់ទេសចរណ៍, ទី៤គឺ បង្កើនផលិតផលទេសចរណ៍របស់កម្ពុជា ទេសចរណ៍ធុរកិច្ច ទេសចរណ៍សាសនា ទេសចរណ៍ ម្ហូបអាហារជាដើម។ និងចុងក្រោយគឺការបង្កើននូវប្រសិទ្ធភាពនៃឧស្សាហកម្មទេសចរណ៍ ដែលទាមទារឱ្យមានការកំណត់ស្តង់ដារច្បាស់លាស់។
តាមរយៈការពង្រឹងនូវហេដ្ឋារចនាសម្ព័ន្ធនេះ ឯកឧត្តមរដ្ឋមន្ត្រីមានជំនឿយ៉ាងមុតមាំថាវានឹងអាចផ្ដល់ឱកាសដល់ការវិនិយោគលើវិស័យផ្សេងៗទៀត ជាពិសេសដូចជាវិស័យអចលនទ្រព្យជាដើម ហើយដែលនឹងផ្ដល់ប្រយោជន៍ទៅដល់វិស័យទេសចរណ៍ជារួមផងដែរ។
ឯកឧត្តមបានគូសបញ្ជាក់យ៉ាងដូច្នេះថា៖
«ខ្ញុំសង្ឃឹមយ៉ាងមុតមាំថា ក្នុងនាមជាក្រសួង យើងនឹងខិតខំសម្របសម្រួលធ្វើឱ្យទេសចរណ៍មានភាពសកម្ម និងមានការងើបឡើងវិញឱ្យប្រហាក់ប្រហែលនឹងឆ្នាំ២០១៩។»
មិនត្រឹមតែប៉ុណ្ណោះ ហេដ្ឋារចនាសម្ព័ន្ធធំៗបែបនេះ នឹងផ្ដល់ផលប្រយោជន៍សេដ្ឋកិច្ចជូនដល់ប្រជាជនគ្រប់រូបផងដែរ។ ហើយដើម្បីអនុវត្តយុទ្ធសាស្ត្រនេះឱ្យមានប្រសិទ្ធភាព គឺត្រូវការការងារស្នូលសំខាន់៣ទៀត ដែលទី១ គឺអភិវឌ្ឍន៍ធនធានមនុស្សរបស់វិស័យទេសចរណ៍, ទី២ បង្កើនកិច្ចការឌីជីថលដើម្បីជំរុញទេសចរណ៍ និងទី៣ គឺអភិវឌ្ឍន៍ហេដ្ឋារចនាសម្ព័ន្ធស្ថាប័នថ្នាក់ជាតិ និងក្រោមជាតិ៕
Account
Security
Favourite Content