សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពីរ៉យទ័រ បានរាយការណ៍ថា តម្លៃប្រេងបានឡើងថ្លៃជិត ២% បន្ទាប់ពីមានការវាយប្រហារដោយយន្តហោះគ្មានមនុស្សបើកលើតំបន់ប្រេង Kurdistan របស់អ៊ីរ៉ាក់អស់រយៈពេល ៤ ថ្ងៃ។
តម្លៃប្រេងឆៅម៉ាក Brent បានឡើងថ្លៃ ១,៤៦% ឬ ៦៩,៥២ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,៧៥% ឬ ៦៧,៥៤ ដុល្លារក្នុងមួយបារ៉ែល។ ការឡើងតម្លៃប្រេងនេះកើតឡើងបន្ទាប់ពីមានការវាយប្រហារលើអណ្តូងប្រេង Kurdistan ក្នុងប្រទេសអ៊ីរ៉ាក់ ខណៈដែលមិនទាន់មានក្រុមណាមួយចេញមុខទទួលខុសត្រូវនោះទេ។ មន្ត្រីថាមពលរបស់អ៊ីរ៉ាក់បានលើកឡើងថា ទិន្នផលប្រេងនៅក្នុងតំបន់ Kurdistan ត្រូវបានថយចុះចន្លោះពី ១៤០ ០០០ បារ៉ែលទៅ ១៥០ ០០០ បារ៉ែលក្នុងមួយថ្ងៃ។ ការធ្លាក់ចុះនេះមានចំនួនច្រើនជាងពាក់កណ្តាលនៃទិន្នផលធម្មតាក្នុងតំបន់ប្រហែល ២៨០ ០០០ បារ៉ែលក្នុងមួយថ្ងៃ។
លោក Andrew Lipow ប្រធានក្រុមហ៊ុន Lipow Oil Associates បាននិយាយថា ការវាយប្រហារដោយយន្តហោះគ្មានមនុស្សបើកនៅក្នុងប្រទេសអ៊ីរ៉ាក់ បង្ហាញពីរបៀបដែលការផ្គត់ផ្គង់ប្រេងងាយរងគ្រោះ ទោះបីជាការវាយប្រហារប្រើបច្ចេកវិទ្យាទាបក៏ដោយ។
ទន្ទឹមនឹង ទីផ្សារសកលកំពុងព្រួយបារម្ភថា ការដំឡើងពន្ធរបស់ប្រធានាធិបតីអាម៉េរិក Donald Trump អាចធ្វើឲ្យអតិថិជនផ្លាស់ប្តូរការផ្គត់ផ្គង់ប្រេងពីអាម៉េរិកទៅកាន់ប្រទេសឥណ្ឌា និងចិនជំនួសវិញ។ នៅក្នុងខែនេះ Trump បានផ្ញើរសារលិខិតជូនដំណឹងដល់ប្រទេសជាច្រើនអំពីការអនុវត្តពន្ធនៅថ្ងៃទី ១ ខែសីហាខាងមុខនេះ។
លោក Ashley Kelty អ្នកវិភាគនៅ Panmure Liberum បានលើកឡើងថា តម្លៃប្រេងនឹងកាន់តែប្រែប្រួល ដោយសារតែភាពមិនច្បាស់លាស់នៃពន្ធរបស់អាម៉េរិក និងផលប៉ះពាល់ជាលទ្ធផលលើកំណើនពិភពលោក។ កាលពីថ្ងៃពុធ ទិន្នន័យរបស់រដ្ឋាភិបាលអាម៉េរិកបានបង្ហាញថា ស្តុកប្រេងឆៅរបស់អាម៉េរិកបានធ្លាក់ចុះចំនួន ៣,៩ លានបារ៉ែលកាលពីសប្តាហ៍មុន ដែលច្រើនជាងការព្យាករណ៍របស់អ្នកវិភាគ ៥៥២ ០០០ បារ៉ែលប៉ុណ្ណោះ៕
Account
Security
Favourite Content