ការចិញ្ចឹមសត្វអូទ្រីសយកពង ទទួលបានទាំងចំណូលពីទិន្នផល និងអាចទាក់ទាញទេសចរថែមទៀត

អូទ្រីស ជាសត្វមួយប្រភេទដែលគេនាំចូលមកពីក្រៅស្រុក ហើយអ្វីដែលគេនឹកឃើញមុនគេពេលឮពាក្យអូទ្រីសនោះគឺស៊ុតរបស់វា ដែលគេតែងតែទទួលទាន ជាពិសេសពេញនិយមសម្រាប់ស្ត្រីមានផ្ទៃពោះដោយគេជឿជាក់ថាវាមានសារធាតុចិញ្ចឹមខ្ពស់ ពោលគឺសម្រាប់ប៉ូវអ្នកមានទម្ងន់។ ហេតុនេះហើយ ទើបទីផ្សារពងអូទ្រីសនៅប្រទេសយើងហាក់មានទីផ្សារខ្ពស់ និងមានកសិដ្ឋាននានាបានចិញ្ចឹមដោយទទួលបានទាំងទិន្នផលស៊ុត និងជាកន្លែងទាក់ទាញភ្ញៀវទេសចរថែមទៀតផង។

អ្នកស្រី ព្រំ ផល្លី ជាប្រធានផ្នែកកសិដ្ឋានចិញ្ចឹមចៀម និងអូទ្រីសអូរត្រជាក់ចិត្ត មានទីតាំងស្ថិតនៅខេត្តព្រះសីហនុបានប្រាប់ AMS ឱ្យដឹងថា មូលហេតុដែលអ្នកស្រីចិញ្ចឹមសត្វអូទ្រីស ព្រោះដោយសារតែយល់ឃើញថាវាជាសត្វកម្រ ហើយថ្មីសម្រាប់កម្ពុជា និងចង់បង្ហាញដល់បងប្អូនប្រជាជនខ្មែរក្នុងស្រុកបានឃើញ និងស្គាល់ដោយមិនចំបាច់ចំណាយពេលវេលារួមទាំងថវិកាសន្ធឹកសន្ធាប់ជិះយន្តហោះទៅទស្សនានៅស្រុកគេទៀតនោះទេ ហើយណាមួយវាក៏ឱ្យផលល្អ បានទាំងពងសម្រាប់លក់ ថែមទាំងអាចទាក់ទាញភ្ញៀវទេសចរថែមទៀតផង។

អ្នកស្រីបញ្ជាក់ថា ៖

“បច្ចុប្បន្នការចិញ្ចឹមអូទ្រីសរបស់យើងបានកើនឡើងក្នុងបរិមាណតិចតួចល្មម ព្រោះកំពុងស្ថិតក្នុងដំណាក់កាលពង្រីកពូជដោយការភ្ញាស់ពង ហើយក្នុងមួយឆ្នាំ ពងសត្វអូទ្រីសធ្លាក់មកតែម្តងប៉ុណ្ណោះ។ បច្ចុប្បន្ន កសិដ្ឋានរបស់យើងមានអូទ្រីសប្រមាណជាង ៤០០ក្បាល ដែលជាទិដ្ឋភាពមួយគួរជាទីគយគន់សម្រាប់ភ្ញៀវដែលមកសម្រាកកម្សាន្តក្នុងរីសតជិតនេះ ហើយវាក៏អាចផ្ដល់ចំណូលបន្ថែមតាមរយៈការយកថ្លៃផ្ញើយានជំនិះនៅពេលភ្ញៀវចូលចូលមកទស្សនាកសិដ្ឋាន។”

អ្នកស្រីបន្តថា ៖

“សម្រាប់ទីផ្សារអូទ្រីសក្នុងស្រុកយើងនាពេលបច្ចុប្បន្នគឺនៅមានកម្រិតនៅឡើយដែលយើងមិនទាន់ហ៊ាននិយាយថាវាទូលំទូលាយនោះទេ តែសម្រាប់ពងអូទ្រីសគឺមានទីផ្សារគួរសម ដោយពងអូទ្រីសមួយគ្រាប់អាចលក់បានចន្លោះ ២៥-៣០ដុល្លារផងដែរ។ ដោយឡែករយៈពេលនៃការទទួលផលពីអូទ្រីស ក្នុងមួយឆ្នាំអូទ្រីសមេអាចធ្លាក់ពងមកម្តងគឺចាប់ពីចុងខែធ្នូ រហូតដល់ខែមីនា ឬខែមេសា ហើយអាយុកាលដែលអូទ្រីសពេញសាច់នៅចន្លោះពី ៦០-១០០គីឡូក្រាមគឺត្រូវចិញ្ចឹមពី ១-២ឆ្នាំ។”

យ៉ាងណាក៏ដោយ អ្នកស្រី ព្រំ ផល្លី បានបញ្ជាក់ឱ្យដឹងផងដែរថា ការចិញ្ចឹមសត្វអូទ្រីស ចំណុចដែលត្រូវប្រយ័ត្នខ្ពស់ និងដំបូងគេបំផុតគឺចំណី និងការថែទាំ ដោយផ្នែកចំណីគឺទាមទារឱ្យវាស៊ីបានគ្រប់គ្រាន់ មានទឹកផឹកគ្រប់គ្រាន់ ឯការថែទាំក៏ទាមទារឱ្យអ្នកចិញ្ចឹមចាក់វ៉ាក់សាំងឲ្យបានត្រឹមត្រូវ ព្យាបាលជំងឺឲ្យបានទាន់ពេលវេលា ព្រោះអូទ្រីសជាសត្វងាយកើតជំងឺផ្តាសាយ និងរលាកក្រពះ។ ចំណែកចំណីរបស់អូទ្រីសរួមមានស្មៅ គ្រាប់ពោត ស្រូវជាដើម តែដើម្បីឱ្យអូទ្រីសឡើងសាច់ និងផ្ដល់ស៊ុតដែលមានគុណភាព គឺត្រូវសូនចំណីគ្រាប់ដែលមានបញ្ចូលនូវប្រូតេអ៊ីនបន្ថែមច្រើនមុខផ្សេងទៀត។ នេះជាអ្វីដែលអ្នកស្រីបានលើកឡើង។

គួរបញ្ជាក់ដែរថា កសិដ្ឋានចិញ្ចឹមអូទ្រីសអូរត្រជាក់ចិត្ត បានចាប់ផ្តើមចិញ្ចឹមសត្វអូទ្រីសនៅដើមឆ្នាំ២០២១ ក្រោយទទួលបានបច្ចេកទេសចិញ្ចឹមពីខាងចែកចាយពូជនៅប្រទេសជិតខាង ក៏ដូចជាបងប្អូនដែលមានបទពិសោធន៍ក្នុងការចិញ្ចឹមមុនៗនៅក្នុងទឹកដីខេត្តកំពង់ស្ពឺ រួមជាមួយនឹងការព្យាយាមសិក្សាផ្ទាល់ពីអូទ្រីស។ ចំណែកឯផលលំបាកក្នុងការចិញ្ចឹមអូទ្រីសគឺភាគច្រើនទាក់ទងនឹងជំងឺនៅរដូវវស្សា ដែលធ្វើឱ្យវាងាយផ្តាសាយធំ ខ្លួនឡើងកម្តៅខ្លាំង អាចបណ្តាលទៅជារលាក ហើយបើព្យាបាលមិនទាន់ទេ អូទ្រីសអាចប្រកាច់ងាប់ភ្លាមៗ។

យ៉ាងណាមិញ នៅពេលខាងមុខអ្នកតំណាងកសិដ្ឋាននេះបានបង្ហើបពីគម្រោងបង្កើនពូជឱ្យបានច្រើន ដើម្បីចែកចាយដល់បងប្អូនដែលចង់ចិញ្ចឹម ព្រោះថ្ងៃក្រោយសាច់អូទ្រីសអាចនឹងមានទីផ្សារល្អតាមរយៈភ្ញៀវទេសចរបរទេស ហើយអ្នកស្រីក៏មានការចែករំលែកនូវចំណេះដឹង និងបទពិសោធផ្ទាល់ខ្លួនសម្រាប់បងប្អូនកសិករដទៃដែលចង់ចាប់ផ្តើមចិញ្ចឹមសត្វអូទ្រីសក៏អាចសាកល្បងចិញ្ចឹមបាន ព្រោះវាអាចរកចំណូលបានបានទាំងការលក់ពូជ ការលក់ពង ការលក់សាច់ ក៏ដូចជាអាចទាក់ទាញទេសចរក្នុងស្រុកផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ