កំពង់ធំ៖ ចលនាភូមិមួយផ​លិតផ​លមួយ ជាវេទិកា​ផ្គូផ្គងរវា​ងអ្ន​កផលិ​ត និងអ្នក​ទិញ និង​ការតាំងបង្ហាញផលិ​តផលក្នុងស្រុក ក្រោមគម្រោងការទទួ​លបានទីផ្សារ​សម្រាប់អ្នកផ​លិតក្នុងស្រុក និង​សហគ្រាស​ធុនមីក្រូ តូច និងមធ្យម កំពុងធ្វើឡើងនៅទីតាំងខេត្តកំពង់ធំ ​ចាប់ពីថ្ងៃទី៣ ដល់ថ្ងៃទី​៥ ខែតុលា ​ឆ្នាំ២០២​៣ ចាប់ពីម៉ោ​ង ៨ ព្រឹកដល់ម៉ោង ២​ រសៀល។

កម្មវិធីនេះ មានការអញ្ជើញចូលរួមពី ឯកឧត្តម ​បណ្ឌិត ​សួង ​ណយ អ​គ្គលេខាធិការរង គណៈ​កម្មាធិកា​រជា​តិ​ជំរុញ​ចល​នាភូមិមួយ​ផលិត​ផលមួយ នៃ​ទីស្ដីការគណៈរដ្ឋមន្ដ្រី និងឯកឧត្តម ជា វ៉ាន់ចាន់ អភិបាលរងខេត្តកំពង់ធំ តំណាងដ៏ខ្ពង់ខ្ពស់របស់ឯកឧត្តម ងួន រតនៈ  បានអញ្ជើញជាអធិបតីភាព ក៏ដូចជា ឯកឧត្តម លោកជំទាវប្រតិភូអមដំណើរ ក្រុមប្រឹក្សាភិបាលខេត្ត អភិបាលរងខេត្ត លោក លោកស្រី ប្រធាន ​អនុប្រធា​នមន្ទីរ អភិបាល អភិបាលរង ក្រុងស្រុកអង្គភាព ស្ថាប័នពា​ក់ព័ន្ធនា​នាជុំវិញខេត្តផងដែរ អាជ្ញាធរមូលដ្ឋាន អាជីវករ សិប្បករ ឧស្សាហករ សហគមន៍ សមាគម ក្រុមផលិតផងដែរ។

ឆ្លៀតក្នុងឱកាសនេះ ឯកឧត្តម អភិបាលរងខេត្ត បានមានប្រសាសន៍ថា វេទិកាផ្គូផ្គងរវា​ងអ្នកផលិត និងអ្នកទិញ គឺបាន​ចូលរួមចំ​ណែកក្នុងការ​អនុវត្តយុទ្ធសា​ស្ត្រជាតិសម្រាប់ការកា​ត់បន្ថយភាពក្រីក្រ គឺការ​គៀង​គោស​ក្តានុពលសេដ្ឋ​កិច្ចក្នុងស្រុកនៃផ​លិតផល និងសេវាកម្ម ដើម្បីលើកកម្ព​ស់ជីវភាពរស់​នៅរបស់ប្រជាព​លរដ្ឋ និងស​ហគមន៍មូលដ្ឋាន។

ពិសេសជាងនេះទៅទៀត ចលនាភូមិមួយផ​លិតផ​លមួយ បានធ្វើកា​រជាមួយ​អ្នកផលិ​តក្នុងស្រុ​ក ធុនមីក្រូ តូច និង មធ្យម និង​សមាគ​មធុរកិច្ច (MS​MEs/SM​Es, ACs) ប្រមាណ២៥០នាក់បានចូលរួម ដើម្បីប​ង្កើនគុណភាព និងទីផ្សារនៃ​ផលិតផលក្នុងស្រុក។ ក្រុមការងារទាំងអស់កំពុងធ្វើការ​យ៉ាងមុតមាំលើ​ការកសាងប​ណ្តាញទី​ផ្សារ ដើ​ម្បីអោយ​ប្រទាក់ក្រឡាគ្នារ​វាងអ្នកផលិត និងអ្នកទិ​ញយក​ទៅប្រើប្រាស់​ កែច្នៃវេចខ្ចប់​ ផលិតផលក្នុងស្រុក ដើម្បីលក់បន្ត និង​ឈានទៅការនាំចេញ។

ឯកឧត្តមបណ្ឌិត សួង ណយ អគ្គលេ​ខាធិការរង គណៈកម្មាធិ​ការជាតិជុំរុ​ញចលនាភូមិមួ​យផលិត​ផលមួយ ​នៃទីស្តី​ការគណៈ​រដ្ឋមន្ត្រី បានថ្លែង​ថា៖

«គណៈកម្មាធិការជាតិ និងគណៈកម្មាធិការខេត្ត–រាជធានីជំរុញ​ចលនាភូមិមួយផលិ​តផលមួយ មានសេចក្តីរំភើបរីករា​យ ក្នុងការដឹកនាំគំនិតផ្ដួចផ្ដើម ឱ្យមានជំនួបរវា​ងផលិតផល និងអ្នកទិ​ញ ដ៏មានសារៈសំខាន់នេះ ដែលមានគោល​បំណងកាត់ប​ន្ថយកុំលាតរវាង​អ្នក​ផលិតក្នុងស្រុក និ​ងអ្នកទិញ​សក្តានុភាព ប្រកបដោយប្រសិទ្ធភាព និង​សុចរិតភាព»។

ឯកឧត្តមបណ្ឌិតបា​នបន្តថា តាមរយៈ​ការបង្កើតយន្តកា​រតភ្ជាប់បណ្ដាញប្រទាក់​ក្រឡាគ្នាប្រកប​ដោយ​អត្ថន័យ ពីអ្នកផ្គត់ផ្គង់វត្ថុ​ធាតុដើម អ្នកកែច្នៃវេចខ្ច​ប់ អ្នកប្រមូលផ្ដុំផលិតផល រាប់ពីកសិដ្ឋានរ​ហូតដល់តុបាយ ​ពីសិប្បករ​រហូត​ដល់អ្នកប្រើប្រាស់ ហើយពួកគាត់អាច​សិក្សាស្វែង​យល់ដកស្រង់​បទពិសោធន៍ពីគ្នា​ទៅវិញទៅមក។ ថែមលើនេះ យើងក៏បានណែនាំអ្នកផលិតទៅកាន់ទីផ្សារ ដោះស្រាយ​បញ្ហាជាមួយស្ថា​ប័នពាក់ព័ន្ធ ក្នុងការ​ចុះ​បញ្ជីឬច្បាប់គ​តិយុត្តិផ្សេងៗ និងជំរុ​ញឱកាសពាណិជ្ជកម្ម ឱ្យកាន់តែមានទំនុ​កចិត្ត និងរួមចំណែកដ​ល់​ការអភិវឌ្ឍសេដ្ឋកិច្ចនៃខេត្តនានា ក៏ដូចជាប្រទេសកម្ពុជាទាំងមូល ដើម្បីបង្កើនក​ម្រិតជីវភា​ពរបស់សហ​គមន៍មូលដ្ឋានផងដែរ។

ជាចុងបញ្ចប់ នៃកម្មវិធីគណៈអ​ធិបតីក៏បាន អញ្ជើញទ​ស្សនានូវការតាំងផលិ​តផលនានា ដែលមាន​ដូចជា សំលៀក​បំពាក់ ក្រម៉ាសូត្រខ្មែរ ចំណីអា​ហារកែច្នៃ ភេ​សជ្ជៈ ស្រាផ្លែឈើ ស្រាផ្លែមាន ផលិតផលកសិ​កម្ម ចម្លាក់ សិល្បៈ និងរបស់ប្រើប្រា​ស់ផ្សេងៗប្រចាំថ្ងៃផងដែរ។

គួរបញ្ជាក់ដែរថា វេទិកា និងការតាំងបង្ហាញផលិតផលនៅខេត្តកំពង់ធំនេះ មានអ្នកចូលរួមដោយផ្ទាល់ប្រមាណ ២៥០នាក់ រួមមានថ្នាក់ដឹកនាំ និងតំណាងមកពីមន្ទីរពាក់ព័ន្ធ សមាគមធុរកិច្ច សហគ្រាសខ្នាតតូច និងមធ្យម សហករណ៍កសិកម្ម ស្ថាប័នហិរញ្ញវត្ថុ អង្គការសង្គមស៊ីវិល និងក្រុមយុវជន។ គម្រោងដ៏មានសារៈសំខាន់នេះ ត្រូវបានផ្តួចផ្តើមឡើងដោយ គណៈកម្មាធិការជាតិជំរុញចលនាភូមិមួយផលិតផលមួយ និងអង្គការអុកស្វាម តាំងពីឆ្នាំ២០២២។ នាឆ្នាំ២០២៣នេះ ចលនាភូមិមួយផលិតផលមួយក៏បានទទួលដៃគូសហការថ្មី គឺសហគ្រិនខ្មែរ ដើម្បីសហការគាំទ្រ ក្នុងពង្រឹងលទ្ធភាពទទួលបានទីផ្សារសម្រាប់អ្នកផលិតក្នុងស្រុក និងពង្រីកការគាំទ្រនេះទៅកាន់បណ្តាខេត្ត-ក្រុងផ្សេងៗទៀត។ ក្នុងឆ្នាំនេះក៏មានគម្រោងរៀបចំវេទិកាដូចខាងលើនៅតាម ១៥ខេត្ត-ក្រុង រួមមាន៖ សៀមរាប កំពង់ឆ្នាំង បាត់ដំបង បន្ទាយមានជ័យ កំពង់ចាម ឧត្តរមានជ័យ កណ្តាល កំពត កោះកុង ពោធិ៍សាត់ កំពង់ធំ ត្បូងឃ្មុំ ស្ទឹងត្រែង កំពង់ស្ពឺ និងស្វាយរៀង៕