សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ គិតចាប់ពីខែមករា ដល់ដំណាច់ខែធ្នូ ឆ្នាំ២០២៤ គ្រឹះស្ថានអង្គរបានលក់បណ្ណជូនភ្ញៀវទេសចរបរទេសចូលទស្សនារមណីយដ្ឋានអង្គរចំនួន ១ ០២៣ ៦៨៨នាក់ និងទទួលបានទឹកប្រាក់ចំនួន ៤៧ ៨២៦ ៩៨១ ដុល្លារអាមេរិក ។
យោងសេចក្ដីប្រកាសព័ត៌មានរបស់គ្រឹះស្ថានអង្គរចេញផ្សាយនៅថ្ងៃទី ០១ ខែមករា ឆ្នាំ២០២៥ បានបង្ហាញថា ក្នុងរយៈពេល១២ខែ ឆ្នាំ២០២៤ ចំនួនភ្ញៀវទេសចរបរទេសទិញបណ្ណ ចូលទស្សនារមណីយដ្ឋានអង្គរកើនឡើង ២៨,២៧ ភាគរយ ធៀបនឹងរយៈពេលដូចគ្នាកាលពីឆ្នាំ២០២៣ ខណៈចំនួនទឹកប្រាក់ដែលទទួលបានពីការលក់បណ្ណជូនភ្ញៀវទេសចរបរទេសវិញមានកំណើនប្រមាណ ២៨,៥៧ភាគរយ ។
សេចក្ដីប្រកាសព័ត៌មានដដែលនេះបានឱ្យដឹងផងដែរថា៖ សម្រាប់ខែធ្នូ ឆ្នាំ២០២៤ មានទេសចរបរទេសទិញបណ្ណចូលអង្គរចំនួន១២៥ ៣៤៩នាក់ កើន២៧,៨១ភាគរយ ធៀបរយៈពេលដូចគ្នាឆ្នាំ២០២៣ និងរកចំណូលបានចំនួន ៥ ៩១៨ ១៤៨ ដុល្លារកើន២៧,២១ភាគរយ ធៀបនឹងខែធ្នូ ឆ្នាំ២០២៣។
ក្រៅពីចំណូលដែលទទួលបានពីការលក់បណ្ណជូនភ្ញៀវទេសចរបរទេសទស្សនារមណីយដ្ឋានអង្គរ គ្រឹះស្ថានអង្គរក៏ទទួលបានចំណូលពីលក់បណ្ណជូនភ្ញៀវវទេសចរនៅប្រាសាទកោះកេរយៈពេល១២ខែ មានទឹកប្រាក់ជាង៣២ម៉ឺនដុល្លារអាមេរិកពីទេសចរបរទេស ២១ ៩៣៥នាក់ និងសម្រាប់ខែធ្នូ មានទេសចរបរទេស៣៣៥៤នាក់ ទទួលបានចំណូល៥០៣១០ដុល្លារ។
ចំណែកការលក់សំបុត្រទូករយៈពេល១២ខែ ទទួលបានចំណូលចំនួន ៧៩ ៤៣៤ ដុល្លារអាមេរិក និង សម្រាប់ខែធ្នូ បានជាង៩៤ ៣៤៤ ដុលា្លរ។
ចំពោះចំណូលឧបត្ថម្ភមូលនិធិគន្ធបុប្ផារយៈពេល១២ខែ ក្នុងឆ្នាំ២០២៤ មានចំនួនជាង២លានដុល្លារអាម៉េរិកនិងសម្រាប់ខែធ្នូ ជាង២៥ម៉ឺនដុល្លារ៕
Account
Security
Favourite Content