សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងរយៈពេល៦ខែ ចាប់ពីខែសីហា ឆ្នាំ២០២៣ ដល់ខែមករា ឆ្នាំ២០២៤ ក្រុមប្រឹក្សាអភិវឌ្ឍន៍កម្ពុជា (CDC) បានអនុម័ត ១៧២ គម្រោងទាំងក្នុងប្រទេស និងក្រៅប្រទេស ដែលទំហំវិនិយោគមានជិត ៤ ពាន់លានដុល្លារ និងអាចបង្កើតការងារបាន ១៩ ម៉ឺនកន្លែងជូនប្រជាពលរដ្ឋ។ ដោយឡែក ក្នុងរយៈពេល២ខែ ឆ្នាំ២០២៤នេះ រំហូរទុនវិនិយោគនៅកម្ពុជា មានប្រមាណជាង ១.៣ ពាន់លានដុល្លារ កើនឡើងជាង៥០០% ។ នេះបើយោងតាមក្រុមហប្រឹក្សាអភិវឌ្ឍកម្ពុជា។
ឯកឧត្តម ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា បានឲ្យដឹងថា ក្នុងរយៈពេល២ខែ ដើមឆ្នាំ២០២៤ រំហូរវិនិយោគចិន មានប្រមាណ ៥៤៥លានដុល្លារអាមេរិក ស្មើនឹងប្រមាណ៣៩% នៃទុនវិនិយោគសរុប។
ឯកឧត្តមបានរំលឹកថា នៅឆ្នាំ២០២៣ រំហូរទុនវិនិយោគសរុបនៅកម្ពុជា មានកំណើនប្រមាណ ៤.៩ពាន់លានដុល្លារអាមេរិក កើនឡើងប្រមាណ២២% ធៀបនឹងឆ្នាំ២០២០។ សម្រាប់ឆ្នាំ២០២៣ រំហូរទុនវិនិយោគសរុបរបស់ចិន មានដល់ទៅប្រមាណ ជាង៣ពាន់លានដុល្លារអាមេរិក រួមចំណែកជាងពាក់កណ្តាល (៦៦%) នៃរំហូរទុនវិនិយោគសរុប។
ឯកឧត្តមអគ្គលេខាធិការគណៈកម្មាធិការវិនិយោគកម្ពុជាបានគូសរំលេចផងដែរថា រំហូរទុនវិនិយោគរបស់ចិន តែងឈរនៅលំដាប់លេខរៀងទី១ ទី២ ឬទី៣ រៀងរាល់ឆ្នាំ ដែលភាគច្រើនប្រមូលផ្តុំក្នុងវិស័យឧស្សាហកម្ម, ហេដ្ឋារចនាសម្ព័ន្ធ, និងកសិឧស្សាហកម្ម។
ចំពោះទំហំពាណិជ្ជកម្ម កម្ពុជា-ចិន មានសញ្ញាណវិជ្ជមានផងដែរ ដោយបានកើនឡើងដល់ជាង ១២ពាន់លានដុល្លារអាមេរិក ក្នុងឆ្នាំ២០២៣ មានកំណើនប្រមាណជិត៥% បើធៀបទៅនឹង ឆ្នាំ២០២២។ ក្នុងនោះ រយៈពេលដូចគ្នា ការនាំចេញពីកម្ពុជាទៅកាន់ទីផ្សារចិន បានកើនឡើងប្រមាណ១៩% ពីប្រមាណជាង ១.២ដល់ប្រមាណជិត១.៥ពាន់លានដុល្លារអាមេរិក៕
Account
Security
Favourite Content