សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ សិប្បកម្ម HT FOOD និងសហគ្រាសកែច្នៃត្រី សំណាងសុធា ស្ថិតនៅសង្កាត់សៀមរាប ក្រុងសៀមរាប ខេត្តសៀមរាប កំពុងបង្កើតទីផ្សារសម្រាប់កសិករ និងអាចផ្គត់ផ្គង់លើទីផ្សារ។ ផលិតកម្មនេះជាស្នាដៃសិប្បកម្មកែច្នៃក្នុងស្រុកអភិវឌ្ឍយ៉ាងលឿនជាមួយនឹងការកែច្នៃកសិផលខ្មែរ និងត្រីសាច់មានផលិតភាពខ្ពស់អាចផ្គត់ផ្គង់លើទីផ្សារប្រកបដោយនិរន្តភាព។ សហគ្រាសនេះបានធ្វើការកែច្នៃត្រី ចែកចាយកសិផលក្នុងស្រុក ជាពិសេសបានស្វែងរកទីផ្សារសម្រាប់កសិករផងដែរ។
ឯកឧត្តមបណ្ឌិត កៅ ថាច ប្រតិភូរាជរដ្ឋាភិបាលទទួលបន្ទុកជាអគ្គនាយកនៃធនាគារអភិវឌ្ឍន៍ជនបទ និងកសិកម្ម (ARDB) ក្នុងពេលចុះពិនិត្យមើលផ្ទាល់ផលិតកម្មចំនួន២កន្លែង នៅព្រឹកថ្ងៃទី២៦ ខែមីនា ឆ្នាំ២០២៥នេះបានបង្ហាញការគាំទ្រ និងចង់ឃើញស្នាដៃសិប្បកម្មកែច្នៃ ក្នុងស្រុកមានការអភិវឌ្ឍយ៉ាងលឿនជាមួយនwងការកែច្នៃកសិផលខ្មែរ ត្រីសាច់មានផលិតភាពខ្ពស់អាចផ្គត់ផ្គង់លើទីផ្សារប្រកបដោយនិរន្តភាព។
បន្ទាប់ពីបានអញ្ជើញពិនិត្យមើលទីតាំងផលិតកម្មកែច្នៃត្រី ការចែកចាយកសិផល សាច់ និងផ្សារកសិករសៀមរាបលក់ផលិតផលខ្មែរដែលផលិតដោយកសិកររួចមក ឯកឧត្តមបណ្ឌិត កៅ ថាច បានវាយតម្លៃខ្ពស់ដល់ការខិតខំប្រឹងប្រែងកែច្នៃផលិតបាន ហើយអាចរកទីផ្សារដោយខ្លួនឯងបានថែមទៀតនោះ គួរតែរកវិធីសាស្ត្របន្ថែមដើម្បីពង្រីកផលិតកម្មឲ្យដំណើរការជាប់សម្រាប់ផ្គត់ផ្គង់លើទីផ្សារនិងចែកចាយកុំឲ្យដាច់លើទីផ្សារ។
សម្រាប់ធនាគារអភិវឌ្ឍន៍ជនបទ និងកសិកម្មវិញ (ARDB) ឯកឧត្តមបណ្ឌិតប្រតិភូបានផ្តល់អនុសាសន៍ដល់បងប្អូនជាម្ចាស់សិប្បកម្ម និងប្រជាពលរដ្ឋទូទៅ ក្នុងករណីដែលបងប្អូនចង់បានទុនបន្ថែមទៀតយកទៅពង្រីកក្នុងសង្វាក់ផលិតកម្មនោះគឺអាចទាក់ទងមកធនាគារ ARDB ដែលមានការផ្តល់ជូនក្នុងអត្រាការប្រាក់សមរម្យនិងមានអនុគ្រោះផងដែរ៕
Account
Security
Favourite Content