សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ពោធិ៍សាត់ ៖ ក្នុងឱកាសអញ្ជើញទៅសំណេះសំណាលជាមួយប្រជាពលរដ្ឋ និងត្រួតពិនិត្យការដ្ឋានសាងសង់វារីអគ្គិសនីស្ទឹងពោធិ៍សាត់១ សម្ដេចតេជោបានថ្លែងពីភាពប្រសើរឡើងនៃការទទួលបានអគ្គិសនីប្រើប្រាស់របស់ប្រជាជននៅទូទាំងប្រទេស។ ក្នុងនោះប្រភពថាមពលសំខាន់ដែលផ្គត់ផ្គង់ថាមពលអគ្គិសនីដល់កម្ពុជាបានគ្រប់គ្រាន់គឺវារីអគ្គិសនីដែលវាមានផលប៉ះពាល់តិចតួច បើប្រៀបធៀបជាមួយប្រភពថាមពលដទៃទៀត។
តាមរយៈប្រសាសន៍របស់សម្ដេចតេជោនាព្រឹកថ្ងៃទី១៤ ខែមីនា ឆ្នាំ២០២៣នេះបានឱ្យដឹងថា នៅទូទាំងប្រទេស ភូមិដែលជាប់ជាមួយបណ្ដាញជាតិរួចហើយ គឺមានដល់ទៅ ៩៩% នៃភូមិ ឯផ្ទះប្រជាពលរដ្ឋដែលភ្ជាប់ជាមួយបណ្ដាញជាតិរួចហើយមានទៅដល់ ៩០% នៃចំនួនផ្ទះ។
សម្ដេចបានបន្តមានប្រសាសន៍ថា ៖
“នេះជាសម័យប្រើអគ្គិសនី មិនមែនជាសម័យប្រើចន្លុះដុត ប្រើភ្លើងទៀន ឬប្រើចង្កៀងទៀតទេ សម័យនេះជាសម័យដែលប្រជាជនប្រើប្រាស់អគ្គិសនី ដូច្នេះយើងមានតម្រូវការដោះស្រាយវា…ក្នុងនោះការដោះស្រាយអគ្គិសនីបច្ចុប្បន្ន ក៏ទាមទារឱ្យដោះស្រាយតាមរបៀបដែលវាមិនបំពុលបរិស្ថាន ដូច្នេះវារីអគ្គិសនីគឺចាត់ទុកជាប្រភេទនៃវារីអគ្គិសនីនៃប្រភពកកើតឡើងវិញ ដែលវាមិនប៉ះពាល់ទៅដល់ការប្រែប្រួលអាកាសធាតុ”
សម្ដេចមានប្រសាសន៍បន្ថែមថា ៖
“ពិតមែនតែវាប៉ះពាល់ទៅនឹងផ្ទៃដីនៅនឹងកន្លែងដែលត្រូវយកប្រជាពលរដ្ឋ ប៉ុន្តែបើនិយាយពីភាពបំពុលបរិស្ថានដែលធ្វើឱ្យមានការប្រែប្រួលអាកាសធាតុ រហូតដល់ប្រទេសនានាប្រកាសនូវការប្ដេជ្ញាចិត្តមិនប្រើអគ្គិសនីដើរដោយធ្យូងថ្មតទៅទៀតនោះ ក៏ឃើញថាវារីអគ្គិសនីនៅតែជាជម្រើសដ៏ល្អ”
យ៉ាងណាមិញ រហូតមកដល់ពេលនេះអគ្គិសនីនៅក្នុងប្រទេសកម្ពុជាបានចេញមកពីប្រភពកកើតឡើងវិញមានរហូតទៅដល់ជាង ៦២% ហើយអ្វីដែលនៅសល់ក៏រាជរដ្ឋាភិបាលកម្ពុជាបាន និងកំពុងខិតខំប្រឹងប្រែងធ្វើការបន្តទៀតដែរ។ គួររំលឹកថា កាលពីទសវត្សរ៍៩០ កម្ពុជាមានតម្រូវការអគ្គិសនីប្រើប្រាស់ត្រឹមតែ ៣០មេហ្គាវ៉ាត់ប៉ុណ្ណោះនៅទីក្រុងភ្នំពេញ ហើយនៅតាមបណ្ដាខេត្តគឺមានការប្រើប្រាស់កាន់តែតិចតួច។ ប៉ុន្តែបច្ចុប្បន្ននេះ ទំហំនៃការប្រើប្រាស់នៅក្នុងប្រទេសបានកើនឡើងជាង ២ ២០០មេហ្គាវ៉ាត់ទៅហើយ ខណៈដែលទីក្រុងភ្នំពេញតែឯងប្រើអស់ប្រមាណ ១០០០មេហ្គាវ៉ាត់ ហើយបើតាមប្រសាសន៍របស់សម្ដេចនៅពេលខាងមុខតម្រូវការនៃថាមពលអគ្គិសនីនឹងកាន់តែកើនឡើងបន្ថែមទៀត៕
Account
Security
Favourite Content