ក្រុមហ៊ុនប្រេងធំៗកំពុងប្រមូលលុយយ៉ាងច្រើន ខណៈដែលពិភពលោកកំពុងមានវិបត្តិថាមពល

បរទេស ៖ យោងទៅតាមប្រភពព័ត៌មានពី Business Insider បានរាយការណ៍ថា ក្រុមហ៊ុនប្រេង​ Saudi Aramco ដែលជាក្រុមហ៊ុនប្រេងដ៏ធំបំផុតរបស់ពិភពលោក និងមានតម្លៃធំបំផុតទីពីរក្នុងពិភពលោករកបានប្រាក់ចំណេញច្រើនជាង ១៦១ ពាន់លានដុល្លារកាលពីអំឡុងឆ្នាំ២០២២ កន្លងទៅនេះ។

កាលពីថ្ងៃអាទិត្យកន្លងទៅនេះ ក្រុមហ៊ុនប្រេងដ៏ធំរបស់អារ៉ាប៊ីសាអូឌីត Saudi Aramco បានប្រកាសថា ប្រាក់ចំណេញរបស់ខ្លួនកើនឡើងជិត ៥០ ភាគរយ ឬ កើនឡើងពី ១១០ ពាន់លានដុល្លារក្នុងឆ្នាំ២០២១ ដល់ ១៦១,១ ពាន់លានដុល្លារនៅក្នុងឆ្នាំ២០២២ ។ ស្របពេលនោះដែរ ក្រុមហ៊ុនបានឃើញតម្រូវការសម្រាប់ផលិតផលរបស់ខ្លួន និងតម្លៃប្រេងពិភពលោកកើនឡើងយ៉ាងខ្លាំង ដោយសារមានការរឹតបន្តឹងទូទាំងពិភពលោកលើការនាំចូលប្រេង និងហ្គាសរបស់រុស្ស៊ី។

នាយកប្រតិបត្តិរបស់ Aramco លោក Amin H. Nasser បាននិយាយថា ៖ Aramco បានបញ្ចេញនូវកំណត់ត្រាលទ្ធផលហិរញ្ញវត្ថុប្រចាំឆ្នាំ ២០២២ ខណៈដែលតម្លៃប្រេងបានឡើងថ្លៃដោយសារតែតម្រូវការកើនឡើងនៅជុំវិញពិភពលោក។ មិនត្រឹមតែប៉ុណ្ណោះ ការផលិតប្រេងឆៅរបស់ខ្លួនមានប្រហែល ១១,៥ លានបារ៉ែលក្នុងមួយថ្ងៃនៅឆ្នាំ២០២២ ហើយខ្លួនក៏សង្ឃឹមថានឹងបង្កើនកម្រិតផលិតកម្មដល់ ១៣ លានបារ៉ែលក្នុងមួយថ្ងៃនាឆ្នាំ២០២៧ ។ នៅក្នុងឆ្នាំ​២០២៣​ នេះផងដែរ ​Aramco បានចំណាយប្រាក់ជាង ៣៧ ពាន់លានដុល្លារដើម្បីបង្កើនសមត្ថភាពផលិតកម្មប្រេង និងហ្គាសរបស់ខ្លួនបន្តពីឆ្នាំ២០២២ រួមទាំងបន្តពង្រឹងលើបច្ចេកវិទ្យាកាបូនទាបដើម្បីសម្រេចបាននូវការកាត់បន្ថយការបំភាយឧស្ម័នផងដែរ។ លើសពីនេះផងដែរ ក្រុមហ៊ុននេះគ្រោងនឹងបង្កើនប្រាក់ចំណែកទៅម្ចាស់ភាគហ៊ុនដែលធំបំផុត គឺរដ្ឋាភិបាលអារ៉ាប៊ីសាអូឌីតដល់ ១៩,៥ ពាន់លានដុល្លារសម្រាប់ត្រីមាសទី ៤ នៃឆ្នាំ២០២២។

មិនត្រឹមតែប៉ុណ្ណោះ​ ក្រុមហ៊ុនប្រេងផ្សេងៗទៀតរួមមាន ExxonMobil, BP និង Shell ក៏ទទួលបានប្រាក់ចំណេញខ្ពស់ផងដែរសម្រាប់ឆ្នាំ ២០២២ ដោយសារតម្លៃប្រេង និងហ្គាសបានឡើងថ្លៃដល់កម្រិតខ្ពស់បំផុតកាលពីកំឡុងពេលនោះ។ ក្រុមហ៊ុនទាំងនោះទទួលបានប្រាក់ចំណូលទាំងអស់ ៥៥,៧ ពាន់លានដុល្លារ ៤០ ពាន់លានដុល្លារ និងប្រហែល ២៨ ពាន់លានដុល្លាររៀងៗគ្នា។ ស្របពេលដែលតម្លៃប្រេង និង​ ហ្គាសឡើងថ្លៃ ក្រុមហ៊ុនទាំងនេះទទួលបានប្រាក់ចំណេញជាច្រើន ដោយសារវិបត្តិសេដ្ឋកិច្ចសកលបានជំរុញការឡើងថ្លៃតម្លៃរស់នៅសកល និង តម្លៃថាមពលដែលបណ្តាលមកពីសង្រ្គាមរវាងរុស្ស៊ី-អ៊ុយក្រែន និងការដាក់ទណ្ឌកម្មរបស់លោកខាងលិចមកលើរុស្ស៊ី។ មិនត្រឹមតែប៉ុណ្ណោះ ការកើនឡើងនៃតម្រូវការពីប្រទេសចិន និងប្រទេសដទៃទៀតក៏ជាមូលហេតុដែលធ្វើឱ្យក្រុមហ៊ុនទាំងនោះទទួលបានផលចំណេញផងដែរ។

យោងទៅតាមប្រភពពី BBC បានលើកឡើងផងដែរថា ក្រុមហ៊ុនប្រេងធំៗទាំងនោះកំពុងប្រមូលប្រាក់ចំណេញយ៉ាងច្រើន ខណៈពេលដែលមនុស្សជុំវិញពិភពលោកកំពុងប្រឈមនឹងបញ្ហាក្នុងការទូទាត់វិក្កយបត្រថាមពល និងសម្រាប់ប្រើប្រាស់ជាមួយយានយន្តរបស់ពួកគេ។ បន្ទាប់ពីប្រទេសលោកខាងលិចបានព្យាយាមរឹតបន្តឹងការនាំចូលថាមពលពីប្រទេសរុស្ស៊ី គឺប្រទេស​ទាំងនោះចាំបាច់ត្រូវទិញ​ថាមពលពីកន្លែងផ្សេងដែលលក់ថ្លៃជាង។ បច្ចុប្បន្ននេះតម្លៃ​ប្រេងមិនមានភាពច្បាស់លាស់ ខណៈ​សេដ្ឋកិច្ច​ចិនបាន​បើក​ឡើង​វិញ​បន្ទាប់​ពី​ការ​បិទ​ប្រទេស​ដោយសារកូវីដ-១៩ ដែលធ្វើឲ្យតម្រូវការកាន់តែកើនឡើង។ កាលពីខែមីនាឆ្នាំមុន តម្លៃប្រេងធ្លាប់ឡើងដល់កំពូលជាង ១២៧ ដុល្លារដែលធ្វើឲ្យប្រទេសទូទាំងសកលលោកជួបផលវិបាកជាច្រើន ដោយសារប្រេង និង ហ្គាសធម្មជាតិមានសារៈសំខាន់ចំពោះស្ទើរតែគ្រប់ទិដ្ឋភាពនៃជីវិតសម័យទំនើបនេះ។  មួយវិញទៀត ប្រេង​ត្រូវ​បានប្រើ​សម្រាប់​ផលិត​សាំង និង​ម៉ាស៊ូត ហើយ​ហ្គាស​ធម្មជាតិ​ត្រូវ​បាន​ប្រើ​សម្រាប់​កំដៅ និង​ចម្អិន​អាហារ។ ថាមពលទាំងពីរនេះក៏ត្រូវបានប្រើប្រាស់ក្នុងវិស័យកសិកម្ម ការផលិតអគ្គិសនី និងដំណើរការឧស្សាហកម្មផ្សេងទៀត។ ដូច្នេះហើយ នៅពេលដែលតម្លៃប្រេងឡើងថ្លៃដោយសារសង្គ្រាមរុស្ស៊ី-អ៊ុយក្រែន បានធ្វើឲ្យក្រុមហ៊ុនទាំងនេះទទួលបានផលចំណេញច្រើនពីការលក់ប្រេង និងហ្គាស ពីព្រោះជាពិសេសប្រទេសលោកខាងលិចចាំបាច់ត្រូវទិញថាមពលពីពួកគេ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ