សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ទីផ្សារប្រេងលក់រាយនៅកម្ពុជា ត្រូវបានប្រកាសជាទៀងទាត់ដោយក្រសួងពាណិជ្ជកម្ម ដែលចាប់ពីព្រឹកថ្ងៃទី០១ រហូតដល់ថ្ងៃទី១០ ខែកក្កដា ឆ្នាំ២០២៣នេះ តម្លៃប្រេងសាំងដែលត្រូវលក់ត្រឹម ៤ ១៥០ រៀល/ក្នុង១លីត្រ សម្រាប់សាំងធម្មតា EA92 និង តម្លៃ ៣ ៩៥០ រៀល/ក្នុង១លីត្រ សម្រាប់ប្រេងម៉ាស៊ូត ។
បើតាមតម្លៃខាងលើនេះបានឱ្យដឹងថា តម្លៃលក់រាយសម្រាប់សាំងធម្មតាគឺចុះថ្លៃ ០,៥០រៀលក្នុងមួយលីត្រ ហើយចំពោះម៉ាស៊ូតវិញគឺនៅតម្លៃដដែល ខណៈតម្លៃប្រេងសាំងកាលសប្ដាហ៍មុនលក់ក្នុងតម្លៃ ៤ ២០០ រៀល/ក្នុង១លីត្រ សម្រាប់សាំងធម្មតា EA92 និង ៣ ៩៥០ រៀល/ក្នុង១លីត្រសម្រាប់ប្រេងម៉ាស៊ូត DO 50ppm ។
បណ្ឌិត ហុង វណ្ណៈ ប្រធាននាយកដ្ឋានសេដ្ឋកិច្ចអន្តរជាតិនៃវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជាបានប្រាប់ AMS ថា ការបញ្ចុះតម្លៃប្រេងឥន្ធនៈនៅកម្ពុជា ក្នុងពេលដែលមានតម្រូវការខ្ពស់អាចបណ្តាលជួយកាត់បន្ថយចំណាយលើប្រេងសាំងបានច្រើន ដោយមានការប្រើប្រាស់ប្រចាំថ្ងៃកំពុងមានតម្រូវការជាចាំបាច់។
លោកបណ្ឌិត ហុង វណ្ណៈ បានលើកឡើងថា ៖
“ថ្វីត្បិតតែយើងមិនមានសូចនាករ ឬទិន្នន័យដែលបង្ហាញចំនួនជាក់លាក់អំពីការប្រើប្រាស់ប្រេងសាំង ដែលកើតចេញអំពីការចុះតម្លៃប្រេងរបស់រាជរដ្ឋាភិបាលក្ដី ប៉ុន្តែ ទោះបីតិចតួចត្រឹម៥០រៀលក្ដី ក៏ជាការរួមចំណែករបស់រាជរដ្ឋាភិបាលជួយដល់បងប្អូនប្រជាពលរដ្ឋក្នុងការប្រកបមុខរបរ និងអាជីវកម្មប្រចាំថ្ងៃផងដែរ។”
គួរបញ្ជាក់ផងដែរថា តម្រូវការថាមពលប្រេងជាកត្តាអាទិភាព និងចាំបាច់នៅក្នុងដំណើរអាជីវកម្មស្ទើរគ្រប់ប្រភេទ រាប់តាំងពីសង្វាក់ផលិតកម្មនៅក្នុងវិស័យឧស្សាហកម្ម សហគ្រាសខ្នាតតូច និងមធ្យម ការដឹកជញ្ជូន ក៏ដូចជាការប្រកបអាជីវកម្មក្នុងវិស័យសេដ្ឋកិច្ចក្រៅប្រពន្ធផងដែរ។ ដូចនេះ គោលនយោបាយរបស់រាជរដ្ឋាភិបាលកម្ពុជាក្នុងការព្យាយាមបញ្ចុះតម្លៃប្រេងលក់រាយពិតជាបានចូលរួមចំណែកយ៉ាងសំខាន់នៅក្នុងកិច្ចដំណើរការសេដ្ឋកិច្ចប្រចាំរបស់ប្រជាពលរដ្ឋ ក៏ដូចជាម្ចាស់អាជីវកម្មទូទៅផងដែរ៕
Account
Security
Favourite Content