រុស្ស៊ី ចូលរួមជាមួយចិនក្នុងការរឹតបន្តឹងការនាំចូលគ្រឿងសមុទ្រពីជប៉ុន

បរទេស៖ យោងតាមប្រភពព័ត៌មានពី CNA បានរាយការណ៍ថា រុស្ស៊ីបានចូលរួមជាមួយចិនក្នុងការរឹតបន្តឹងលើការនាំចូលត្រី និងគ្រឿងសមុទ្រពីជប៉ុន។ ទន្ទឹមនឹងនេះ រុស្ស៊ី ក៏បានដាក់ការរឹតបន្តឹងនេះជាវិធានការប្រុងប្រយ័ត្ន ហើយនឹងបន្តអនុវត្តរហូតដល់មានព័ត៌មានបង្ហាញថា គ្រឿងសមុទ្រពិតជាមានសុវត្ថិភាពមែន។

កាលពីថ្ងៃចន្ទកន្លងទៅនេះ មុនពេលរុស្ស៊ីប្រកាសការរឹតបន្តឹងនេះ ក្រសួងការបរទេសជប៉ុនបាននិយាយថា ខ្លួនបានផ្តល់ព័ត៌មានបន្ថែមទៀតទៅដល់រុស្ស៊ីត្រឹមថ្ងៃទី១៥ ខែតុលា បន្ទាប់ពីកិច្ចសន្ទនាតាមអ៊ីនធឺណិតរវាងស្ថាប័នរដ្ឋពាក់ព័ន្ធកាលពីថ្ងៃទី ១០ ខែតុលា ឆ្នាំ២០២៣។

កាលពីថ្ងៃចន្ទដដែល សេចក្តីថ្លែងការណ៍មួយបាននិយាយថា ជប៉ុននឹងបន្តផ្តល់ការពន្យល់ដោយផ្អែកលើភស្តុតាងវិទ្យាសាស្រ្តដល់រុស្ស៊ីក្នុងលក្ខណៈតម្លាភាពខ្ពស់ និងដោយសេចក្តីស្មោះត្រង់ ខណៈពេលដែលកំពុងស្ថិតក្រោមការត្រួតពិនិត្យដោយ IAEA (ទីភ្នាក់ងារថាមពលបរមាណូអន្តរជាតិ)។ លើសពីនេះ ក្រសួងការបរទេសជប៉ុនបាននិយាយថា ភាគីជប៉ុនបានពន្យល់ដល់រុស្ស៊ីនូវវិធីសាស្ត្រត្រួតពិនិត្យរបស់ខ្លួនចំពោះសារធាតុវិទ្យុសកម្ម ទ្រីទីយ៉ូមនៅក្នុងផលិតផលទឹក និង សុវត្ថិភាពនៃផលិតផលជប៉ុនដោយផ្អែកលើភស្តុតាងវិទ្យាសាស្ត្រ។ ស្របពេលនេះដែរ ក្រសួងកសិកម្ម រុក្ខាប្រមាញ់ និងនេសាទរបស់ជប៉ុនបាននិយាយថា ការរឹតបន្តឹងរបស់រុស្ស៊ីគ្មានមូលដ្ឋានវិទ្យាសាស្ត្រ និង មិនយុត្តិធម៌នោះទេ ដោយអំពាវនាវឱ្យលុបចោលវិញ។

កាលពីខែសីហាកន្លងទៅនេះ ជប៉ុនបានបញ្ចេញទឹកមានវិទ្យុសកម្មពីរោងចក្រថាមពលនុយក្លេអ៊ែរ Fukushima ដែលបានបំផ្លាញចូលទៅក្នុងមហាសមុទ្រប៉ាស៊ីហ្វិក។ បញ្ហានេះត្រូវបានរិះគន់ដោយចិន និង ហាមឃាត់ការនាំចូលអាហារសមុទ្រទាំងអស់ពីប្រទេសជប៉ុន។ ទោះជាយ៉ាងណាក្តី មន្ទីរពិសោធន៍បរិស្ថានសមុទ្រ IAEA នឹងធ្វើទស្សនកិច្ចនៅប្រទេសជប៉ុនចាប់ពីថ្ងៃទី ១៦ ដល់ថ្ងៃទី ១៣ ខែតុលា ដើម្បីត្រួតពិនិត្យការបញ្ចេញទឹកនៅ Fukushima ហើយមន្ទីរពិសោធន៍ឯករាជ្យជាភាគីទីបីមកពីកាណាដា ចិន និងកូរ៉េខាងត្បូងនឹងចូលរួមក្នុងការត្រួតពិនិត្យផងដែរ។

គួរឲ្យបញ្ជាក់ដែរថា ត្រី និង គ្រឿងសមុទ្ររបស់រុស្ស៊ីត្រូវបានប្រមូលពីក្នុងទឹកនៃតំបន់ភាគខាងកើតរបស់ខ្លួន ដែលនៅជិតប្រទេសជប៉ុន។ លើសពីនេះទៀត រុស្ស៊ីបាននាំចូលត្រី និងអាហារសមុទ្រចំនួន ១១៨ តោនពីជប៉ុនដោយគិតពីខែមករាដល់ខែកញ្ញា ខណៈដែលប្រទេសជប៉ុនគឺជាអ្នកផ្គត់ផ្គង់គ្រឿងសមុទ្រដ៏ធំបំផុតរបស់រុស្ស៊ី ចិន និងកូរ៉េខាងត្បូង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ