សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ជាថ្មីម្ដងទៀត សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានចេញសារសម្លេងពិសេសដែលបញ្ជាក់ពីការដាក់បទបញ្ជាយ៉ាងម៉ឺងម៉ាត់ក្នុងការថែរក្សាការពារធនធានធម្មជាតិតំបន់ភ្នំតាម៉ៅ ដោយបញ្ជាឱ្យក្រសួងកសិកម្ម រុក្ខាប្រមាញ់ និងនេសាទ ធ្វើតាមរបៀបព្រះរាជក្រឹត ដើម្បីកំណត់ដែនរក្សាតំបន់នេះឱ្យទៅជាតំបន់អភិរក្សដី និងព្រៃឈើជារៀងរហូត។
តាមរយៈសារជាសម្លេងពិសេសជាង៦នាទី កាលពីយប់ថ្ងៃទី១៧ ខែសីហា ឆ្នាំ២០២២ សម្ដេចតេជោ ហ៊ុន សែន បានមានប្រសាសន៍ថា កាលពីថ្ងៃទី៧ ខែសីហា ឆ្នាំ២០២២កន្លងទៅ សម្ដេចបានសម្រេចលុបចោលនូវលិខិតបទដ្ឋានទាំងអស់ដែលអនុញ្ញាតឱ្យក្រុមហ៊ុនឯកជនអភិវឌ្ឍនូវដីជុំវិញសួនសត្វភ្នំតាម៉ៅបើទោះជាសួនសត្វនេះមិនពុំមានផលប៉ះពាល់ក៏ដោយ។ ជាមួយគ្នានេះ សម្ដេចក៏បានបញ្ជាឱ្យបញ្ឈប់នូវការឈូសឆាយ ហើយត្រូវដាំដុះដើមឈើឡើងវិញនូវដីដែលបានរុករាន ដោយក្នុងនោះផ្ទៃដីដែលត្រូវដាំឡើងវិញមានទំហំ៥៣០ហិកតា ដែលត្រូវប្រើកម្លាំងយ៉ាងច្រើន។
សម្ដេចតេជោ ហ៊ុន សែន បានមានប្រសាសន៍បន្តថា ៖
“បញ្ហាមិនមានចំណោទទេទៅលើដើមឈើ ប៉ុន្តែអ្វីដែលជាបញ្ហាចំណោទគឺស្ថិតនៅត្រង់ថា ត្រូវធ្វើដីនេះឱ្យបានល្អដើម្បីដាំកូនឈើឡើងវិញ។ ជាមួយគ្នានេះ ដើម្បីដោះស្រាយបញ្ហានេះឱ្យបានលឿន និងទាន់រដូវភ្លៀង ខ្ញុំ ព្រះករុណាខ្ញុំ បានចេញបទបញ្ជាឱ្យកម្លាំងអង្គរក្សជាង១០០០នាក់ទៅធ្វោះសកម្មភាពជួយឈូសឆាយដី និងដាំកូនឈើឡើងវិញនៅក្នុងតំបន់នោះ ដោយប្រើគ្រឿងចក្រចំនួន១១៣គ្រឿង ដើម្បីធ្វើដីឱ្យបានល្អ និងដាំកូនឈើនៅទីនោះ ដោយរហូតមកដល់ល្ងាចថ្ងៃទី១៦ ខែសីហា ឆ្នាំ២០២២ ចំនួនដី ៥៣០ហិកតា បានធ្វើរួចរាល់ ប៉ុន្តែត្រូវការសម្អាតបន្ថែមទៀត ដែលត្រូវការពេលវេលាមួយចំនួនថែមទៀត”
តាមរយៈសារសម្លេងពិសេសដដែលនេះ សម្ដេចបានលើកឡើងថា ជាមួយនឹងសកម្មភាពនៃការចុះអនុវត្តតាមបទបញ្ជាពីសំណាក់កងកម្លាំងអង្គរក្សជាង ១ ០០០នាក់ ដែលកំពុងយកចិត្តទុកដាក់លើការធ្វើដីឱ្យល្អសម្រាប់ការដាំដុះ និងមានភាពងាយស្រួលក្នុងការថែរក្សានូវក្នុងពេលរដូវប្រាំងដែលជាបន្ទុករបស់ក្រុមហ៊ុនតាមថែទាំ និងជួសជុលដើមឈើណាដែលត្រូវខូចខាតនោះ ក៏មានការសង្ស័យពីមជ្ឈដ្ឋានមួយចំនួនដែលយល់មិនដល់បញ្ហា ហើយធ្វើការវិនិច្ឆ័យយ៉ាងឆាប់រហ័សថា ទីតាំងដីនេះនឹងត្រូវក្លាយទៅជាដីរបស់ឯកជន។
ជាមួយនឹងការលើកឡើងខាងលើនេះ សម្ដេចតេជោបានបញ្ជាក់ថា ៖
“តំបន់ភ្នំតាម៉ៅ ត្រូវតែរក្សាទុកជាព្រៃ និងដីអភិរក្ស ហើយខ្ញុំ ព្រះករុណាខ្ញុំ សូមឱ្យក្រសួងកសិកម្ម រុក្ខាប្រមាញ់ និងនេសាទ ធ្វើតាមរបៀបព្រះរាជក្រឹត្យ ដើម្បីរក្សាតំបន់នេះឱ្យទៅជាតំបន់ព្រៃអភិរក្សសម្រាប់ការពារជារៀងរហូតទៅ។ សម្រាប់ដីព្រៃដែលដាំកូនឈើ យើងដាំសុទ្ធតែជាកូនឈើប្រណីតតែម្ដង ហើយឥឡូវនេះ ខ្ញុំបានចេញបទបញ្ជាទៅមេបញ្ជាការកងអង្គរក្ស ក៏ដូចជាអ្នកដែលទទួលការងារដាំដុះនៅទីនោះ ប្រែក្លាយដីតំបន់ដែលបានឈូសឆាយនេះទៅជាសួនដាំដើមឈើ ឬជាចម្ការដាំដើមឈើ ដែលសុទ្ធតែជាឈើប្រណីត ហើយមិនយូរប៉ុន្មាន បងប្អូននឹងឃើញលទ្ធផលដ៏ល្អប្រសើរ។ ប៉ុន្តែដើម្បីជៀសវាងនូវបញ្ហាភ័ន្តច្រឡំ និងការមួលបង្កាច់ដោយពួកអគតិមួយចំនួន ខ្ញុំសូមបញ្ជាក់សារជាថ្មី ឱ្យក្រសួងកសិកម្ម រុក្ខាប្រមាញ់ និងនេសាទ ត្រៀមព្រះរាជក្រឹត្យកំណត់នូវនិយាមការតំបន់ភ្នំតាម៉ៅដែលត្រូវជាតំបន់ការពារនេះ ចេញជាព្រះរាជក្រឹត្យ ដើម្បីដាក់ជាតំបន់អភិរក្ស និងត្រូវការពារតែម្ដង”
ជាចុងក្រោយ សម្ដេចតេជោសង្ឃឹមថា តាមរយៈសារសម្លេងពិសេសនេះនឹងពន្យល់ទៅដល់បងប្អូនជនរួមជាតិទាំងអស់ ដើម្បីជៀសវាងការជឿទៅលើក្រុមអគតិ ដែលតែងតែយកសភាពការណ៍នេះមួលបង្កាច់ ខណៈវត្តមានកម្លាំងអង្គរក្សដែលចុះទៅទីនោះជាង១០០០នាក់ រួមជាមួយនឹងគ្រឿងចក្រទាំង១១៣គ្រឿង គឺដើម្បីធ្វើការឈូសឆាយ និងសម្អាតដីសម្រាប់ដាំកូនឈើប្រណីតតាមបទបញ្ជា។ មិនយូរប៉ុន្មាន បងប្អូនជនរួមជាតិនឹងបានឃើញតំបន់ភ្នំតាម៉ៅប្រែក្លាយជាតំបន់ព្រៃឈើប្រណីតដែលស្ថិតក្នុងតំបន់ការពារ និងអភិរក្សជារៀងរហូតដោយគ្មានអ្នកណាអាចកាប់បំផ្លាញ់បាននោះឡើយ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
បុគ្គល ៤ អាចជំនួសតំណែងលោក Zelensky ក្រោយលោក Trump ជំរុញការផ្លាស់ប្តូរនយោបាយអ៊ុយក្រែន
បទយកការណ៍, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 13/10/2026
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាស៊ាន រៀបចំកិច្ចប្រជុំអំពីឧតុនិយម និងដំណោះស្រាយ ឆ្លើយតបទៅនឹងបាតុភូតអែល នីញ៉ូ (El Niño) នៅទីក្រុងដាណាំង ប្រទេសវៀតណាម
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
ប្រតិភូប្រមាណ ៦០ រូបនឹងជួបជុំគ្នានៅទីក្រុងដាណាំង ប្រទេសវៀតណាមចាប់ពីថ្ងៃទី ១៤ ដល់ថ្ងៃទី ១៦ ខែតុលា ដើម្បីពិភាក្សាអំពីវិធានការឆ្លើយតបទៅនឹងបាតុភូត El Niño និងពង្រឹងកិច្ចសហប្រតិបត្តិការលើវិស័យឧតុនិយម និងជលសាស្ត្រនៅក្នុងតំបន់អាស៊ាន
រុស្ស៊ី ដំណើរការសេវាទូទាត់លុយគ្រីបតូជាសាច់ប្រាក់លើកដំបូងបំផុតរបស់ពិភពលោកក្នុងតម្លៃសេវាត្រឹមតែ ០,៣ភាគរយ
ព្រឹត្តិការណ៍, អាជីវកម្មថ្មី និងនវានុវត្ត
• 14/10/2026
បរទេស ៖ ក្រុមហ៊ុនបច្ចេកវិទ្យាហិរញ្ញវត្ថុរុស្ស៊ី A7 បានប្រកាសដាក់ឱ្យប្រើប្រាស់សេវាកម្មទូទាត់ប្រាក់លើកដំបូងបំផុតរបស់ពិភពលោក ដែលអនុញ្ញាតឱ្យអតិថិជនផ្ទេរប្រាក់ឆ្លងប្រទេសដោយប្រើប្រាស់រូបិយប័ណ្ណគ្រីបតូ(Cryptocurrency)ជាមួយតម្លៃសេវាត្រឹមតែ ០,៣ភាគរយ។ យោងតាមការចេញផ្សាយរបស់កាសែត RT បានឲ្យដឹងថា ការបើកដំណើរការសេវាកម្មថ្មីដែលមានឈ្មោះថា A7 International នេះ បានជួយឱ្យក្រុមហ៊ុនអាចពង្រីកវិសាលភាពរបស់ខ្លួនទៅកាន់អន្តរជាតិបើទោះបីជាកំពុងរងទណ្ឌកម្មសេដ្ឋកិច្ចពីបណ្តាប្រទេសលោកខាងលិចក៏ដោយ។ តាមរយៈប្រព័ន្ធថ្មីនេះ អតិថិជនអាចទូទាត់ការផ្ទេរប្រាក់ជាប្រភេទរូបិយប័ណ្ណឌីជីថល USDT(ដែលជាប្រាក់គ្រីបតូមានតម្លៃថេរស្មើប្រាក់ដុល្លារអាមេរិក) ហើយអ្នកទទួលប្រាក់នឹងទទួលបានជាសាច់ប្រាក់តាមប្រព័ន្ធ SWIFT
ខ្សែភាពយន្តឯកសារ «LOOT: ការវិលត្រឡប់មកវិញនូវរតនសម្បត្តិវត្ថុកម្ពុជា» ត្រៀមចាក់បញ្ចាំងនៅតាមរោងភាពយន្តទូទាំងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦
ព្រឹត្តិការណ៍, អត្ថបទពាណិជ្ជកម្ម
• 13/10/2026
ភ្នំពេញ ៖ ខ្សែភាពយន្តឯកសារកម្រិតអន្តរជាតិ “LOOT” ដែលលាតត្រដាងពីបណ្តាញឧក្រិដ្ឋកម្មជួញដូរវត្ថុបុរាណខ្មែរជាសកល ដោយខុសច្បាប់ពីសំណាក់ជនបរទេស ត្រូវបានក្រុមហ៊ុន AMS (Apsara Media Services) សហការជាមួយក្រុមហ៊ុន New Theory Picture ចាក់បញ្ចាំងនៅតាមរោងភាពយន្តក្នុងប្រទេសកម្ពុជា ចាប់ពីថ្ងៃទី១៦ ខែតុលា ឆ្នាំ២០២៦ តទៅ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
គម្រោងអភិវឌ្ឍន៍តំបន់ភ្នំខ្នងផ្សារ បានលើកកម្ពស់ទាំងជីវភាព និងការចូលរួមការពារ អភិរក្សធនធានធម្មជាតិ
កម្ពុជា អរគុណអង្គការយូណេស្កូ ដែលជួយជ្រោមជ្រែងកម្ពុជា អាចចុះបញ្ជីជាសម្បត្តិបេតិកភណ្ឌពិភពលោកបាន
Account
Security
Favourite Content