សម្ដេចតេជោ ហ៊ុន សែន ស្នើបារាំងនាំមុខក្នុងការចរចាជាមួយធនាគារអឺរ៉ុប ដើម្បីបន្ដសាងសង់រោងចក្រផលិតទឹកស្អាតជំហានទី៣

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា បានស្នើដល់សាធារណរដ្ឋបារាំងចរចាជាមួយធនាគារអឺរ៉ុប និងសហភាពអឺរ៉ុប បន្ដផ្ដល់ជំនួយឥតសំណងដល់រាជរដ្ឋាភិបាលកម្ពុជា ដើម្បីបន្ដសាងសង់រោងចក្រផលិតទឹកស្អាតជំហានទី៣ សំដៅបំពេញតម្រូវការប្រើប្រាស់របស់ប្រជាពលរដ្ឋកម្ពុជា។

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា កាលពីថ្ងៃដើមសប្ដាហ៍កន្លងទៅនេះ តាមរយៈឯកអគ្គរដ្ឋទូតនៃសាធារណរដ្ឋបារាំង បានថ្លែងអំណរគុណយ៉ាងជ្រាលជ្រៅដល់រដ្ឋាភិបាលនៃសាធារណរដ្ឋបារាំង ដែលកន្លងមកសម្ដេចតែងស្នើឱ្យបារាំងបន្ដការជួយដល់ការអភិវឌ្ឍរបស់កម្ពុជា ក្នុងនោះមានទាំងវិស័យទឹកនេះផងដែរ។ ដូច្នេះសម្ដេចសង្ឃឹមថា ទីភ្នាក់ងារបារាំងសម្រាប់ការអភិវឌ្ឍ (AFD) បន្ដមានវត្តមានជួយក្នុងការអនុវត្តគម្រោងបន្ដបន្ទាប់ ពិសេសជំហានទី៣។

សម្ដេចតេជោ ហ៊ុន សែន បានមានប្រសាសន៍ថា ៖ 

“ឯកអគ្គរដ្ឋទូតបារាំង សុំឱ្យបារាំងនាំមុខក្នុងការចរចាជាមួយធនាគារអឺរ៉ុប និងសហភាពអឺរ៉ុប ផ្ដល់ជំនួយឥតសំណងបន្ថែមមកជំហានទី៣ សូមអរគុណទុកឱ្យហើយ។ ខ្ញុំតែជួប ខ្ញុំសុំហើយ ព្រោះខ្ញុំមិនមែនសុំយកទៅធ្វើផ្ទះឯណា ខ្ញុំសុំដើម្បីសេចក្ដីត្រូវការរបស់ប្រជាពលរដ្ឋ។”

សម្ដេចតេជោ ហ៊ុន សែន បានអះអាងថា ប្រសិនបើមិនឱ្យកម្ពុជាពឹងបារាំងដើម្បីជួយសាងសង់ តើឱ្យកម្ពុជាទៅពឹងអ្នកណា? ដូច្នេះនេះជារឿងពិតដែលបារាំងបានចូលរួមចំណែកអភិវឌ្ឍន៍រោងចក្រផលិតទឹកស្អាតនៅកម្ពុជា ក្នុងនោះមានទាំងរោងចក្រនៅសង្កាត់និរោធន៍ ខណ្ឌព្រែកព្នៅ រហូតដល់រោងចក្រនៅសង្កាត់បាក់ខែង ខណ្ឌជ្រោយចង្វារ ដែលជាប្រភពផ្គត់ផ្គង់ធំជាងគេ។ ជាមួយនឹងសំណើស្នើសុំឲ្យជួយបន្ដទៀតនេះ, សម្ដេចតេជោ ហ៊ុន សែន បានគូសបញ្ជាក់ទៅកាន់ភាគីបារាំង និងសហភាពអឺរ៉ុប កុំឱ្យមានការព្រួយបារម្ភរឿងសំណងដែលកម្ពុជាបានខ្ចី ពោលរដ្ឋាករទឹករាជធានីភ្នំពេញ មានលទ្ធភាពគ្រប់គ្រាន់ដើម្បីសងត្រឡប់ទៅវិញនៅពេលណាមួយ ព្រោះទឹកទាំងអស់នេះបូមទៅលក់ ហើយយកលុយចំណេញអភិវឌ្ឍន៍បន្ដទៀតមួយផ្នែក និងមួយផ្នែកទៀត ទុកដើម្បីសងត្រឡប់ទៅវិញ។

សូមជម្រាបថា រោងចក្រផលិតទឹកស្អាតបាក់ខែងជំហានទី១ គឺជាគម្រោងធំជាងគេជាប្រវត្តិសាស្ត្រ​ក្នុង​វិស័យអភិ​វឌ្ឍន៍ហេដ្ឋារចនាសម្ព័ន្ធទឹកស្អាតកម្ពុជា ដែលអនុវត្តការងារសាងសង់​ដោយ​ក្រុមហ៊ុន Vinci Construction Gra​n​ds Projets មកពីប្រទេសបារាំង ស្ថិតក្រោម​ការ​ត្រួត​ពិនិត្យរបស់រដ្ឋាករទឹកស្វយ័តរាជធានីភ្នំពេញ និងការជួយ​ផ្តល់យោបល់ពី​ទី​ប្រឹក្សាបច្ចេកទេស SAFEGE Consulting Engineers មកពីប្រទេសបារាំង។

រោងចក្រផលិតទឹកស្អាតបាក់ខែងជំហានទី១ បានបន្ថែមលើសមត្ថភាពផលិត​ទឹក​ស្អាត ដែលមានស្រាប់ចំនួន ៦៤០,០០០ម៉ែត្រ​គូបក្នុងមួយថ្ងៃ នាំឲ្យរដ្ឋាករទឹកស្វយ័ត​ក្រុង​ភ្នំពេញ មានសមត្ថភាព​ផលិត និងផ្គត់ផ្គង់ទឹកស្អាតសរុបបានប្រមាណ ៨៣៥,០០០ម៉ែត្រគូបក្នុងថ្ងៃ ព្រមទាំង​បន្ថែម​ការផ្គត់​ផ្គង់ជូនប្រជាពលរដ្ឋបានប្រមាណ ១៧០​,​០០០គ្រួសារ និងជួយដោះ​ស្រាយ​​​បញ្ហាទឹកស្អាតរបស់ប្រជាជនរស់នៅតំបន់​ជាយរាជ​ធានី​ភ្នំពេញ និងសង្កាត់​ចំនួន៣ នៅក្រុងតាខ្មៅ។

នៅដើមឆ្នាំ២០២៤ ក្រោយដាក់ដំណើរការរោងចក្រផលិតទឹកស្អាតបាក់​ខែងជំហាន​ទី​២ រដ្ឋាករទឹកស្វយ័តក្រុងភ្នំពេញ មានសមត្ថភាពផលិត និងផ្គត់ផ្គង់ទឹកស្អាតសរុប​បាន​ជាង ១លានម៉ែត្រគូបក្នុងមួយថ្ងៃ។

សម្រាប់ជំហានទី១ ទីភ្នាក់ងារបារាំងសម្រាប់ការអភិវឌ្ឍ (AFD) ផ្ដល់ថវិកាចំនួន៨៥​លាន​ដុល្លារ ធនាគារវិនិយោគអឺរ៉ុប (EIB) ថវិកាចំនួន ១០០លានដុល្លារ និងហិរញ្ញប្បទានឥតសំណងពីសហភាពអឺរ៉ុប (EU) ចំនួន១៥លានដុល្លារ។ ដោយឡែករាជរដ្ឋាភិបាលទទួលបន្ទុកពន្ធក្នុងការនាំចូលសម្ភារទាំងឡាយ ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ក្រសួងពាណិជ្ជកម្មក្រើនរំលឹកដល់សាធារណជនឱ្យមានការប្រុងប្រយ័ត្នចំពោះផ្លែទុរេនជ្រលក់សារធាតុគីមី

ព្រឹត្តិការណ៍, សេដ្ឋកិច្ច

• 25/06/2024

ក្រសួងពាណិជ្ជកម្មកាលពីពេលថ្មីៗនេះ បានចេញសេចក្ដីជូនដំណឹងអំពីករណីនាំចូលផ្លែទុរេនពីប្រទេសជិតខាង មកដាក់លក់លើទីផ្សារកម្ពុជា ដោយមានប្រើសារធាតុគីមី

៥​ខែ​ដើមឆ្នាំ២០២៤ ការនាំចេញ​របស់​កម្ពុជា​ទៅកាន់ប្រទេសសមាជិក​ RC​E​P​ ​មានការកើន​ឡើង​ ​

ព្រឹត្តិការណ៍, សេដ្ឋកិច្ច

• 25/06/2024

របាយការណ៍ក្រសួងពាណិជ្ជកម្មបង្ហាញថា រយៈពេល៥ខែ ដើមឆ្នាំ២០២៤ ពាណិជ្ជកម្មកម្ពុជាជាមួយប្រទេសដៃគូសេដ្ឋកិច្ច RCEP បានកើនឡើងដល់ ១៤,១៧ ពាន់លានដុល្លារ

ស្ថាប័ន OECD ព្យាករពីស្ថានភាពសេដ្ឋកិច្ចសកល ២៥ឆ្នាំក្រោយ ខណៈចិននឹងក្លាយជាមហាអំណាចថ្មីជំនួសអាមេរិកយ៉ាងប្រាកដ

ព្រឹត្តិការណ៍, សេដ្ឋកិច្ច

• 25/06/2024

រយៈពេល២៥ឆ្នាំខាងមុខនេះមានបម្រែបម្រួលជាច្រើនដោយក្នុងនោះអង្គការអន្តរជាតិ OECD បានមើលឃើញថា ពិភពលោកនឹងអាចមានចំនួនមនុស្សកើនឡើងទៅដល់៩ពាន់លាននាក់

PillTech និង Sanofi GHU រួមគ្នា ដើម្បីជួយវិស័យសុខាភិបាលនៅកម្ពុជាកាន់តែប្រសើរ

ព្រឹត្តិការណ៍, អត្ថបទពាណិជ្ជកម្ម

• 24/06/2024

ក្រុមហ៊ុន PillTech ជាធុរកិច្ចខ្មែរឈានមុខផ្នែកបច្ចេកវិទ្យាវិស័យសុខាភិបាល និង Sanofi Global Health Unit (GHU) ដែលជាអង្គភាពមិនរកប្រាក់ចំណេញរបស់ក្រុមហ៊ុន Sanofi បានចាប់ដៃគូក្នុងគោលបំណងអោយការផ្តល់សេវាសុខាភិបាល

ប្រជាកសិករយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួស

ជំនួញ, ព្រឹត្តិការណ៍

• 24/06/2024

អាជីវកម្មជីធម្មជាតិ កំពុងទទួលបានការគាំទ្រស្ទើរទូទាំងប្រទេស ខណៈដែលប្រជាកសិករមានការយល់ដឹងកាន់តែច្រើនពីផលប៉ះពាល់របស់ជីគីមី ហើយងាកមកប្រើជីធម្មជាតិជំនួសវិញ។

ឧស្សាហកម្មកាត់ដេរ និងវាយនភណ្ឌ ជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីសំខាន់ក្នុងឧស្សាហកម្មកាត់ដេរនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ឧស្សាហកម្មកាត់ដេរ និង វាយនភណ្ឌជាសសរស្តម្ភនៃសេដ្ឋកិច្ច ខណៈរោងចក្រម៉ៅការដេរដើរតួនាទីយ៉ាងសំខាន់ក្នុងឧស្សាហកម្មកាត់ដេរនៅកម្ពុជា ។

សារៈសំខាន់នៃកិច្ចសន្យាឥណទានដែលអ្នកប្រើប្រាស់កម្ចីផ្លូវការគួរស្វែងយល់

ព្រឹត្តិការណ៍, ហិរញ្ញវត្ថុ

• 24/06/2024

កិច្ចសន្យាឥណទាន គឺសំដៅទៅលើកិច្ចសន្យាខ្ចីប្រាក់រវាងអតិថិជន និងស្ថាប័នផ្ដល់កម្ចីផ្លូវការដែល រូមមាន ធនាគារ និងមីក្រូហិរញ្ញវត្ថុ...

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ព្រឹត្តិការណ៍, អចលនទ្រព្យ

• 24/06/2024

សក្ដានុពល​ក្នុងវិស័យកសិកម្មនៃតំបន់​ប៉ូលសេដ្ឋកិច្ចទី៤ នឹងកាន់តែទាក់ទាញ​ការ​វិនិយោគក្រោយ​គម្រោង​​ធារាសាស្ត្រ​ធំៗ​លេចជារូបរាង​

ចិនព្រមានថា ការដាក់ពន្ធរបស់សហភាពអឺរ៉ុបអាចបង្កឱ្យមានសង្គ្រាមពាណិជ្ជកម្មរវាងភាគីទាំងពីរ

ព្រឹត្តិការណ៍, សេដ្ឋកិច្ច

• 24/06/2024

អ្នកនាំពាក្យក្រសួងពាណិជ្ជកម្មចិនលើកឡើងថា ភាគីអឺរ៉ុបបន្តបង្កើនការប៉ះទង្គិចពាណិជ្ជកម្ម ហើយអាចបង្កឱ្យមានសង្គ្រាមពាណិជ្ជកម្ម ហើយទំនួល​ខុស​ត្រូវ​គឺ​ស្ថិត​នៅ​លើ​ភាគី​អឺរ៉ុប​ទាំង​ស្រុង

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា

ព្រឹត្តិការណ៍, សេដ្ឋកិច្ច

• 24/06/2024

ធនាគារពិភពលោកអនុម័តការវិនិយោគក្រោមជំនួយឥណទានចំនួន ១៤៥ លានដុល្លារសម្រាប់គម្រោងកែលម្អ​ហេដ្ឋារចនាសម្ព័ន្ធផ្គត់ផ្គង់ទឹកនៅកម្ពុជា