សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ការប្រើប្រាស់កម្ចីចំគោលដៅពិតជាបានជួយលើកស្ទួយជីវភាពរបស់ប្រជាជន ស្របពេលដែលធនាគារ និងគ្រឹះស្ថានមីក្រូហិរញ្ញវត្ថុ បានបង្រីកសាខាជាច្រើននៅទូទាំងប្រទេស ដើម្បីបង្កភាពងាយស្រួលសម្រាប់ប្រជាជនក្នុងការទទួលបានកម្ចីទៅតាមផែនការរបស់ខ្លួន។ ប៉ុន្តែមានសំនួរមួយលើកឡើងថា តើធ្វើដូចម្តេចដើម្បីប្រើប្រាស់កម្ចីឱ្យជោគជ័យ? មានចំណុចសំខាន់ៗគួរដឹងមួយចំនួន ប្រសិនបើអតិថិជនចង់ប្រើប្រាស់កម្ចីគ្រឹះស្ថានហិរញ្ញវត្ថុឱ្យមានប្រសិទ្ធភាព។
១.បែងចែកឱ្យច្បាស់រវាងកម្ចីបង្កើនចំណូល និងកម្ចីដែលបង្កឱ្យជាប់បំណុល
២.ប្រើប្រាស់កម្ចីឱ្យចំគោលដៅ
៣.កម្ចីដែលខ្ចីមកត្រូវប្រាកដថា វាជួយបង្កើតចំណូលដល់យើង ឬកាត់បន្ថយចំណាយ
៤.មានផែនការហិរញ្ញវត្ថុច្បាស់លាស់ ជាពិសេសផែនការប្រើប្រាស់ និងសងត្រឡប់
៥.ពិនិត្យ និងគ្រប់គ្រងរំហូរសាច់ប្រាក់ចឱ្យប្រាកដថា យើងពិតជាមានលទ្ធភាពសងគេវិញបាន ដោយការសងត្រឡប់ទៅគេក្នុងមួយខែៗ មិនគួរប៉ះពាលដល់ការចាយវាយប្រចាំថ្ងៃនោះទេ ឬមិនលើស ៣០% នៃប្រាក់ចំណូល
៦.បើករណីមានកម្ចីច្រើនស្ថាប័ន គួរចាត់លំដាប់កម្ចីទៅតាមទំហំកម្ចីដែលនៅសល់ អត្រាការប្រាក់ដែលត្រូវសង កំណត់ថ្ងៃសងត្រឡប់ និងប៉ាន់ស្មានថ្ងៃត្រឡប់ បន្ទាប់មកយកទៅធ្វើផែនការសងត្រឡប់
៧.ប្រើប្រាស់កម្ចីឱ្យត្រូវតាមតម្រូវការ និងស្ថានភាពហិរញ្ញវត្ថុរបស់ខ្លួន
៨.ប្រសិនបើមានភាពលំបាកក្នុងការសងត្រឡប់ អតិថិជនអាចស្នើសុំគ្រឹះស្ថានរៀបចំឥណទានឡើងវិញ និងចរចាជាមួយស្ថាប័នរកដំណោះស្រាយ។
ជារួម នៅពេលអ្នកប្រើប្រាស់កម្ចីត្រូវទៅតាមគោលបំណង ដូចជាការពង្រីកអាជីវកម្ម ឬបង្កើតអាជីវកម្ម ដែលមានផែនការច្បាស់លាស់ និងការគ្រប់គ្រងហិរញ្ញវត្ថុត្រឹមត្រូវ នោះវានឹងជួយអ្នកក្នុងការរកចំណូលបន្ថែមនៅពេលអាជីវកម្មរបស់អ្នកមានរីកចម្រើនទៅតាមផែនការអាជីវកម្មរបស់អ្នក៕ ប្រភព ៖ សមាគមមីក្រូហិរញ្ញវត្ថុកម្ពុជា
Account
Security
Favourite Content