សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងទៅតាមប្រភពព័ត៌មានពីរ៉យទ៍របានរាយការណ៍ថា តម្លៃប្រេងបានបន្តកើនឡើងប្រហែល ៣ ភាគរយដល់កម្រិតខ្ពស់កាលពីថ្ងៃចុងសប្ដាហ៍កន្លងទៅនេះ ខណៈដែលប្រាក់ដុល្លារអាមេរិកចុះខ្សោយ និងការកើនឡើងទិន្នផលនាំចូលប្រេងឆៅរបស់ប្រទេសចិន។
ទីផ្សារតម្លៃប្រេងឆៅម៉ាក Brent បានឡើងថ្លៃ ៣,៤ ភាគរយ ឬ ៧៥,៦៧ ដុល្លារក្នុងមួយបារ៉ែល ខណៈប្រេងឆៅម៉ាក US West Texas Intermediate (WTI) បានឡើងថ្លៃ ៣,៤ ភាគរយ ឬ ៧០,៦២ ដុល្លារក្នុងមួយបារ៉ែល។ តម្លៃឡើងថ្លៃទាំងនេះគឺជាការឡើងខ្ពស់បំផុតសម្រាប់ Brent និង WTI នៅក្នុងខែមិថុនានេះ។
ស្របពេលនេះដែរ នៅសហរដ្ឋអាមេរិក ទីផ្សារតម្លៃប្រេងម៉ាស៊ូតបានកើនឡើងប្រហែល ៥ ភាគរយដល់កម្រិតខ្ពស់បំផុតចាប់តាំងពីខែមេសា ខណៈដែលការលក់រាយបានឡើងថ្លៃលើសពីការរំពឹងទុក ការកើនឡើងនៃអត្រាគ្មានការងារធ្វើខ្ពស់ និងការធ្លាក់ចុះនៃប្រាក់ដុល្លារដល់កម្រិតទាបរយៈពេលប្រាំសប្តាហ៍បើធៀបទៅនឹងរូបិយប័ណ្ណផ្សេងទៀត។ មិនត្រឹមតែប៉ុណ្ណោះ ការធ្លាក់តម្លៃនៃប្រាក់ដុល្លារធ្វើឱ្យប្រេងឆៅមានតម្លៃថោកសម្រាប់អ្នកកាន់រូបិយប័ណ្ណផ្សេងទៀត ដែលអាចជំរុញតម្រូវការប្រេងឡើងខ្ពស់ផងដែរ។
កាលពីថ្ងៃព្រហស្បតិ៍កន្លងទៅនេះ ទិន្នន័យបានបង្ហាញថា ទិន្នផលនៃរោងចក្រចម្រាញ់ប្រេងរបស់ប្រទេសចិនបានកើនឡើង ១៥,៤ ភាគរយនៅក្នុងខែឧសភាកន្លងទៅនេះ ដែលជាចំនួនសរុបខ្ពស់បំផុតទីពីរក្នុងកំណត់ត្រារបស់ខ្លួន។ នាយកប្រតិបត្តិក្រុមហ៊ុន Kuwait Petroleum Corp បាននិយាយថា តម្រូវការប្រេងរបស់ចិនអាចនឹងបន្តកើនឡើងក្នុងអំឡុងឆមាសទី២ នៃឆ្នាំនេះ ខណៈដែលរោងចក្រចម្រាញ់ប្រេងរបស់ចិនបានចាប់ផ្តើមឡើងថ្លៃប្រេងបណ្តើរហើយៗ។
ស្របពេលដែលទិន្នផលប្រេងនៅចិនកើនឡើង ស្ថានភាពម៉ាក្រូសេដ្ឋកិច្ចរបស់សហរដ្ឋអាមេរិកកំពុងធ្លាក់ចុះ ដោយសារតែការធ្លាក់តម្លៃប្រាក់ដុល្លារមកពីធនាគារកណ្តាលអាមេរិកបានផ្អាកការតំឡើងអត្រាការប្រាក់ ខណៈដែលអត្រាការប្រាក់នៅអឺរ៉ុបនៅតែខ្ពស់។ ធនាគារកណ្តាលអឺរ៉ុប (ECB) បានដំឡើងអត្រាការប្រាក់ដល់កម្រិតខ្ពស់រយៈពេល ២២ ឆ្នាំ ដោយខ្លួនបានបង្ហាញពីការរឹតបន្តឹងគោលនយោបាយហិរញ្ញវត្ថុបន្ថែមទៀត ដើម្បីទប់ទល់នឹងអតិផរណាខ្ពស់។
ម្យ៉ាងវិញទៀតនៅខាងផ្នែកផ្គត់ផ្គង់ប្រេង អ្នកវិភាគរំពឹងថា ការកាត់បន្ថយទិន្នផលប្រេងឆៅដោយស្ម័គ្រចិត្តដែលបានអនុវត្តនៅក្នុងខែឧសភាកន្លងទៅនេះដោយក្រុមប្រទេសនាំចេញប្រេង OPEC+ បានធ្វើឲ្យតម្លៃឡើងថ្លៃ និង តម្រូវការប្រេងឡើងខ្ពស់ខ្លាំង៕
Account
Security
Favourite Content