សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានជំរុញឱ្យមានការពង្រឹងសេវាអ៊ីនធឺណេតនៅតាមបណ្តាតំបន់ទេសចរណ៍សំខាន់ៗនៅទូទាំងប្រទេស ដើម្បីសម្រួលដល់អាជីវកម្មនានា ជាពិសេសទាក់ទាញដល់ទេសចរជាតិ និងអន្តរជាតិ ដែលគេអាចកម្សាន្តផង និងបំពេញការងារពីចម្ងាយផង។
សម្ដេចតេជោ ហ៊ុន សែន នៅក្នុងពិធីបិទសន្និបាតបូកសរុបការងារទេសចរណ៍ ការបូកសរុបផែនការស្ដារ និងលើកស្ទួយវិស័យទេសចរណ៍កម្ពុជាក្នុង និងក្រោយវិបត្តិជំងឺកូវីដ-១៩ ដំណាក់ទី១ (២០២០-២០២១) និងឆមាសទី១ ឆ្នាំ២០២២ និងលើកទិសដៅផែនការស្ដារឡើងវិញនូវវិស័យទេសចរណ៍ក្នុងដំណាក់ទី២ (ឆមាសទី២ ឆ្នាំ២០២២-២០២៣) នៅព្រឹកថ្ងៃទី១៤ ខែកក្កដា ឆ្នាំ២០២២ បានមានប្រសាសន៍ថា បញ្ហានៃការផ្គត់ផ្គង់សេវាអ៊ីនធឺណេតគឺជារឿងដែលសំខាន់បំផុត ដែលស្ថាប័នពាក់ព័ន្ធត្រូវតែយកចិត្តទុកដាក់។
សម្ដេចបានបន្តថា មិនថាទោះជានៅតំបន់ទីប្រជុំក្នុងទីក្រុង ឬតាមបណ្តាខេត្ត ឬតំបន់ជនបទនោះទេ ការផ្គត់ផ្គង់សេវាអ៊ីនធឺណេតចាំបាច់ត្រូវមាន ដើម្បីអាចជួយសម្រួលដល់ការប្រកបអាជីវកម្មនានា ការបំពេញការងារពីចម្ងាយ ជាពិសេសនៅតាមតំបន់ទេសចរណ៍នៅទូទាំងប្រទេសតែម្ដង ដែលវាក៏ជាចំណុចដែលអាចទាក់ទាញភ្ញៀវទេសចរផងដែរ។
សម្ដេចតេជោ ហ៊ុន សែន បានបញ្ជាក់ទៀតថា សម័យនេះជាសម័យសម័យឌីជីថល ជាសម័យទំនើបកម្ម ដែលមនុស្សអាចជជែក បើកកិច្ចប្រជុំពីចម្ងាយបានដោយមិនចាំបាច់ជួបមុខគ្នាផ្ទាល់នោះទេ ហើយគេក៏អាចចុះហត្ថលេខាពីចម្ងាយបានដែរ ដូច្នេះ ការផ្គត់ផ្គង់សេវាអ៊ីនធឺណេត គឺពិតជាសំខាន់ និងចាំបាច់បំផុត។
គួររំលឹកផងដែរថា ពាក់ព័ន្ធទៅនឹងការផ្គត់ផ្គង់សេវាអ៊ីនធឺណេត ក៏ដូចជាសេវាទូរស័ព្ទចល័តផងដែរ ធ្លាប់ត្រូវបានសាធារណៈជនទូទៅរិះគន់ជារឿយៗ ជាពិសេសតាមបណ្តុំលំនៅដ្ឋានក្នុងបុរីដែលមានបញ្ហារអាក់រអួល ពិបាកទាក់ទង រហូតមានការសំណូមពរដល់ក្រសួងប្រៃសនីយ៍ឱ្យជួយអន្តរាគមន៍ ហើយជាការឆ្លើយតប មន្ត្រីជាន់ខ្ពស់របស់ក្រសួងប្រៃសនីយ៍បានប្តេជ្ញាដោះស្រាយបញ្ហាគ្មានសេវាទូរស័ព្ទក្នុងបុរីនានាឱ្យបានឆាប់ ដោយនឹងចាប់ផ្ដើមចុះដាក់ឧបករណ៍ធ្វើតេស្តចាប់សេវា ហើយក្នុងករណីកន្លែងណាគ្មានសេវា នឹងបញ្ជាក្រុមហ៊ុនទូរស័ព្ទកែលម្អ និងដោះស្រាយជាបន្ទាន់៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content