សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពីរ៉យទ័របានរាយការណ៍ថា អារ៉ាប៊ីសាអូឌីត បាននាំចូលប្រេងម៉ាស៊ូត និងប្រេងសាំងពីរុស្ស៊ីចំនួន ១៧៤ ០០០ បារ៉ែលក្នុងមួយថ្ងៃកាលពីខែមេសាកន្លងទៅនេះ ហើយការនាំចូលកើនឡើងដល់ចំនួន ១៩១ ២០០ បារ៉ែលក្នុងមួយថ្ងៃក្នុងរយៈពេលពីរសប្តាហ៍ដំបូងនៃខែឧសភា ដែលជាកំណត់ត្រាខ្ពស់ចាប់តាំងពីឆ្នាំ២០១៧។
ស្របពេលនេះដែរ បណ្តាប្រទេសមជ្ឈិមបូព៌ាគឺជាអ្នកផ្គត់ផ្គង់លេខមួយរបស់សហភាពអឺរ៉ុបតាំងពីខែកុម្ភៈមកម្ល៉េះ ប៉ុន្តែអារ៉ាប៊ីសាអូឌីតត្រូវបានរាយការណ៍ថា ពួកគេនឹងមិនលក់ប្រេងម៉ាស៊ូត និងប្រេងសាំងដែលខ្លួនទិញបានពីរុស្ស៊ីទេ ព្រោះទង្វើបែបនេះនឹងត្រូវបានចាត់ទុកថាជាការរំលោភលើទណ្ឌកម្មដែលដាក់ដោយលោកខាងលិចមកលើទីក្រុងម៉ូស្គូ។ យោងទៅតាមទិន្នន័យ Kpler ក៏បង្ហាញផងដែរថា អារ៉ាប៊ីសាអូឌីតបានវ៉ាដាច់សហរដ្ឋអាមេរិក ហើយក្លាយជាប្រទេសនាំចេញប្រេងម៉ាស៊ូត និងប្រេងសាំងធំទីពីររបស់ពិភពលោកកាលពីខែមេសាកន្លងទៅនេះ ហើយជិត ៣៥ ភាគរយនៃការនាំចេញត្រូវបានដឹកជញ្ជូនទៅកាន់រដ្ឋជាសមាជិកសហភាពអឺរ៉ុប និងចក្រភពអង់គ្លេស។ ទន្ទឹមនឹងនេះ រុស្ស៊ីដែលរងទណ្ឌកម្មនៅតែជាអ្នកផ្គត់ផ្គង់ប្រេងលេខមួយដដែល។
ទោះជាយ៉ាងណាក្តី Bloomberg បានបង្ហាញថា អារ៉ាប៊ីសាអូឌីតបានក្លាយជាប្រទេសផ្គត់ផ្គង់ប្រេងឆៅដ៏ធំបំផុតរបស់អឺរ៉ុប ដោយលក់ប្រេងផ្ទាល់របស់ខ្លួនទៅសហភាពអឺរ៉ុប ខណៈពេលដែលពង្រឹងទុនបំរុងរបស់ខ្លួនដោយការនាំចូលប្រេងពីរុស្ស៊ី។ ការកើនឡើងចុងក្រោយនៃផលិតកម្មនៅរោងចក្រចម្រាញ់របស់អារ៉ាប៊ីសាអូឌីត ក៏ជាការកើនឡើងនៃការនាំចូលទៅកាន់សហភាពអឺរ៉ុបផងដែរ ដោយសារប្រេងឥន្ធនៈត្រូវបាននាំចេញពីផ្នែកផ្សេងៗនៃអារ៉ាប៊ីសាអូឌីត តាមលក្ខណៈបច្ចេកទេសផ្សេងៗគ្នា ហើយជារឿយៗគឺជាការផ្គត់ផ្គង់រយៈពេលវែង។
បើទោះបីជា អារ៉ាប៊ីសាអូឌីតនាំចូលប្រេងពីរុស្ស៊ីក៏ពិតមែន ប៉ុន្តែភាពតានតឹងរវាងភាគីទាំងពីរកំពុងតែកើនឡើង ដោយសារទីក្រុងម៉ូស្គូមិនព្រមកាត់បន្ថយការផលិតប្រេងបន្ថែមទៀតដើម្បីអោយតម្លៃលោតដល់ ៨០ ដុល្លារក្នុងមួយបារ៉ែល ខណៈអារ៉ាប៊ីសាអូឌីតកំពុងចង់ឱ្យដល់គោលដៅនោះ ដោយសុំឱ្យរុស្ស៊ីគោរពដល់ការកាត់បន្ថយទិន្នផលដែលព្រមព្រៀងគ្នានោះ។ ស្របពេលនេះដែរ ភាពតានតឹងរវាងអ្នកផលិតប្រេងធំជាងគេទាំងពីររបស់ពិភពលោកនេះបានកើតឡើងមុនពេលមានកិច្ចប្រជុំសមាជិកនៃអង្គការ OPEC+ ដែលគ្រោងនឹងជួបប្រជុំនៅទីក្រុង Vienna នៅថ្ងៃទី ៤ ខែមិថុនាខាងមុខនេះ៕
Account
Security
Favourite Content