សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ធនាគារជាតិនៃកម្ពុជា (NBC) ប្រកាសដាក់ដេញថ្លៃ និងបោះផ្សាយមូលបត្ររដ្ឋលើកទី១ ដែលមានតម្លៃ ១០០ពាន់លានរៀល ស្មើនឹងប្រមាណ ២៥លានដុល្លារអាមេរិក ដោយក្នុងតម្លៃចារឹកក្នុងមួយឯកតាតម្លៃ ១លានរៀល ជាមួយអត្រាគូប៉ុង ២ភាគរយ ខណៈរយៈពេលទូទាត់គូប៉ុងនឹងត្រូវធ្វើឡើងរៀងរាល់ ៦ខែម្តង។ នេះបើយោងតាមសេចក្តីជូនសេចក្តីជូនដំណឹងរបស់ធនាគារជាតិនៃកម្ពុជា។
យោងសេចក្តីប្រកាសព័ត៌មានរបស់ ក្រសួងសេដ្ឋកិច្ចនិងហិរញ្ញវត្ថុ ស្តីពីផែនការបោះផ្សាយលក់មូលបត្ររដ្ឋ ឆ្នាំ២០២២ ចុះថ្ងៃទី១៦ ខែសីហា ឆ្នាំ២០២២ ធនាគារជាតិនៃកម្ពុជា សូមជម្រាបជូនដំណឹងដល់គ្រឹះស្ថានធនាគារ និង ហិរញ្ញវត្ថុ ជ្រាបថា ការដេញថ្លៃមូលបត្ររដ្ឋលើកទី១ នឹងប្រព្រឹត្តទៅនៅថ្ងៃពុធ ថ្ងៃទី០៧ ខែកញ្ញា ឆ្នាំ២០២២ តាមរយៈប្រព័ន្ធ NBCP ចាប់ពីម៉ោង ៨:00 ព្រឹក ដល់ម៉ោង ២:00 រសៀល។
យោងតាមមន្ត្រីជាន់ខ្ពស់ពីនិយ័តករមូលបត្រកម្ពុជា បានបញ្ជាក់ថា ការលក់មូលបត្ររដ្ឋក្នុងដំណាក់កាលដំបូងនេះ អនុញ្ញាតឱ្យតែវិនិយោគិនលក្ខណៈស្ថាប័នទេ ដែលអាចចូលរួមដេញថ្លៃទិញបាន។ ប៉ុន្តែសាធារណជន មិនអាចទិញមូលបត្រនេះបាននោះទេ។ ទោះបីជាយ៉ាងក៏ដោយ សារធារណជន នឹងអាចទិញមូលបត្ររដ្ឋនេះ បាននៅក្នុងដំណាក់កាលទី២ ដែលធ្វើឡើងតាមយន្តការក្រុមហ៊ុនផ្សារមូលបត្រកម្ពុជា។
ទាក់ទងនឹងការលើកទឹកចិត្តវិញ វិនិយោគិនមូលបត្ររដ្ឋនឹងទទួលបានការលើកទឹកចិត្ត ដូចខាងដូចជា ៖ ១. ការលើកទឹកចិត្តពន្ធដារ ៖ កាត់បន្ថយពន្ធកាត់ទុក ៥០ (ហាសិប) ភាគរយលើការប្រាក់បានពីការកាន់កាប់ និង/ ឬ ការទិញ-លក់មូលបត្ររដ្ឋ និងលើកលែងពន្ធលើចំណេញមូលធនចំពោះការទិញ និងជួញដូរមូលបត្ររដ្ឋសម្រាប់រយៈពេល ៣ ឆ្នាំ។
ការលើកទឹកចិត្តក្នុងវិស័យធនាគារ ៖ ១) ទទួលស្គាល់ការថ្លឹងហានិភ័យ ០ (សូន្យ) ភាគរយ ចំពោះមូលបត្ររដ្ឋ ដែលចារឹកជារូបិយវត្ថុជាតិ ឬជារូបិយប័ណ្ណ ក្នុងការគណនាអនុបាតសោធនភាព និង ២) ទទួលស្គាល់ជាទ្រព្យសកម្មសន្ទនីយដែលមានគុណភាពខ្ពស់ចំពោះមូលបត្ររដ្ឋដែលចារឹកជារូបិយវត្ថុជាតិ ឬជារូបិយប័ណ្ណ ក្នុងការគណនាអនុបាតក្របខ័ណ្ឌ សន្ទនីយភាព។
សូមបញ្ជាក់ផងដែរថា គម្រោងផ្សាយលក់មូលបត្ររដ្ឋជាលើកដំបូងនេះគឺដើម្បីធ្វើហិរញ្ញប្បទានគាំទ្រគម្រោងវិនិយោគសំដៅលើកស្ទួយកំណើន និងផលិតភាពសេដ្ឋកិច្ច ដែលរួមមាន ការអនុវត្តយុទ្ធសាស្ត្រស្តារ និងជំរុញកំណើន សេដ្ឋកិច្ចកម្ពុជា ក្នុងការរស់នៅជាមួយក្ខវីដ-១៩ តាមគន្លងប្រក្រតីភាពថ្មី ដែលត្រូវបានកំណត់រួចហើយ ចំនួន ២៥០លានដុល្លារអាម៉េរិក និងគម្រោង ដែលនឹងកំណត់តាមក្រោយទៀតចំនួន ២៥លានដុល្លារអាមេរិក ព្រមទាំងគម្រោង ប្រព័ន្ធបច្ចេកវិទ្យា និងហេដ្ឋារចនាសម្ព័ន្ធឌីជីថលចំនួន ២៥លានដុល្លារអាម៉េរិក។ ការបោះផ្សាយលក់មូលបត្ររដ្ឋនេះ នឹងចូលរួមអភិវឌ្ឍវិស័យហិរញ្ញវត្ថុ និងរក្សាស្ថេរភាពម៉ាក្រូសេដ្ឋកិច្ច តាមរយៈតួនាទីរបស់មូលបត្ររដ្ឋ ជាឧបករណ៍អនុវត្តគោលនយោបាយរូបិយវត្ថុ និងជាមូលដ្ឋានប្រៀបធៀប និងកំណត់ថ្លៃឧបករណ៍ហិរញ្ញវត្ថុក្នុងទីផ្សារ ព្រមទាំងជំរុញការធ្វើពីពិធកម្ម ប្រភពហិរញ្ញប្បទានក្នុងស្រុក៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
តម្រូវការ និងតម្លៃដីធ្លីនៅក្រុងច្បារមន នឹងមានកំណើនខ្ពស់ ក្រោយរដ្ឋាភិបាលបង្ហើបគម្រោងប្រែក្លាយក្រុងមួយនេះជាមជ្ឈមណ្ឌលពាណិជ្ជកម្មទំនើប
Top News, ព្រឹត្តិការណ៍, អចលនទ្រព្យ
• 15/06/2026
តម្រូវការ និងតម្លៃដីធ្លីក្នុងខេត្តកំពង់ស្ពឺ ជាពិសេសនៅក្រុងច្បារមន រំពឹងថានឹងមានកំណើនខ្ពស់ ក្រោយរដ្ឋាភិបាលបង្ហើបគម្រោងកែលម្អក្រុងច្បារមន
រុស្ស៊ី ពង្រីកហេដ្ឋារចនាសម្ព័ន្ធយោធាយ៉ាងគំហុកនៅព្រំដែនភាគខាងជើងណាតូ និងអាចពង្រាយទ័ពរាប់ម៉ឺននាក់
ព្រឹត្តិការណ៍, អាជីវកម្មថ្មី និងនវានុវត្ត
• 15/06/2026
រុស្ស៊ី កំពុងពង្រីកហេដ្ឋារចនាសម្ព័ន្ធយោធារបស់ខ្លួនយ៉ាងខ្លាំងក្លានៅជិតព្រំដែនអឺរ៉ុបភាគខាងជើង ដើម្បីត្រៀមលក្ខណៈដាក់ពង្រាយកងទ័ពបន្ថែមរហូតដល់រាប់ម៉ឺននាក់
ក្រុមហ៊ុន ជីប ម៉ុង បរិច្ចាគថវិកា ១លានដុល្លារ ជូនមូលនិធិគន្ធបុប្ផាក្នុងយុទ្ធនាការ «១ម៉ឺនរៀល ១ម៉ឺននាក់»
ព្រឹត្តិការណ៍, អត្ថបទពាណិជ្ជកម្ម
• 15/06/2026
ក្រុមហ៊ុន ជីប ម៉ុង បានប្រគល់ថវិកាបរិច្ចាគសរុបចំនួន ១,០០០,០០០ ដុល្លារអាម៉េរិក ជូនដល់មូលនិធិគន្ធបុប្ផាកម្ពុជា ដើម្បីគាំទ្រដល់យុទ្ធនាការ «១ម៉ឺនរៀល ១ម៉ឺននាក់»
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content