សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រះសីហនុ ៖ កំពង់ផែស្វយ័តក្រុងព្រះសីហនុ ជាកំពង់ផែទឹកជ្រៅតែមួយគត់របស់កម្ពុជា ដែលអាចតភ្ជាប់ការដឹកជញ្ជូនផ្លូវទឹកពីកម្ពុជាទៅកាន់បណ្ដាប្រទេសជាច្រើនទៀតលើពិភពលោក ។ ដោយឡែក ក្នុងរយៈពេល៦ខែដើមឆ្នាំ២០២៥នេះ កំពង់ផែស្វយ័តក្រុងព្រះសីហនុ ទទួលបានទំនិញឆ្លងកាត់ប្រមាណ ៥,៦លានតោន ដោយក្នុងនោះទំនិញនាំចូលមានបរិមាណ ៤,២លានតោន និងទំនិញនាំចេញមានចំនួន ១,៣លានតោន ។ នេះបើតាមលោក ឡុង ឌីម៉ង់ អភិបាលរងខេត្តព្រះសីហនុ ក្នុងកិច្ចសម្ភាសន៍កាលពីពេលថ្មីៗនេះ ។
នៅក្នុងកិច្ចសម្ភាសន៍ជាមួយទូរទស្សន៍ក្រសួងមហាផ្ទៃ លោក ឡុង ឌីម៉ង់បានមានប្រសាសន៍ឱ្យដឹងថា ក្នុងរយៈពេល៦ខែ ដើមឆ្នាំ២០២៥កន្លងទៅនេះដែរ កំពង់ផែស្វយ័តក្រុងព្រះសីហនុ ទទួលបានកុងតឺន័រឆ្លងកាត់ប្រមាណ ៥៨ម៉ឺនTEUs ដែលស្មើនឹងប្រមាណជាង៣៧ម៉ឺនទូរកុងតឺន័រ ហើយក្នុងនោះដែរ នាំចូលមានជាង៣០ម៉ឺនTEUs និងនាំចេញប្រមាណ២៨ម៉ឺនTEUs ។ ដោយឡែកនាវាចូលចតសរុបក្នុងរយៈពេល៦ខែដើមឆ្នាំ២០២៥នេះ មានប្រមាណ ៨៨៩គ្រឿង និងទទួលបានចំណូលពីអាជីវកម្មសរុបប្រមាណជាង ៧០លានដុល្លារអាម៉េរិក ។
លោកបន្ថែមថា បច្ចុប្បន្នកំពង់ផែស្វយ័តក្រុងព្រះសីហនុ មានជម្រៅទឹកប្រមាណ ៩,៥ម៉ែត្រ ដែលអាចអនុញ្ញាតឱ្យនាវាដែលមានចំណុះផ្ទុកទម្ងន់៣ម៉ឺនទៅ ៤ម៉ឺនតោនចូលចតបាន ឬប្រមាណ១៨ភាគរយនៃវានាដែលឆ្លងកាត់តំបន់អាស៊ីប៉ាស៊ីហ្វិក ដែលមានកម្រិតតិចតួចនៅឡើយ ។ ដូច្នេះ ដើម្បីឱ្យវានាលើពិភពលោកកាន់តែច្រើនអាចចូលចតបាន រាជរដ្ឋាភិបាលកម្ពុជាបានអភិវឌ្ឍន៍កំពង់ផែទឹកជ្រៅក្រុងព្រះសីហនុ ពីជម្រៅទឹក៩,៥ម៉ែត្រ ទៅ ជម្រៅទឹក ១៤,៥ម៉ែត្រ ដែលនឹងអនុញ្ញាតឱ្យនាវាប្រមាណ៨០ទៅ៩០ភាគរយនៃនាវាឆ្លងកាត់តំបន់អាស៊ីប៉ាស៊ីហ្វិកចូលចតបាន ។ នៅឆ្នាំ២០៣០ កំពុងផែស្វយ័តក្រុងព្រះសីហនុ នឹងអភិវឌ្ឍន៍ពីជម្រៅទឹក១៤,៥ម៉ែត្រទៅ១៧,៥ម៉ែត្រ ដែលនៅពេលនោះ នឹងអាចឱ្យកំពង់ផែរបស់កម្ពុជា អាចប្រកួតប្រជែងជាមួយកំពង់ផែរបស់ប្រទេសជិតខាងបាន ហើយនឹងធ្វើតម្លៃដឹកជញ្ជូនតាមផ្លូវរបស់កម្ពុជានឹងមានតម្លៃទាបជាងមុនផងដែរ ។
គួរបញ្ជាក់ថា ទន្ទឹមនឹងការអភិវឌ្ឍកំពង់ផែស្វយ័តក្រុងព្រះសីហនុនេះដែរ រាជរដ្ឋាភិបាលកម្ពុជា ក៏បានវិនិយោគសាងសង់ប្រព័ន្ធដឹកជញ្ជូនតាមផ្លូវទឹក គឺព្រែកជីកហ្វូណនតេជោដែលអាចតភ្ជាប់ការដឹកជញ្ជូនពីផ្លូវទឹកសាប ទៅផ្លូវទឹកសមុទ្រ ដែលជាគម្រោងផ្លូវដឹកជញ្ជូនប្រវត្តិសាស្ត្ររបស់កម្ពុជា ។
តាមរយៈការអភិវឌ្ឍផ្លូវទឹកទាំងនេះ នឹងធ្វើឱ្យកម្ពុជាកាន់តែសក្ដានុពលក្នុងការទាក់ទាញការវិនិយោគពីខាងក្រៅបន្ថែមទៀត ដើម្បីផលិតនិងនាំចេញទំនិញទៅកាន់ទីផ្សារអន្តរជាតិ ជាពិសេសស្របនឹងរាជរដ្ឋាភិបាលកម្ពុជាបានកំណត់យកខេត្តព្រះសីហនុជាប៉ូលសេដ្ឋកិច្ច ហើយមានផែនការក្នុងការទាក់ទាញទុនវិនិយោគឱ្យបាន២០ពាន់លានដុល្លារអាមេរិកក្នុងរយៈពេល១៥ឆ្នាំខាងមុខ៕
Account
Security
Favourite Content