សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ថ្មីៗនេះ សារព័ត៌មានបរទេសជាច្រើនបានចេញផ្សាយថា ក្រុមហ៊ុនអ្នកជំនាញផលិតបន្ទះឈីបដ៏ល្បីរបស់ពិភពលោក គឺ Nvidia និង AMD បានសម្រេចចិត្តយល់ព្រមហើយក្នុងការចែកប្រាក់ចំណូលរបស់ខ្លួនប្រមាណជា១៥ភាគរយពីប្រតិបត្តិការលក់ទៅកាន់ទីផ្សារដ៏ធំមួយរបស់ខ្លួននៃប្រទេសចិនទៅឲ្យរដ្ឋាភិបាលអាម៉េរិក។
ការចេញផ្សាយលើកដំបូងដោយកាសែត The Financial Times និងបន្ទាប់មកត្រូវបានចេញផ្សាយផងដែរដោយកាសែត Reuters បានសរសេរថា ចំណែកដល់ទៅ១៥ភាគរយគឺត្រូវប្រគល់ឲ្យរដ្ឋាភិបាលអាម៉េរិកចេញពីប្រតិបត្តិការលក់របស់ Nvidia និង AMD ទៅកាន់ទីផ្សារបស់ប្រទេសចិន ជាពិសេសចំពោះផលិតផលបន្ទះឈីបទំនើបៗ ដូចជា ប្រភេទ H20 ជាដើម ដែលវាជាធាតុដើមនៃគ្រឿងបង្គុំដ៏ចាំបាច់ក្នុងផលិតកម្មផលិតបច្ចេកវិទ្យាឆ្លាតវ៉ៃ AI គ្រប់ប្រភេទ។
គួរកត់សម្គាល់ថា ចាប់តាំងតែពីខែមេសារហូតមក បន្ទះឈីប H20 ត្រូវបានប្រធានាធិបតីអាម៉េរិក លោក Donald Trump ប្រកាសមិនអនុញ្ញាតឲ្យមានការនាំចេញទៅកាន់ទីផ្សារចិនឡើយ។ យ៉ាងណាក្តីកាលពីខែកក្កដា កន្លងមកនេះ ក្រុមហ៊ុន Nvidia បានអះអាងថា រដ្ឋាភិបាលក្រុងវ៉ាស៊ិនតោនបានសម្រេចចិត្តឡើងវិញក្នុងការបើកទ្វារឲ្យ Nvidia អាចដំណើរការលក់ ក៏ដូចជាចាប់ផ្តើមដឹកជញ្ជូនឡើងវិញរួចហើយដែរ។
កាន់តែអាចបញ្ជាក់ច្បាស់អំពីព័ត៌មាននេះ កាលពីថ្ងៃសុក្រចុងសប្ដាហ៍កន្លងទៅនេះ មន្ត្រីរបស់រដ្ឋាភិបាលអាម៉េរិកបាននិយាយថា នាយកដ្ឋានពាណិជ្ជកម្មបានផ្តល់អាជ្ញាបណ្ណរួចរាល់ហើយទៅឲ្យ Nvidia ដើម្បីអាចនាំចេញបន្ទះឈីប H20 ទៅកាន់ប្រទេសចិនឡើងវិញ។
ដោយឡែក នៅពេលដែលត្រូវបានសាកសួរដោយក្រុមអ្នកកាសែតថា តើ Nvidia ពិតជាបានយល់ព្រមក្នុងការចែករំលែកប្រាក់ចំណូល១៥ភាគរយនៃប្រតិបត្តិការលក់នៅលើទីផ្សារប្រទេសចិនទៅឱ្យរដ្ឋាភិបាលអាម៉េរិក ឬយ៉ាងណានោះ អ្នកនាំពាក្យរបស់ក្រុមហ៊ុនបានថ្លែងបែបនេះថា៖
«ពួកយើងនឹងគោរព និងអនុលោមតាមគោលការណ៍របស់រដ្ឋាភិបាលអាម៉េរិកក្នុងរបៀបដែលយើងនឹងត្រូវធ្វើការចែកចាយផលិតផលទៅកាន់ទីផ្សារអន្តរជាតិ។ យើងមិនបាននាំចេញ H20 ទៅកាន់ទីផ្សារចិនអស់រយៈពេលជាច្រើនខែមកហើយ ដូច្នេះ Nvidia សង្ឃឹមថាគោលការណ៍នាំចេញថ្មីនេះនឹងអាចអនុញ្ញាតឲ្យអាម៉េរិកអាចមានសមត្ថភាពប្រកួតប្រជែងទាំងជាមួយនឹងចិន និងពិភពលោក»។
គួរឲ្យដឹងដែរថា ចិន គឺជាទីផ្សារបញ្ជាទិញធំជាងគេបំផុតសម្រាប់ក្រុមហ៊ុនបច្ចេកវិទ្យាអាម៉េរិកទាំងពីរខាងលើនេះ ដោយក្នុងនោះ Nvidia រកចំណូលបាន ១៧ពាន់លានដុល្លារពីទីផ្សារចិនកាលពីឆ្នាំកន្លងទៅ ឬប្រមាណជា១៣ភាគរយនៃប្រតិបត្តិការលក់ទាំងអស់របស់ខ្លួន ៕
Account
Security
Favourite Content