សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី CNA បានរាយការណ៍ថា កូរ៉េខាងត្បូង និងវៀតណាម បានរួមគ្នាប្តេជ្ញាក្នុងការបង្កើនសហប្រតិបត្តិការសេដ្ឋកិច្ច និងយុទ្ធសាស្ត្រឲ្យកាន់តែស៊ីជម្រៅបន្ទាប់ពីមេដឹកនាំប្រទេសទាំងពីរបានជួបពិភាក្សាគ្នាកាលពីថ្ងៃចន្ទ ដើមសប្ដាហ៍នេះ។
លោក To Lam គឺជាអគ្គលេខាបក្សកុម្មុយនិស្តវៀតណាម បានដឹកនាំគណៈប្រតិភូក្រសួងឧស្សាហកម្ម ពាណិជ្ជកម្ម ការបរទេស និងបច្ចេកវិទ្យា ព្រមទាំងសមាជិកជាន់ខ្ពស់បក្ស និងសមាជិកសភានានា ធ្វើដំណើរទស្សនកិច្ចផ្លូវរដ្ឋទៅកាន់កូរ៉េខាងត្បូងក្នុងរយៈពេលបួនថ្ងៃ។
ប្រធានាធិបតីកូរ៉េខាងត្បូង លោក Lee Jae Myung ទទួលស្វាគមន៍មេដឹកនាំវៀតណាម To Lam ជាភ្ញៀវរដ្ឋដំបូងរបស់លោកចាប់តាំងពីចូលកាន់តំណែងនៅថ្ងៃទី ៤ ខែមិថុនាកន្លងទៅនេះ។ ការិយាល័យរបស់លោក Lee បង្ហើបថា មេដឹកនាំទាំងពីរបានពិភាក្សាអំពីការលើកកម្ពស់ពាណិជ្ជកម្ម និងការវិនិយោគនៅក្នុងប្រទេសវៀតណាម។ ភាគីទាំងពីរគ្រោងនឹងចុះហត្ថលេខាលើអនុស្សរណៈនៃការយោគយល់យ៉ាងហោចណាស់ចំនួន ១០ លើកិច្ចសហប្រតិបត្តិការលើវិស័យនុយក្លេអ៊ែរ និងថាមពលកកើតឡើងវិញ, គោលនយោបាយរូបិយវត្ថុ និងហិរញ្ញវត្ថុ, និងវិទ្យាសាស្ត្រ និងបច្ចេកវិទ្យាជាដើម។
ទន្ទឹមនឹងនេះ ដំណើរទស្សនកិច្ចដ៏កម្ររបស់មេដឹកនាំវៀតណាមនេះ ត្រូវបានគេរំពឹងថានឹងផ្តល់លក្ខខណ្ឌអំណោយផលសម្រាប់ធុរកិច្ចកូរ៉េខាងត្បូងក្នុងការវិនិយោគលើហេដ្ឋារចនាសម្ព័ន្ធសំខាន់ៗ និងគម្រោងថាមពលនុយក្លេអ៊ែរដែលបានគ្រោងទុកនៅក្នុងប្រទេសវៀតណាម។ ក្រុមហ៊ុនកូរ៉េខាងត្បូងធំៗមួយចំនួនរួមទាំងក្រុមហ៊ុន Samsung Electronics បានចាត់ទុកវៀតណាមជាមជ្ឈមណ្ឌលនាំចេញមួយ ដោយពួកគេទទួលបានអត្ថប្រយោជន៍ជាច្រើនឆ្នាំពីតម្លៃពលកម្មទាប, ការលើកទឹកចិត្តផ្នែកពន្ធ, និងកិច្ចព្រមព្រៀងពាណិជ្ជកម្មសេរីជាច្រើនរបស់ទីក្រុងហាណូយជាមួយប្រទេសជាច្រើនផ្សេងទៀត។ នាពេលកន្លងមក ក្រុមហ៊ុនកូរ៉េខាងត្បូងមួយចំនួនបានវិនិយោគក្នុងគម្រោងថាមពលនុយក្លេអ៊ែររបស់វៀតណាម, រោងចក្រឧស្ម័នធម្មជាតិរាវ (LNG), និងគម្រោងរថភ្លើងល្បឿនលឿន។
យ៉ាងណាមិញ គោលនយោបាយពាណិជ្ជកម្មរបស់ប្រធានាធិបតីអាម៉េរិក Donald Trump ដែលបានដាក់ពន្ធថ្មីលើបណ្តាប្រទេសអាស៊ីក្នុងប៉ុន្មានសប្តាហ៍ថ្មីៗនេះ កំពុងបង្កើនភាពមិនច្បាស់លាស់ចំពោះគម្រោងអាជីវកម្មនាពេលអនាគត ខណៈដែលទិន្នន័យផ្លូវការរបស់វៀតណាមបង្ហាញពីការធ្លាក់ចុះនៃការវិនិយោគ។ ថ្មីៗនេះ Trump បានដាក់អត្រាពន្ធ ១៥% សម្រាប់ទំនិញនាំចូលពីកូរ៉េខាងត្បូង និង ២០% សម្រាប់ការនាំចូលពីប្រទេសវៀតណាម៕
Account
Security
Favourite Content