សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រុមហ៊ុនរបស់ប្រទេសកូរ៉េខាងត្បូងបានចុះកិច្ចព្រមព្រៀងជាមួយក្រុមហ៊ុន Rosatom ដែលជាកម្មសិទ្ធិរបស់ប្រទេសរុស្ស៊ី ដើម្បីសាងសង់អគារ និងបំពាក់សម្ភារៈបច្ចេកទេសសម្រាប់រោងចក្រនុយក្លេអ៊ែរដំបូងរបស់ប្រទេសអេហ្ស៊ីបដែលមានតម្លៃ ២,២៥ពាន់លានដុល្លារ (៣ពាន់ពាន់លានវ៉ុន)។ នេះបើផ្អែកតាមការចេញផ្សាយរបស់សារព័ត៌មាន Middle East Monitor។
ក្រសួងថាមពលរបស់ប្រទេសកូរ៉េខាងត្បូងបានចេញសេចក្តីថ្លែងការណ៍កាលពីសប្តាហ៍មុននេះដោយអះអាងថា ក្រុមហ៊ុនរដ្ឋរបស់ប្រទេសកូរ៉េ គឺKorea Hydro & Nuclear Power Co បានឈ្នះកិច្ចសន្យាហើយត្រូវបានជ្រើសរើសជាអ្នកដេញថ្លៃតែមួយគត់សម្រាប់ផ្នែកនៃគម្រោងនៅ El-Daaba របស់ប្រទេសអេហ្ស៊ីបក្នុងខែធ្នូឆ្នាំ២០២១ ខណៈដែលក្រុមហ៊ុនរបស់ប្រទេសរុស្ស៊ី Rosatom ជាអ្នកសាងសង់រ៉េអាក់ទ័រសម្រាប់រោងចក្រនោះ ដែលគ្រោងដាក់ឱ្យដំណើរការនៅឆ្នាំ២០២៨។
ប្រធានាធិបតីកូរ៉េខាងត្បូងលោក Yoon Suk Yeol បានស្វាគមន៍កិច្ចព្រមព្រៀងនេះនៅលើទំព័រ Facebook របស់គាត់ដោយពណ៌នាថា វាជារូបភាពនៃ «បច្ចេកវិទ្យាថាមពលនុយក្លេអ៊ែរដ៏ល្អឥតខ្ចោះ» របស់ប្រទេស។
លោក Boris Arseev នាយកក្រុមហ៊ុន Rosatom សម្រាប់អាជីវកម្មអន្តរជាតិរបស់ប្រទេសរុស្ស៊ី បាននិយាយនៅក្នុងពិធីចុះហត្ថលេខានេះថា៖
“ថាមពលនុយក្លេអ៊ែរមិនត្រឹមតែដើរតួនាទីយ៉ាងសំខាន់ក្នុងការបំពេញតម្រូវការកើនឡើងនៃថាមពលអគ្គិសនី និងការសម្រេចបាននូវអព្យាក្រឹតភាពកាបូនប៉ុណ្ណោះទេ ប៉ុន្តែវាក៏នាំឱ្យប្រទេសរួមគ្នាផងដែរ។ យើងនៅ Rosatom ជឿជាក់យ៉ាងមុតមាំថាកិច្ចសហប្រតិបត្តិការនុយក្លេអ៊ែរមិនត្រូវបញ្ឈប់ក្នុងគ្រាដ៏ចលាចលទាំងនេះទេ។ ផ្ទុយទៅវិញ វាមានសារៈសំខាន់បំផុតក្នុងការអភិវឌ្ឍន៍ និងពង្រីកវាឱ្យកាន់តែមានអត្ថប្រយោជន៍ដល់ប្រទេសរបស់យើង”
Nikkei Asia បានរាយការណ៍ថា គម្រោងនេះនឹងជាលើកដំបូងក្នុងរយៈពេល ១៣ឆ្នាំដែលក្រុមហ៊ុនកូរ៉េខាងត្បូងមួយត្រូវបានតែងតាំងឱ្យសាងសង់រោងចក្រនុយក្លេអ៊ែរនៅក្រៅប្រទេស។ ចុងក្រោយគឺកិច្ចសន្យាសាងសង់រោងចក្រថាមពលនុយក្លេអ៊ែរ Barakah របស់ UAE ចំនួន ៤ដែលបានចាប់ផ្តើមប្រតិបត្តិការពាណិជ្ជកម្មនៅឆ្នាំ ២០២១។
របាយការណ៍មួយរបស់ Bloomberg បានកត់សម្គាល់ថា ប្រទេសរុស្ស៊ីមានប្រវត្តិយូរលង់ក្នុងការអនុវត្តគម្រោងថាមពលទ្រង់ទ្រាយធំនៅក្នុងប្រទេសអាហ្វ្រិកខាងជើង ដែលជារឿយៗជាផ្នែកនៃយុទ្ធសាស្ត្រភូមិសាស្ត្រនយោបាយដ៏ទូលំទូលាយដើម្បីប្រឆាំងនឹងឥទ្ធិពលរបស់សហរដ្ឋអាមេរិក។ អតីតសហភាពសូវៀតបានជួយសាងសង់ទំនប់ Aswan High Dam របស់អេហ្ស៊ីបក្នុងទសវត្សរ៍ឆ្នាំ១៩៦០៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ក្រុមហ៊ុន ប៉េង ហួត គ្រុប ប្រារព្ធខួប ២០ឆ្នាំ និងបង្ហាញពីវិសាលភាពនៃការរីកចម្រើនលើផ្ទៃដីអភិវឌ្ឍន៍ជិត ១,០០០ ហិកតា ជុំវិញរាជធានីភ្នំពេញ
ព្រឹត្តិការណ៍, អត្ថបទពាណិជ្ជកម្ម
• 13/04/2026
ក្រុមហ៊ុន ប៉េង ហួត គ្រុប ដែលជាសសរស្តម្ភដ៏រឹងមាំក្នុងវិស័យអភិវឌ្ឍន៍អចលនទ្រព្យនៅកម្ពុជា បានរៀបចំពិធីជប់លៀងប្រចាំឆ្នាំយ៉ាងមហោឡារិក ដើម្បីអបអរសាទរដំណើរកសាងសមិទ្ធផលអស់រយៈពេល ២ទសវត្សរ៍
“សង្រ្កាន្តអម្រឹត ឆ្នាំ២០២៦” ផ្សារភ្ជាប់នឹងការគោរពដឹងគុណវីរៈកងទ័ពជួរមុខ
ព្រឹត្តិការណ៍, អត្ថបទពាណិជ្ជកម្ម
• 12/04/2026
នាព្រឹកថ្ងៃទី១១ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ អម្រឹត បានរៀបចំ “កម្មវិធីសង្រ្កាន្តអម្រឹត” នៅស្នាក់ការកណ្តាលរបស់គ្រឹះស្ថាន ដោយមានការចូលរួមពីគណៈគ្រប់គ្រង បុគ្គលិក និងក្រុមគ្រួសារបុគ្គលិក សរុបប្រមាណជាង ៥០០ នាក់
រកឃើញយន្តហោះចម្បាំងជប៉ុន សម័យសង្គ្រាមលោកលើកទី ២ ក្រោយបាត់ខ្លួនអស់ ៨១ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 10/04/2026
យន្តហោះចម្បាំងមួយគ្រឿង ដែលធ្លាប់ត្រូវបានប្រើប្រាស់អំឡុងសម័យសង្គ្រាមលោកលើកទី ២ ដោយកងទ័ពជើងទឹកអធិរាជជប៉ុន ឬ Imperial Navy ត្រូវបានគេរកឃើញ បន្ទាប់ពីវាបានដេកលង់លក់នៅក្រោមបាតសមុទ្រអស់រយៈពេល ៨១ ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content