សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រោយការវាយប្រហារដោយគ្រាប់បែកខ្នាតយក្សទៅលើទីតាំងនុយក្លេអ៊ែរចំនួន៣កន្លែងរបស់ប្រទេសអ៊ីរ៉ង់កាលពីចុងសប្តាហ៍កន្លងមកដោយសហរដ្ឋអាម៉េរិកនោះ បច្ចុប្បន្នការព្រួយបារម្ភកាន់តែខ្លាំងថា រដ្ឋាភិបាលក្រុងតេហរ៉ង់អាចនឹងមានការសងសឹកដោយការបិទច្រកសមុទ្រ Hormuz និងបង្កទៅជាបញ្ហាយ៉ាងច្រើនទៅដល់សេដ្ឋកិច្ចពិភពលោក ជាពិសេសចំពោះទីផ្សារប្រេងសកលទាំងមូលតែម្ដង។ យ៉ាងណាក៏ដោយ គេនៅមិនទាន់ដឹងទេថា ទំហំនៃផលប៉ះពាល់ទៅលើទីផ្សារសកលប៉ុនណានោះទេ ប៉ុន្តែបើគេក្រឡេកទៅមើលពីភាពសំខាន់នៃច្រកសមុទ្រ Hormuz ដែល អ៊ីរ៉ង់ អាចបិទ ឬបើកពេលណាក៏បាននោះ គឺមានភាពមមាញឹក និងសកម្មបំផុតទៅលើការដឹកជញ្ជូនប្រេងចេញពីបណ្តាប្រទេសដែលជាអ្នកផ្គត់ផ្គង់ដ៏ធំបំផុតរបស់ពិភពលោក ដែលស្ថិតតាមឈូងសមុទ្រពែរ (Persian Gulf)។
វាជាផ្លូវសមុទ្រតែមួយគត់ដែលអាចអនុញ្ញាតឲ្យនាវាដឹកប្រេងធ្វើដំណើរចេញពីក្រុមប្រទេសសំបូរប្រេងបំផុតរបស់ពិភពលោក ដូចជា អ៊ីរ៉ាក់ អារ៉ាប់រួម កាតា និងអារ៉ាប៊ីសាអូឌីត ទៅកាន់ទីផ្សារពិភពលោក ខណៈដែលអ៊ីរ៉ង់គឺជាអ្នកគ្រប់គ្រងទាំងស្រុងលើតំបន់ភាគខាងជើងនៃច្រកមួយនេះ។
ជារៀងរាល់ថ្ងៃ ប្រេងឆៅដល់ទៅ ២០លានបារ៉ែល ត្រូវចាំបាច់ដឹកជញ្ជូនចេញពីច្រកមួយនេះដើម្បីផ្គត់ផ្គង់ពិភពលោក ឬត្រូវជាប្រមាណ ២០ភាគរយ ឬ ១ ភាគ ៥ នៅក្នុងទីផ្សារប្រេងអន្តរជាតិ។ នេះបើយោងតាមទិន្នន័យដែលបង្ហាញដោយទីភ្នាក់ងារទទួលបន្ទុកកិច្ចការងារព័ត៌មានថាមពលរបស់សហរដ្ឋអាម៉េរិក ហៅកាត់ថា EIA។
តើច្រកសមុទ្រដ៏តូចមួយនេះ មានភាពសំខាន់យ៉ាងណាចំពោះតម្លៃប្រេងលើទីផ្សារអន្តរជាតិ ?
ជាក់ស្ដែងណាស់ថា ក្រោយការវាយប្រហារទ្រង់ទ្រាយធំទៅលើអ៊ីរ៉ង់ភ្លាម វាបានធ្វើឲ្យតម្លៃប្រេងហក់ឡើងប្រមាណជា១០ភាគរយរួចបាត់ទៅហើយ។ នេះបើយោងតាមការចេញផ្សាយដោយ CNN ។ យ៉ាងណាក្តីតម្លៃប្រេងនឹងអាចបន្តកើនឡើងបន្ថែមទៀតអាស្រ័យទៅលើការឆ្លើយតបរបស់អ៊ីរ៉ង់ ខណៈដែលបច្ចុប្បន្នភាគីទាំងអស់បានបន្ធូរបន្ថយភាពតានតឹងដាក់គ្នាបន្តិចតាមរយៈការរៀបចំកិច្ចព្រមព្រៀងបទឈប់បាញ់ រាប់បញ្ចូលទាំងអ៊ីស្រាអែល ជាមួយអ៊ឺរ៉ង់ និង អ៊ីរ៉ង់ ជាមួយនឹងគោលដៅអាម៉េរិក៕
Account
Security
Favourite Content