ភ្នំពេញ ៖ ដើមទុនពីគ្រឹះស្ថានមីក្រូហិរញ្ញវត្ថុបានជួយលើកកម្ពស់ជីភាពប្រជាពលរដ្ឋឱ្យប្រសើរឡើងតាមរយៈការជំរុញឱ្យមានលទ្ធភាពពង្រីកមុខរបររកស៊ីក្រោយពីទទួលបានកម្ចីពីគ្រឹះស្ថានមីក្រូហិរញ្ញវត្ថុ។ ជាក់ស្តែង លោក លី អៀង និងក្រុមគ្រួសារមានជីវភាពល្អប្រសើរដោយមានលទ្ធភាពពង្រីកមុខរបររកស៊ីក្រោយពីទទួលបានកម្ចីពីគ្រឹះស្ថានមីក្រូហិរញ្ញវត្ថុមួយនៅខេត្តកំពង់ចាម។

លោក លី អៀង និងភរិយា អ្នកស្រី អ៊ុន ហេង ដែលជាកសិករ និងសិល្បករបុរាណខ្មែរនៅក្នុងខេត្តកំពង់ចាម បានរៀបរាប់ថា ប្រហែលជា ២០ ឆ្នាំមុន កូនៗរបស់ពួកគាត់នៅតូចនៅឡើយ ប៉ុន្តែពួកគាត់គិតចង់រកចំណូលបន្ថែម ដើម្បីផ្គត់ផ្គង់គ្រួសារដែលកាន់តែរីធំ ដូច្នេះពួកគាត់ក៏បានទាក់ទងទៅកាន់គ្រឹះស្ថានមីក្រូហិរញ្ញវត្ថុមួយនៅក្នុងស្រុកកំពង់ចាម ដើម្បីស្នើសុំប្រាក់កម្ចីពីគ្រឹះស្ថានផ្លូវការនេះ។

អ្នកស្រី អ៊ុន ហេង បានរៀបរាប់បន្តថា ដំបូងខ្ចីប្រាក់ ៤០ ម៉ឺនរៀល ហើយបន្ទាប់មកទៀតគឺ ៧០ ម៉ឺនរៀល។ បច្ចុប្បន្ននេះ ហើយបច្ចុប្បន្ននេះគឺគ្រួសាររបស់អ្នកស្រីប្រើប្រាស់កម្ចីរហូតដល់ទៅដល់ ៦០០០ ដុល្លារអាមេរិក។ អ្នកស្រីបានបន្តថា កម្ចីដំបូងនោះគឺយកមកប្រើប្រាស់ទិញម៉ាស៊ីនបូមទឹកដើម្បីស្រោចស្របបន្លែ កម្ចីលើកទី ២ យកមកសាងសង់ផ្ទះ និងកម្ចីលើកទី ៣ ត្រូវបានប្រើប្រាស់យកទៅទិញជ្រូកដែលជ្រូកមួយមានតម្លៃដល់ ៥០០ ដុល្លារ

អស់រយៈពេលជាង ១០ ឆ្នាំមកហើយដែលពួកគាត់បានខ្ចីប្រាក់ប្រាក់ដល់ ៦០០០  ដុល្លារអាមេរិក ដើម្បីទិញជ្រូកចិញ្ចឹម។ សព្វថ្ងៃ ពួកគាត់មានជ្រូក ១៣ ក្បាលទាំងមេនិងកូន ហើយក្នុងមួយខែមួយខែពួកគាត់អាចលក់ជ្រូកបានប្រាក់ប្រហែល ៥០០ ដុល្លារអាមេរិក។ អ្នកស្រីបានលើកឡើងដូច្នេះថា ក្នុងរយៈពេល៣ ទៅ ៤ខែក្រុមគ្រួសាររបស់អ្នកស្រីអាចរកចំណូលបាន ២០០០ ដុល្លារអាមេរិក។

ទាក់ទងទៅនឹងការទូទាត់សងទៅកាន់គ្រឹះស្ថានវិញក្នុងមួយខែៗ ក្រុមគ្រួសាររបស់អ្នកស្រីបង់សងក្នុងទឹកប្រាក់ប៉ុន្មាន ២០០ ដុល្លារក្នុងមួយខែ ដែលទំហំបង់សងត្រឡប់ប៉ុន្នេះ អាចក្រុមឱ្យគ្រួសារអ្នកស្រីមានលទ្ធភាពសងបាន ហើយថែមសល់ប្រាក់ចំនួនពីរបរចិញ្ចឹមជ្រូក និងអាជីពសិល្បៈបុរាណ។

ជារួម វិស័យមីក្រូហិរញ្ញវត្ថុ បាននិងកំពុងចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ។ ការណ៍នេះធ្វើឱ្យវិស័យមីក្រូហិរញ្ញវត្ថុដើរតួនាទីយ៉ាងសកម្មក្នុងការលើកម្ពស់បរិយាបន្នហិរញ្ញវត្ថុនៅកម្ពុជា។

បច្ចុប្បន្ននេះ វិស័យមីក្រូហិរញ្ញនៅកម្ពុជានៅតែបន្តរក្សាបាន កំណើននិងស្ថិរភាពតាមរយៈការផ្តល់សេវាប្រកបដោយបរិយាបន្ន ជាមួយស្មារតីទទួលខុសត្រូវខ្ពស់ និងកិច្ចការពារអតិថិជន ស្របតាមយុទ្ធសាស្រ្តជាតិស្តីពីបរិយាបន្នហិរញ្ញវត្ថុឆ្នាំ ២០១៩-២០២៥។ វិស័យមីក្រូហិរញ្ញវត្ថុក៏បានពង្រីកប្រតិបត្តិការរបស់ខ្លួន ព្រមទាំងបានផ្តល់សេវាហិរញ្ញវត្ថុផ្លូវការដល់ទីជនបទ នៅទូទាំងប្រទេស។

គិតត្រឹមដំណាច់ត្រីមាសទី១ ឆ្នាំ២០២៤ វិស័យមីក្រូហិរញ្ញវត្ថុបានជួយគំាទ្រដល់ប្រជាពលរដ្ឋចំនួន ១,៥៥លាននាក់ និងបានផ្តល់ឥណទានចំនួន ៥,១៦ពាន់លានដុល្លារសហរដ្ឋអាមេរិកនៅទូទាំងប្រទេសនិងលើគ្រប់វិស័យនៃខឿនសេដ្ឋកិច្ចជាតិ៕