សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រសួងពាណិជ្ជកម្ម បានរៀបចំមហាព្រឹត្តិការណ៍ប្រចាំឆ្នាំដោយការរៀបចំពិព័រណ៍ពាណិជ្ជកម្មកម្ពុជា ដែលនឹងប្រព្រឹត្តទៅរយៈពេល៤ថ្ងៃ ចាប់ពីថ្ងៃទី១៣ រហូតដល់ថ្ងៃទី១៦ ខែធ្នូ ឆ្នាំ២០២៤ នៅមជ្ឈមណ្ឌល ភី អេច ហ្គ្រេន ហល បុរីប៉េងហួតបឹងស្មោ រាជធានីភ្នំពេញ ដែលមានការដាក់តាំងបង្ហាញផលិតផលខ្មែរចម្រុះយ៉ាងសម្បូរបែប។ នៅក្នុងព្រឹត្តការណ៍មួយនេះ ក្រសួងពាណិជ្ជកម្មក៏មានរៀបចំកិច្ចជំនួបពាណិជ្ជកម្មស្តីពី “ការអភិវឌ្ឍផលិតផលសក្តានុពលកម្ពុជា” ដែលជាវេទិកាផ្តល់ឱកាសឱ្យសហគ្រិន ម្ចាស់សហគ្រាស ក៏ដូចជាពាណិជ្ជករ មានឱកាសក្នុងការភ្ជាប់ទំនាក់ទំនង ចងបណ្តាញពាណិជ្ជកម្មបានយ៉ាងប្រសើរ។
យោងតាមសេចក្ដីប្រកាសរបស់ក្រសួងពាណិជ្ជកម្មបានឱ្យដឹងថា នៅក្នុងឱកាសពិព័រណ៍ប្រចាំឆ្នាំមួយនេះ ក្រសួងពាណិជ្ជកម្ម នឹងរៀបចំជំនួបពាណិជ្ជកម្មស្តីពី “ការអភិវឌ្ឍផលិតផលសក្តានុពលកម្ពុជា” ដែលនឹង ប្រព្រឹត្តទៅនៅថ្ងៃទី១៥ ខែធ្នូ ឆ្នាំ២០២៤ វេលាម៉ោង ១៣:៣០នាទី នៅមជ្ឈមណ្ឌលភីអេចហ្គ្រេនហល បុរីប៉េង ហួតបឹងស្មោ រាជធានីភ្នំពេញ។ កិច្ចជំនួបពាណិជ្ជកម្មនេះ រៀបចំឡើងក្នុងគោលបំណង ទី១-ជួយសម្របសម្រួលដល់ផលិតករ និងពាណិជ្ជករក្នុងការស្វែងរកដៃគូពាណិជ្ជកម្ម, ទី២-ស្វែងរក និងពង្រីកទីផ្សារជូនផលិតករ និង ពាណិជ្ជករក្នុងស្រុក និងទី៣-ផ្សព្វផ្សាយ និងជំរុញការនាំចេញផលិតផលខ្មែរទៅកាន់ទីផ្សារអន្តរជាតិ។
ក្នុងន័យនេះ ក្រសួងពាណិជ្ជកម្ម ស្នើសុំអញ្ជើញ ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រីប្រធានសហគ្រាស ឬម្ចាស់អាជីវកម្មនានា ចូលរួមតាំងបង្ហាញផលិតផលខ្មែរក្នុងជំនួបពាណិជ្ជកម្មខាងលើ ដោយក្រសួងផ្តល់ជូនតុតាំងបង្ហាញផលិតផលដោយឥតគិតថ្លៃ និងសូមធ្វើការឆ្លើយតបចំពោះការចូលរួមតាំងបង្ហាញផលិតផលមកក្រសួងវិញយ៉ាងយូរបានត្រឹមថ្ងៃទី១២ ខែធ្នូ ឆ្នាំ២០២៤។
អាស្រ័យដូចបានជម្រាប់ជូនខាងលើ សូម ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រីប្រធាន ចូលរួមយកផលិតផលមកតាំងបង្ហាញតាមការគួរ៕
Account
Security
Favourite Content