សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចំណេះដឹង ៖ មនុស្សជាច្រើនបានដឹងរួចមកហើយថា ធនាគារគឺជាកន្លែងដែលមានសុវត្ថិភាពក្នុងការរក្សាទុកប្រាក់ដោយវាមានភាពងាយស្រួល ហើយថែមទាំងទទួលបានការប្រាក់សមរម្យបន្ថែមទៀតផងប្រសិនបើយើងដាក់ប្រាក់បញ្ញើក្នុងរយៈពេលវែងជាក់លាក់ណាមួយ។
ជាមួយនឹងគុណសម្បត្តិទាំងនេះ គេក៏មិនភ្លេចឡើយពីគុណវិបត្តិមួយចំនួននៃការទុកលុយនៅធនាគារគឺមានដូចជាការទទួលបានការប្រាក់ទាប និងត្រូវបង់ថ្លៃសេវាក្នុងការប្រើប្រាស់សេវាកម្មមួយចំនួនផងដែរ។ ខាងក្រោមនេះជាជម្រើសល្អទាំង៧ក្រៅពីធនាគារសម្រាប់រក្សាទុកប្រាក់។
១. មូលបត្រកម្មសិទ្ធិ ៖ មូលបត្រកម្មសិទ្ធិ (ឬភាគហ៊ុន) គឺជាមូលបត្រដែលបានបោះផ្សាយដោយក្រុមហ៊ុនសាធារណៈ ដើម្បីគៀងគរមូលនិធិពីសាធារណៈជន។ វារួមបញ្ចូលទាំងភាគហ៊ុនរបស់ក្រុមហ៊ុន ដែលតំណាងឲ្យភាពជាម្ចាស់របស់វិនិយោគិននៅក្នុងក្រុមហ៊ុននោះ។ នៅក្នុងព្រះរាជាណាចក្រកម្ពុជាយើងអាចទិញភាគហ៊ុននៅផ្សារមូលបត្រកម្ពុជាដែលមានក្រុមហ៊ុនចំនួន៨បោះលក់មូលបត្រកម្មសិទ្ធិ។ ក្រុមហ៊ុនទាំង៨រួមមាន ឌី ប៊ី ឌី អ៊ិនជីនារីង ម.ក ផេសថិក (ខេមបូឌា) ម.ក ធនាគារ អេស៊ីលីដា ភីអិលស៊ី កំពង់ផែស្វយ័តក្រុងព្រះសីហនុ ភ្នំពេញ អេសអ៊ីហ្សិត ភីអិលស៊ី កំពង់ផែស្វយ័តភ្នំពេញ ហ្រ្គេន ធ្វីន អ៊ិនធើណេសិនណល (ខេមបូឌា) ភីអិលស៊ី និងរដ្ឋាករទឹកស្វយ័តក្រុងភ្នំពេញ។
២. សញ្ញាបណ្ណ ៖ សញ្ញាបណ្ណគឺជាប្រភេទមូលបត្របំណុល ដែលតំណាងឱ្យកិច្ចសន្យាខ្ចីប្រាក់រវាងបុគ្គលបោះផ្សាយមូលបត្របំណុល (រូមមានសាជីវកម្ម សហគ្រាសរដ្ឋ ឬរាជរដ្ឋាភិបាល) និងវិនិយោគិន (ម្ចាស់មូលបត្របំណុល)។ តាមរយៈកិច្ចសន្យានេះ បុគ្គលបោះផ្សាយមូលបត្របំណុលមានកាតព្វកិច្ចបង់ឱ្យវិនិយោគិននូវទឹកប្រាក់ជាក់លាក់មួយជាទៀងទាត់ដែលហៅថា “គូប៉ុង” ឬ “ការប្រាក់” (លើកលែងសម្រាប់សញ្ញាបណ្ណគ្មានការប្រាក់) ព្រមទាំងបង់ប្រាក់ដើមនៅពេលដែលសញ្ញាបណ្ណនោះដល់កាលកំណត់សង ដែលហៅថា “ឥណប្រទិទាន”។ នៅក្នុងផ្សារមូលបត្រកម្ពុជាមានក្រុមហ៊ុនចំនួន៧ ដែលបោះលក់មូលបត្របំណុលរួមមាន គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត អិលអូអិលស៊ី (ខេមបូឌា) ភីអិលស៊ី សញ្ញាបណ្ណសាជីកម្ម អេប៊ីអេ ធនាគារភ្នំពេញពាណិជ្ជ “ភីភីស៊ីប៊ែង” ម.ក អ អិម អេ (ខេមបូឌា)ម.ក គ្រឹះស្ថានមីក្រូហិរញ្ញវត្ថុប្រាសាក់ ម.ក និងតែល កូថេក។
៣. អចលនទ្រព្យ ៖ អចលនទ្រព្យត្រូវបានគេមើលឃើញថាជាជម្រើសវិនិយោគដ៏ល្អមួយជាពិសេសនៅក្នុងប្រទេសកំពុងអភិវឌ្ឍដូចប្រទេសកម្ពុជាជាដើម។ មានគម្រោងអភិវឌ្ឍជាច្រើនរីកដុលដាសយ៉ាងឆាប់រហ័សជុំវិញប្រទេសកម្ពុជា ហើយជាធម្មតាតម្លៃអចលនទ្រព្យមានការកើនឡើងជាលំដាប់ជារៀងរាល់ឆ្នាំ។ ដូច្នេះការយកលុយទៅទិញអចលនទ្រព្យទុកលក់ឬទុកជួលជាជម្រើសល្អមួយជាជាងទុកលុយក្នុងធនាគារ។
៤. លោហៈមានតម្លៃ ៖ បើនិយាយពីការវិនិយោគលើលោហៈមានតម្លៃនៅក្នុងប្រទេសកម្ពុជា គេតែងតែនិយមយកលុយទៅទិញមាសទុក ឬទិញមាសសម្រាប់ធ្វើជាគ្រឿងលម្អកាយជាដើម។ ប៉ុន្តែលោហៈមានតម្លៃមិនមែនមានតែមាសប៉ុណ្ណោះទេ។ លោហៈមានតម្លៃរួមបញ្ចូលទាំងប្រាក់ ទង់ដែង និងត្បូងផងដែរ។ លោហៈមានតម្លៃទាំងនេះអាចរក្សាទុកបានយូរតជំនាន់ហើយថែមទាំងកើនឡើងតម្លៃតាមពេលវេលាថែមទៀតផង។ ការដកលុយខ្លះទៅទិញលោហៈមានតម្លៃទុក ក៏ជាជម្រើសវិនិយោគមួយល្អផងដែរ។
៥. វិនិយោគលើអាជីវកម្ម ៖ ការទិញអាជីវកម្ម ទិញ Franchise ក្លាយជាប្រភេទនៃការវិនិយោគដ៏ពេញនិយមមួយនាពេលបច្ចុប្បន្ន។ គេសង្កេតឃើញមានហាងប្រភេទ Franchise ជាច្រើនមានទីតាំងនៅកន្លែងផ្សេងៗគ្នាពាសពេញរាជធានីភ្នំពេញ និងតាមបណ្តាទីរួមខេត្តមួយចំនួន។ ក្រៅពី Franchise លោកអ្នកក៏អាចវិនិយោគលើអាវជីកម្មថ្មីៗដែលអាចនឹងមានសក្តានុពលនាពេលអនាគត ដោយសិក្សាទៅលើដំណើរការរបស់អាជីវកម្មនិងសមត្ថភាពក្រុមការងារអាជីវកម្មផ្ទាល់ផងដែរ។
៦. ទិញកញ្ចប់ធានារ៉ាប់រងអាយុជីវិតមានកាលកំណត់៖ លោក យក់ ចំរើនឬទ្ធី ដែលជាអគ្គនាយកក្រុមហ៊ុនធានារ៉ាប់រង Forte បានលើកឡើងថា ការទិញកញ្ចប់ធានារ៉ាប់រងអាយុជីវិតមានភាពល្អប្រសើរជាងការដាក់ប្រាក់សន្សំនៅធនាគារ ក្រោមមូលហេតុថាការទិញកញ្ចប់ធានារ៉ាប់រងអាយុជីវិត ទទួលបានទាំងការការពារអាយុជីវិតរួមទាំងទទួលបានការប្រាក់ថែមទៀតផង។ លោកបានបញ្ជាក់បន្ថែមថា ថ្វីត្បិតតែការប្រាក់បានមកពីការទិញកញ្ចប់ធានារ៉ាប់រងមានកម្រិតតិចជាងធនាគារបន្តិចមែន ប៉ុន្តែអ្នកប្រើប្រាស់សេវាធានារ៉ាប់រងទទួលបានអត្ថប្រយោជន៍យ៉ាងច្រើនពីការពារហានិភ័យហិរញ្ញវត្ថុ។
៧. ទុកលុយនៅផ្ទះ ៖ ការទុកលុយនៅផ្ទះជារឿងសាមញ្ញបំផុតដែលអ្នកគួរទុកលុយសុទ្ធមួយចំនួនក្នុងផ្ទះសម្រាប់ការចំណាយបន្ទាន់ផ្សេងៗ។ បើអ្នកទុកលុយនៅក្នុងធនាគារនិងវិនិយោគលើអ្វីមួយទាំងអស់ អ្នកអាចនឹងមានបញ្ហាមួយចំនួនជាយថាហេតុដូចជាធនាគារជាប់គាំងមិនអាចចាយលុយឬដកលុយបាន និងការវិនិយោគមួយចំនួនមិនអាចបង្វិលប្រាក់មកកាន់បានភ្លាមៗនោះទេ។ ដូច្នេះការមានប្រាក់សុទ្ធខ្លះទុកនៅផ្ទះក៏ជាជម្រើសមួយផងដែរ។ ថ្វីត្បិតតែការវិនិយោគលើអ្វីមួយអាចប្រឈមមុខនឹងហានិភ័យក៏ពិតមែន ការទុកលុយទាំងអស់នៅក្នុងធនាគារក៏មិនមែនជាជម្រើសល្អដែរ។ ការចេះបែងចែកប្រាក់សម្រាប់វិនិយោគច្រើនកន្លែងជួយការពារនូវហានិភ័យហិរញ្ញវត្ថុ ដែលថាទោះបីការវិនិយោគណាមួយមិនទទួលផលល្អ ក៏នៅមានប្រភពចំណូលពីការវិនិយោគផ្សេងៗទៀតមកជួយរក្សាលំនឹងស្ថានភាពហិរញ្ញវត្ថុឲ្យរីកលូតលាស់ទៅមុខជាលំដាប់ផងដែរ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អាហ្វ្រិកខាងត្បូង ចង់រឹតចំណងសេដ្ឋកិច្ច និងពាណិជ្ជកម្មឱ្យកាន់តែរឹងមាំជាមួយឥណ្ឌា
ព្រឹត្តិការណ៍, អាជីវកម្មថ្មី និងនវានុវត្ត
• 15/09/2026
បរទេស ៖ អាហ្វ្រិកខាងត្បូង កំពុងជំរុញការផ្លាស់ប្តូរពាណិជ្ជកម្ម និងការវិនិយោគដោយផ្ទាល់ជាមួយឥណ្ឌាលើវិស័យសំខាន់ៗជាច្រើន ដូចជា រ៉ែយុទ្ធសាស្ត្រ ឧស្សាហកម្មបៃតង ហេដ្ឋារចនាសម្ព័ន្ធ កសិកម្ម និងសេដ្ឋកិច្ចឌីជីថល ខណៈដែលបច្ចុប្បន្ននេះ ឥណ្ឌា គឺជាដៃគូពាណិជ្ជកម្មធំជាងគេទី៤ របស់អាហ្វ្រិកខាងត្បូង ដោយក្នុងនោះមានក្រុមហ៊ុនឥណ្ឌាជាង ១៥០ បានបណ្តាក់ទុនសរុបលើសពី ១០ ពាន់លានដុល្លារ
រដ្ឋាភិបាលសម្រុកចែកបណ្ណកម្មសិទ្ធិដីធ្លីដែលបានវាស់វែង និងចុះបញ្ជីរួចជូនប្រជាពលរដ្ឋទូទាំងប្រទេស ដើម្បីប្រើប្រាស់តាមការចាំបាច់
Top News, ព្រឹត្តិការណ៍, អចលនទ្រព្យ
• 15/09/2026
ភ្នំពេញ ៖ បន្ទាប់ពីបានវាស់វែង និងចុះបញ្ជីរួច រាជរដ្ឋាភិបាលដែលមានក្រសួងរៀបចំដែនដី នគរូបនីយកម្ម និងសំណង់ ជាសេនាធិការបានសម្រុកចែកវិញ្ញាបនបត្រ ឬបណ្ណសម្គាល់ម្ចាស់កម្មសិទ្ធិដីធ្លីជូនប្រជាពលរដ្ឋតាមបណ្ដាខេត្តដែលបានបញ្ចប់ការវាស់វែង និងចុះបញ្ជីរួចរាល់ជាស្ថាពរ ជាក់ស្ដែង កាលពីសប្ដាហ៍កន្លងទៅនេះ រដ្ឋមន្ត្រីក្រសួងរៀបចំដែន នគរូបនីយកម្ម និងសំណង់ រួមជាមួយនឹងមន្ត្រីជាន់ខ្ពស់កម្ពុជាជាច្រើនរូបទៀត បានចុះប្រគល់បណ្ណជូនពលរដ្ឋក្នុងខេត្តគោលដៅជាច្រើន។ យោងតាម ក្រសួងរៀបចំដែនដី នគរូបនីយកម្ម
រដ្ឋមន្ត្រីពាណិជ្ជកម្ម ៖ កិច្ចព្រមព្រៀង DEFA រំពឹងជួយជំរុញទំហំសេដ្ឋកិច្ចឌីជីថលអាស៊ានកើនឡើង ២ទ្រីលានដុល្លារអាម៉េរិក ក្នុងឆ្នាំ២០៣០
ជំនួញ, ព្រឹត្តិការណ៍, សេដ្ឋកិច្ច
• 14/09/2026
ភ្នំពេញ ៖ កិច្ចព្រមព្រៀង DEFA ( Digital Economy Framework Agreement ) ជាកិច្ចព្រមព្រៀងកម្រិតតំបន់អាស៊ានដំបូងគេបង្អស់លើពិភពលោក ដែលផ្ដោតជាពិសេសទៅលើការជួយសម្រួល និងពង្រឹងពាណិជ្ជកម្មតាមប្រព័ន្ធឌីជីថល និងសេដ្ឋកិច្ចឌីជីថលរវាងប្រទេសសមាជិកអាស៊ានទាំង១០ ។ កិច្ចព្រមព្រៀងនេះ គ្រោងនឹងចុះហត្ថលេខានៅអំឡុងខែវិច្ឆិកាខាងមុខនេះក្នុងកិច្ចប្រជុំកំពូលអាស៊ាននៅប្រទេសហ្វីលីពីន ដោយរំពឹងថា វានឹងជំរុញការធ្វើសេដ្ឋកិច្ចអនឡាញកើនឡើងទ្វេដង។ លោកជំទាវ
ចិន បង្ហាញគោលបំណងពង្រឹងតួនាទីមាស និងប្រាក់យ័នរបស់ខ្លួន នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS
ព្រឹត្តិការណ៍, អាជីវកម្មថ្មី និងនវានុវត្ត
• 14/09/2026
បរទេស ៖ នៅក្នុងកិច្ចប្រជុំកំពូលនៃបណ្តាប្រទេសជាសមាជិក BRICS ដែលប្រព្រឹត្តទៅនៅក្នុងប្រទេសឥណ្ឌាកាលពីថ្ងៃចុងសប្តាហ៍កន្លងទៅនេះ រដ្ឋាភិបាលក្រុងប៉េកាំង បានបង្ហាញពីគោលបំណងពង្រឹងនូវតួនាទីរបស់មាសនៅក្នុងពិភពលោក ខណៈដែលខ្លួនកំពុងបង្កើនស្តុកទុកមាសដ៏សន្ធឹកសន្ធាប់ និងចង់ជំរុញការប្រើប្រាស់រូបិយប័ណ្ណជាតិ(លុយយ័ន)ឱ្យកាន់តែច្រើនឡើង ព្រមទាំងទទួលយកប្រព័ន្ធទូទាត់ប្រាក់ជម្រើសថ្មីៗផងដែរសម្រាប់សមាជិក និងដៃគូពាណិជ្ជកម្មដែលបានចូលរួម។ អត្ថបទមួយដែលបានចេញផ្សាយដោយកាសែតប៊ុលហ្គារី Novinata បានសរសេរថា ប្រទេសចិន នៅតែបន្តបង្កើនការស្តុកទុកមាសរបស់ខ្លួន ព្រមទាំងខិតខំពង្រីកឥទ្ធិពលទីផ្សារនៃការប្រើប្រាស់ប្រាក់យ័ននៅលើឆាកអន្តរជាតិឱ្យកាន់តែទូលាយ ដើម្បីអាចកាត់បន្ថយការពឹងផ្អែកលើប្រាក់ដុល្លារអាមេរិក ដែលកំពុងក្ក្លាយជាប្រធានបទដ៏សំខាន់មួយសម្រាប់បណ្តាប្រទេសកំពុងអភិវឌ្ឍន៍ ជាពិសេសគឺ
ក្រសួងរៀបចំដែនដីបង្ហាញទិសដៅថ្មីក្នុងការគ្រប់គ្រងតំបន់អង្គរ ដើម្បីពលរដ្ឋងាយស្រួលរស់នៅ និងប្រកបរបរចិញ្ចឹមជីវិត
Top News, ព្រឹត្តិការណ៍, សេដ្ឋកិច្ច
• 14/09/2026
សៀមរាប ៖ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញទិសដៅថ្មីក្នុងការគ្រប់គ្រង និងអភិវឌ្ឍតំបន់អង្គរ ដើម្បីធានាកិច្ចការពារប្រាសាទ និងផ្តល់ភាពកក់ក្តៅដល់ពលរដ្ឋក្នុងការរស់នៅ និងប្រកបមុខរបរចិញ្ចឹមជីវិតឱ្យប្រសើរ។ ក្រសួងរៀបចំដែនដី នគរូបនីយកម្ម និងសំណង់ បានដាក់ចេញនូវទស្សនទាន និងយុទ្ធសាស្ត្រគន្លឹះថ្មីក្នុងការគ្រប់គ្រង និងអភិវឌ្ឍតំបន់អង្គរ តាមរយៈការថ្លឹងថ្លែងឱ្យមានតុល្យភាពរវាង «ការអភិរក្សមរតកដូនតា» និង «សុខុមាលភាព
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
សមាគមមីក្រូហិរញ្ញវត្ថុកម្ពុជា និងវិទ្យាស្ថានអភិវឌ្ឍន៍ និងសេដ្ឋកិច្ច រួមគ្នាពង្រឹងចំណេះដឹងផ្នែកហិរញ្ញវត្ថុ និងការត្រៀមខ្លួនសម្រាប់អាជីពរបស់យុវជន
គ្រឹះស្ថាន ខេមា និង Mission Alliance រួមគ្នាពង្រឹងចំណេះដឹងហិរញ្ញវត្ថុ និងជំនាញអាជីវកម្មដល់សហគ្រិនខ្នាតមីក្រូ
Account
Security
Favourite Content