សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ទម្លាប់នៃការទទួលទានគ្រឿងស្រវឹង ឬយើងហៅសាមញ្ញថា ការផឹកស៊ីជួបជុំគ្នានៅក្នុងប្រទេសកូរ៉េខាងត្បូងត្រូវបានគេទទួលស្គាល់ថាមានសកម្មភាពយ៉ាងខ្លាំងដែលអាចនិយាយបានថាជាប្រពៃណីនៃប្រជាពលរដ្ឋ និងជារឿងសាមញ្ញ។ ក្រៅពីការពិសាស្រាក្នុងថ្ងៃបុណ្យប្រពៃណី និងជាលក្ខណៈគ្រួសារ ការពិសាគ្រឿងស្រវឹងបានប្រែក្លាយជាសកម្មភាពប្រចាំថ្ងៃក្នុងសង្គមរបស់កូរ៉េខាងត្បូង ជាពិសេសពលរដ្ឋពេញវ័យនៅក្រោយម៉ោងធ្វើការ។
យ៉ាងណាក្តី សកម្មភាពដ៏សប្បាយរីករាយទាំងនេះកំពុងធ្លាក់ចុះ និងមានភាពស្ងប់ស្ងាត់មិនគួរឲ្យនឹកស្មាននៅក្នុងប្រទេសដែលគេទទួលស្គាល់ថាជាមហាអំណាចសេដ្ឋកិច្ចធំទី៤នៅអាស៊ីមួយនេះទៅវិញឲ។ នៅក្នុងឯកសារស្រាវជ្រាវមួយដែលធ្វើឡើងដោយកាសែតរ៉យទ័របានបង្ហាញថា ម្ចាស់ហាងលក់ម្ហូបអាហារ និងភេសជ្ជៈ រាប់ចាប់តាំងពីបារ ភោជនីយដ្ឋាន ទៅដល់ខារ៉ាអូខេ បាននាំគ្នារអ៊ូរទាំយ៉ាងខ្លាំងចំពោះការធ្លាក់ចុះនេះ។
ផ្តល់បទសំភាសជាមួយនឹងក្រុមអ្នកយកព័ត៌មាន ថៅកែហាងមួយកន្លែងដែលមានឈ្មោះថា Jun Jung sook ស្ថិតនៅលើផ្លូវ Nokdu street ដែលជាតំបន់ផឹកស៊ីដ៏ពេញនិយមបំផុតនៅក្នុងទីក្រុងសេអ៊ូលបាននិយាយថា មនុស្សម្នាធ្លាប់តែណែនណាន់តាន់តាប់ខ្លាំងនៅទីនេះ ប៉ុន្តែបែរជាស្ងប់ស្ងាត់ខ្លាំងស្ទើរតែពាក់កណ្តាល។
គេសង្កេតឃើញថា មួយក្នុងចំណោមកត្តាបញ្ហានោះគឺបណ្តាលមកពីបុគ្គលិកធ្វើការងារក្រុមហ៊ុនជាស្ត្រីវ័យក្មេងៗកាន់តែច្រើនបានផ្អាកទង្វើ និងទម្លាប់ផឹកស៊ីបែបក្រោយម៉ោងការងារឬហៅថា Hoesik នេះ ដោយសារតែពួកគេមានបញ្ហាខ្ទង់ចំណាយកើនឡើងក្នុងគ្រាដែលអត្រាការប្រាក់នៅក្នុងប្រទេសនៅតែបន្តក្នុងកម្រិតខ្ពស់ ហើយតម្លៃទំនិញក៏កាន់តែកើនឡើងក្នុងពេលជាមួយគ្នា។
លោក Jun Jung sook ដែលមានវ័យ៧៧ឆ្នាំបានប្រាប៉ថា៖
«យើងមិនឃើញមានអ្នកផឹកស៊ីដូចពីមុននៅតាមដងផ្លូវទៀតឡើយ។ មនុស្សស្ងប់ស្ងាត់កាន់តែខ្លាំងស្ទើរតែជាងពាក់កណ្តាល ហើយសកម្មភាពរីករាយ ផឹកស៊ី លេងហ្គេមសប្បាយៗ ដូចជាបទ APT របស់អ្នកចម្រៀងដ៏ល្បី ROSE នោះក៏មិនមានទៀតនោះដែរនៅទីនេះ»។
ដោយឡែក បើគេក្រឡេកទៅមើលប្រទេសក្បែរខាងដូចជាជប៉ុនវិញ បញ្ហាយល់ដឹងអំពីសុខភាពនេះបានធ្វើឲ្យមានការផ្លាស់ប្តូរទម្លាប់យ៉ាងខ្លាំងរបស់ពលរដ្ឋដែលនិយមផឹកស៊ីនៅក្រោយម៉ោងបំពេញការងារជាពិសេសចាប់តាំងតែពីពេលដែលពិភពលោកកំពុងជួបប្រទះបញ្ហាវិបត្តិកូវិដមកម្ល៉េះ។
គួរឲ្យដឹងដែរថា អត្រានៃការទទួលទានគ្រឿងស្រវឹងនៅប្រទេសកូរ៉េខាងត្បូងបានធ្លាក់ចុះ១២ភាគរយធៀបទៅនឹងឆ្នាំ២០១៥ ដែលជាឆ្នាំឡើងខ្ពស់បំផុត។ អត្រានេះស្ថិតនៅក្នុងចំណាត់ថ្នាក់លេខ២ជាប្រទេសមានអត្រាធ្លាក់ចុះលឿនបំផុតនៃការទទួលគ្រឿងស្រវឹងធៀបទៅនឹងបណ្តាប្រទេសផ្សេងទៀតនៅក្នុងតំបន់ Organization for Economic Co-operation and Development ៕
Account
Security
Favourite Content