សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
យោងតាមប្រភពពីមន្ត្រីអ៊ុយក្រែនបានឲ្យដឹងថា បន្ទាប់ពីកិច្ចប្រជុំស៊ីជម្រៅ ពិភាក្សាក្នុងការដកចេញនូវលក្ខខណ្ឌមួយចំនួន ភាគីអាមេរិក និងអ៊ុយក្រែន បានយល់ព្រម និងបានសរសេរយ៉ាងច្បាស់អំពីរបៀបដែលកិច្ចព្រមព្រៀងនេះនឹងរួមចំណែកដល់សន្តិសុខ និងសន្តិភាពរបស់អ៊ុយក្រែន។ យ៉ាងណាក៏ដោយ ប្រធានាធិបតីអ៊ុយក្រែន Volodymyr Zelensky នឹងធ្វើដំណើរទៅកាន់ទីក្រុងវ៉ាស៊ីនតោនក្នុងរយៈពេលប៉ុន្មានថ្ងៃខាងមុខនេះ។
កាលពីថ្ងៃអង្គារ ប្រធានាធិបតីសហរដ្ឋអាម៉េរិក Donald Trump បានលើកឡើងថា ប្រធានាធិបតីអ៊ុយក្រែនអាចនឹងមកនៅថ្ងៃសុក្រ។ Trump លើកឡើងដែរថា នេះគឺជាកិច្ចព្រមព្រៀងធំ ហើយប្រសិនបើ Zelensky មិនអីនោះទេ នោះគាត់នឹងចុះហត្ថលេខាជាមួយគ្នា។
ដំណឹងនេះកើតឡើងបន្ទាប់ពីប្រភពដដែលបានប្រាប់ CNN កាលពីថ្ងៃចន្ទថា អ៊ុយក្រែនបានត្រៀមខ្លួនរួចជាស្រេច ដើម្បីយល់ព្រមលើកិច្ចព្រមព្រៀងដែលនឹងផ្តល់ឱ្យសហរដ្ឋអាមេរិកនូវលទ្ធភាពទទួលបានសារធាតុរ៉ែកម្ររបស់ខ្លួន ជាថ្នូរនឹងការរួមចំណែកមូលនិធិរបស់សហរដ្ឋអាម៉េរិកក្នុងការកសាងអ៊ុយក្រែនឡើងវិញ។ ប្រភពដដែលលើកឡើងថា ការធានាផ្នែកសន្តិសុខណាមួយ ឬ ការបន្តផ្តល់អាវុធនៅក្នុងខ្លឹមសារនៃសេចក្តីព្រាងកិច្ចព្រមព្រៀងនេះមិនមានភាពច្បាស់លាស់យ៉ាងណានោះទេ ប៉ុន្តែសហរដ្ឋអាម៉េរិកចង់ឲ្យអ៊ុយក្រែនមានសេរីភាព មានអធិបតេយ្យភាព និងសន្តិសុខ។
ទន្ទឹមនឹងនេះ គេរំពឹងថា ប្រធានាធិបតីសហរដ្ឋអាមេរិក និងអ៊ុយក្រែន អាចនឹងជួបគ្នាផ្ទាល់នៅថ្ងៃសុក្រនេះ ដើម្បីពិភាក្សាអំពីការធានាសន្តិសុខ ហើយផ្នែកលំបាកមួយចំនួននៃកិច្ចព្រមព្រៀងរ៉ែកម្រនឹងត្រូវបានដោះស្រាយនៅក្នុងការពិភាក្សានៅពេលក្រោយ។ កំណែមុននៃកិច្ចព្រមព្រៀងត្រូវបានបដិសេធដោយប្រធានាធិបតីអ៊ុយក្រែន Zelensky ដោយសាររដ្ឋបាល Trump ទាមទារភាគហ៊ុនពីរ៉ែកម្រ និងសារធាតុរ៉ែផ្សេងទៀតរបស់អ៊ុយក្រែនចំនួន ៥០០ ពាន់លានដុល្លារ ជាថ្នូរនឹងជំនួយដែលសហរដ្ឋអាមេរិកបានផ្តល់ឱ្យទីក្រុងគីវរួចហើយនោះ ។ យ៉ាងណាមិញ គេរំពឹងថា ប្រធានាធិបតីអ៊ុយក្រែន Volodymyr Zelensky អាចនឹងចុះហត្ថលេខាលើកិច្ចព្រមព្រៀងនេះ ដោយសារអាម៉េរិកបានដកចេញការទាមទារ ៥០០ ពាន់លានដុល្លារ និងលក្ខខណ្ឌមួយចំនួនដែលអ៊ុយក្រែនមិនអាចទទួលយកបានចេញពីកិច្ចព្រមព្រៀង៕
Account
Security
Favourite Content