សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ ប្រទេសកម្ពុជាមានជីវចម្រុះដ៏សម្បូរបែបទាំងធនធានទឹកសាប និងធនធានទឹកសមុទ្រ ហើយវិស័យជលផលត្រូវបានចាត់ទុកថាជាប្រភពចម្បងនៃអាហារូបត្ថម្ភ និងប្រាក់ចំណូលដល់ប្រជានេសាទកសិករក្នុងវិស័យវារីវប្បកម្ម ក៏ដូចជាសង្គមជាតិទាំងមូលផងដែរ។
ក្រសួងកសិកម្ម រុក្ខាប្រមាញ់ និងនេសាទ នឹងរៀបចំព្រឹត្តិការណ៍ “ពិព័រណ៍វារីវប្បកម្មកម្ពុជាលើកទី១” ដែលនឹងប្រព្រឹត្តទៅចាប់ពីថ្ងៃទី៦-៧ ខែធ្នូ ឆ្នាំ២០២៤ នៅផ្សាររាត្រីសាន់សាញ បឹងកក់ រាជធានីភ្នំពេញ។
ប្រភពពីក្រសួងកសិកម្មបានឱ្យដឹងថា៖ ព្រឹត្តិការណ៍នេះធ្វើឡើងដើម្បីបង្កើនការយល់ដឹងជាសាធារណៈអំពីគុណភាពត្រីចិញ្ចឹមរបស់កម្ពុជា និងលើកកម្ពស់ការយល់ដឹងអំពីចំណី ពូជ ការផ្គត់ផ្គង់ បច្ចេកវិទ្យាថ្មីៗដែលប្រើប្រាស់ក្នុងវារីវប្បកម្មជំរុញការទំនាក់ទំនងកិច្ចសហការរវាងភាគីពាក់ព័ន្ធក្នុងខ្សែច្រវាក់តម្លៃវារីវប្បកម្ម ព្រមទាំងបង្កើតយន្តការផ្សព្វផ្សាយ ចែករំលែកចំណេះដឹង បទពិសោធន៍ និងមេរៀនក្នុងការអភិវឌ្ឍប្រព័ន្ធទីផ្សារវារីវប្បកម្មកម្ពុជា។
ពិព័រណ៍នេះក៏នឹងជាវេទិកាដើម្បីបង្ហាញទិន្នផលវារីវប្បកម្មដ៏សំបូរបែបដែលកសិករបានចិញ្ចឹម និងពិភាក្សាគ្នាស្វែងរកដំណោះស្រាយលើបញ្ហាដែលវារីវប្បករបានជួបប្រទះដូចជា ពូជ ចំណី ទីផ្សារ និងហិរញ្ញវត្ថុ ។
កម្ពុជា ត្រូវបានចាត់ទុកថាជាប្រទេសដែលបរិភោគត្រីច្រើនជាងគេនៅក្នុងតំបន់ ខណៈរាជរដ្ឋាភិបាលបានយកចិត្តទុកដាក់ និងជំរុញយ៉ាងខ្លាំងទៅលើវារីវប្បកម្មនេះផងដែរ។ គិតត្រឹមឆ្នាំ២០១៩ វារីវប្បកម្មបានចូលរួមចំណែកប្រមាណ៣៩ នៃផលិតកម្មត្រីសរុបនៅកម្ពុជា ក្នុងនោះ៩០% ទទួលបានពីវារីប្បកម្មទឹកសាប។
បើយោងតាមរបាយការណ៍របស់រដ្ឋបាលជលផលកាលពីពេលកន្លងមកបានបង្ហាញថា កម្ពុជាទទួលបានប្រាក់ចំណេញជាង ១,៧ ពាន់លានដុល្លារក្នុងឆ្នាំ២០២១ ពីឧស្សាហកម្មវារីវប្បកម្ម និងនេសាទទឹកសាប ដែលមានទិន្នផលជាង ៣៨ម៉ឺនតោនពីជលផលទឹកសាប។
គួរឱ្យដឹងផងដែរថា សម្រាប់តែនៅកម្ពុជា មនុស្សម្នាក់បានបរិភោគសាច់ត្រីជាមធ្យម ៥២.៤ គីឡូក្រាមក្នុងមួយឆ្នាំ (ឆ្នាំ២០២១) នេះបើយោងតាមព័ត៌មានរបស់ក្រសួងកសិកម្ម រុក្ខាប្រមាញ់ និងនេសាទ កាលពីពេលកន្លងទៅ៕
Account
Security
Favourite Content