សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ យោងតាមសេចក្តីប្រកាសព័ត៌មានរបស់កំពង់ផែភ្នំពេញ ដែលជាក្រុមហ៊ុនចុះបញ្ជីនៅផ្សារមូលបត្រកម្ពុជា (CSX) ប្រតិបត្តិការអាជីវកម្មរបស់កំពង់ផែស្វយ័តភ្នំពេញ បានកើនឡើងខ្ពស់នៅក្នុងរយៈពេល៥ខែដើមឆ្នាំ២០២៥កន្លងទៅនេះ បើធៀបនឹងរយៈពេលដូចគ្នាកាលពីឆ្នាំ២០២៤។
តាមរយៈរបាយការណ៍ដែលមិនទាន់បានធ្វើសវនកម្មនៅឡើយនោះបានឱ្យដឹងថា៖ ក្នុងរយៈពេល៥ខែ ឆ្នាំ២០២៥នេះ កំពង់ផែស្វយ័តភ្នំពេញ មានបរិមាណទំនិញ និងប្រេងឥន្ធនៈឆ្លងកាត់ជាង ២លានតោន កើនឡើងជាង ២១% ខណៈដែលបរិមាណកុងតឺនរ័ឆ្លងកាត់មាន ២០៦ ០៥៥ ធីអ៊ីយូ កើន២៨,៧៥% ; បរិមាណនាវាសរុបមាន ១៤៧៨គ្រឿង កើនឡើងជាង ១,៤៤% ; បរិមាណនាវាដឹកអ្នកដំណើរចូលមានចំនួន ១៨៤ កើនឡើងជាង ៣,៩៥% ; និងចំនួនអ្នកដំណើរឆ្លងកាត់មាន ១៩ ៦៩៥នាក់ កើនឡើងប្រមាណ៩,៨១%។
ដោយឡែក សម្រាប់តែខែឧសភា ឆ្នាំ២០២៥ កំពង់ផែស្វយ័តភ្នំពេញ មានបរិមាណទំនិញ និងប្រេងឥន្ធនៈឆ្លងកាត់ ៤៨០ ៤៥៦ តោន ធៀបនឹងខែឧសភា ឆ្នាំ២០២៤ ដែលមានចំនួនត្រឹម ៤២៥ ៧៩៤តោន កើនជាង ១២,៨៤ភាគរយ និងមានបរិមាណកុងតឺនរ័ឆ្លងកាត់ ៤៩ ៧៩៧ ធីអ៊ីយូ កើនជាង ៤៦,៨០% , បរិមាណនាវាសរុបមានចំនួន ៣១៥គ្រឿង ថយចុះ-៤០,១១%; និងចំនួនអ្នកដំណើរឆ្លងកាត់មាន ១ ១៤៤នាក់ កើនឡើងប្រមាណ ៣៧,៣៣%។
សូមជម្រាបថា កំពង់ផែស្វយ័តភ្នំពេញ (ក. ស. ភ.) គឺប្រតិបត្តិករកំពង់ផែទន្លេធំជាងគេ និងជាកំពង់ផែ អន្តរជាតិមួយក្នុងចំណោមប្រតិបត្តិករកំពង់ផែអន្តរជាតិទាំងពីរនៅព្រះរាជាណាចក្រកម្ពុជា ហើយជាអាជ្ញាធរគ្រប់គ្រងផែនៅក្នុងមណ្ឌលអាជីវកម្មផែ។ ក្នុងនាមជាប្រតិបត្តិករផែ ក. ស. ភ. ផ្តល់សេវាកម្មលើកដាក់ក្រោមដងយោង លើកដាក់លើទីលាន ឃ្លាំងស្តុកទុកទំនិញ កណ្ណធាកិច្ច ទីលានស្តុកទុកសំបកកុងតឺន័ររើរៀបទំនិញ ទូកុងតឺន័រត្រជាក់ វាស់ស្ទង់និងបូមស្តារ ជួសជុល និងថែទាំកុងតឺន័រ ប្រមូលផ្តុំ/ចែកចាយទំនិញ និងសេវារថយន្តដឹកជញ្ជូនក្រៅចំណតផែ។ ក្នុងនាមជាអាជ្ញាធរផែ ក. ស. ភ. ទទួលបានសិទ្ធិគ្រប់គ្រងមណ្ឌលអាជីវកម្មផែ ដែលមានចំងាយ ១៦៦គ.ម។ ក្នុងមណ្ឌលអាជីវកម្មផែនេះ ក. ស. ភ. បាននិងកំពុងប្រតិបត្តិការនៅទីតាំងនៃចំណតផែចំនួន ៥ គឺ ១-ចំណតផែកុងតឺន័រ LM១៧ ២-ចំណតផែពហុបំណង TS៣ ៣-ចំណតផែពហុបំណង KM៦ ៤-ចំណតផែទន្លេបិទ UM២ និង ៥-ចំណតផែអ្នកដំណើរ និងទេសចរ TS១ ៕
Account
Security
Favourite Content