សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មនុស្សយើងមានទ្រព្យមានធន វាគឺជាគុណប្រយោជន៍ដ៏ចាំបាច់បំផុត ប៉ុន្តែត្រូវដឹងថាជីវិតមនុស្សយើងក៏មានពេលវេលាកំណត់រៀងៗខ្លួនដែលមិនអាចស្ថិតនៅជាអមតៈរៀងរហូតនោះទេ។ ដូច្នេះ ការគិតគូរទុកជាមុន និងការបែងចែកនូវទ្រព្យសម្បត្តិដែលអ្នកកាន់កាប់ ក៏ដូចជាការរៀបចំអ្នកទទួលមត៌ក ឬហៅថាការរៀបចំបណ្តាំនោះគួរតែចាប់ផ្តើមពិចារណា ជាពិសេសក្នុងពេលដែលអ្នកឈានចូលដល់វ័យចាស់ជរា ឬបាត់បង់មនុស្សជិតដិតបំផុត ប្តី ឬប្រពន្ធ ក៏ដូចជាក្រោយពេលដែលអ្នករស់នៅតែម្នាក់ឯងបាត់បង់ដៃគូជីវិត។
យោងតាមឯកសារច្បាប់មួយចំនួនបានសរសេរថា ម្ចាស់ទ្រព្យ (មតកជន ) អាចផ្តល់ ឬផ្ទេរទ្រព្យរបស់ខ្លួនទៅឲ្យអ្នកទទួលមត៌ក (សន្តតិជន) តាមមធ្យោបាយពីរយ៉ាង គឺ មួយដោយច្បាប់ ឬហៅថាសន្តតិកម្មតាមច្បាប់ បើទោះបីមតកជនមិនបានកំណត់ទុកក៏ដោយ ពោលគឺបន្ទាប់ពីមតកជនស្លាប់ ការបែងចែកទ្រព្យរបស់គាត់ទៅឲ្យសន្តតិជននឹងអនុវត្តតាមច្បាប់កំណត់ ឬបញ្ញត្តិ។
អត្ថប្រយោជន៍ជាច្រើនប្រសិនបើអ្នកគឺជាអ្នកមានទំលាប់គិតគូរទុកជាមុនបានវែងឆ្ងាយ ជាពិសេសចំពោះក្រុមគ្រួសារ និងទ្រព្យសម្បត្តិដែលអ្នកខិតខំព្យាយាមរកស៊ី និងទទួលទានអស់រយៈពេលរាប់សិបឆ្នាំមកហើយនោះ។
ក្រៅតែពីអាចផ្តល់ទ្រព្យសម្បត្តិទៅមនុស្សដែលអ្នកប្រាថ្នាហើយនោះ អ្នកថែមទាំងអាច
កំណត់ពេលវេលាសម្រាប់អ្នកទទួលកេរ្ត៍មរតកក្នុងពេលវេលាសមរម្យផងដែរ ពីព្រោះថាពេលខ្លះអ្នកអាចបារម្ភថាពួកគេនៅមានអាយុតិពេក ឬនៅជាអនិតិជន។ ការរៀបចំទុកជាមុនក៏អាចជួយឲ្យមានការចៀសវាងការច្រណែនគ្នារបស់សន្តតិជន នៅពេលប្រគល់ទ្រព្យឲ្យ ឬបែងចែកទ្រព្យឲ្យ និងក្នុងពេលដែលមតកជន (ម្ចាស់ទ្រព្យ) នៅមានជីវិតនៅឡើយ។
អ្នកជំនាញច្បាប់បានលើកឡើងថា ការរៀបចំលិខិតបណ្តាំមត៌ក ឬសន្តតិកម្មជាមុន គឺជាកិច្ចការងារដ៏ល្អប្រសើរសម្រាប់ម្ចាស់ទ្រព្យក្នុងពេលដែលពួកគេឈានចូលដល់វ័យចាស់ជរាមានពេលវេលាគ្រប់គ្រាន់ក្នុងរបៀបចាត់ចែងទ្រព្យរបស់ខ្លួនទុកជាមុន។
ការរៀបចំលិខិតបណ្តាំនឹងធ្វើឲ្យមតកជននៅតែជាម្ចាស់កម្មសិទ្ធិលើទ្រព្យរបស់ខ្លួនដែលអាចចៀសវាងបាននូវហានិភ័យទាំងឡាយកើតឡើងពេលកំពុងមានជីវិតរស់នៅ ហើយវាក៏អាចជួយការពារវិវាទ ឬជម្លោះពីក្នុងចំណោមសន្តតិជនដោយប្រការណាមួយពីបញ្ហាទទួលបានទ្រព្យសម្បត្តិតិច ឬច្រើននោះដែរ ៕ ដូច្នេះ ការគិតគូរពិចារណាជាមុន ឬពីចម្ងាយ នឹងអនុញ្ញាតឲ្យអ្នកផ្តល់អត្ថប្រយោជន៍ច្រើនចំពោះមនុស្សដែលនៅជុំវិញខ្លួនឯងនៅក្រោយពេលដែលអ្នកអវត្តមាននៅពេលខាងមុខ៕
Account
Security
Favourite Content