អាជីវកម្មខ្វៃជ្រូកកណ្តុរ បានត្រៀមខ្លួនរួចជាស្រេចក្នុងការបំពេញតម្រូវការក្នុងឱកាសបុណ្យចូលឆ្នាំចិន

ភ្នំពេញ ៖ ពិធីសែនបុណ្យចូលឆ្នាំព្រពៃណីចិន ជាពិធីមួយដែលបងប្អូនខ្មែរភាគច្រើនកាត់សែស្រឡាយចិនតែងតែប្រារព្ធឡើងយ៉ាងពិសេស ជាមួយនឹងការជួបជុំបងប្អូនសាច់ញាតិនៅក្នុងផ្ទះរបស់ខ្លួនដ៏រីករាយ។ នៅក្នុងពិធីសែននេះដែរ ជ្រូកខ្វៃ គឺជាតួអង្គយ៉ាងសំខាន់ ដែលធ្វើឱ្យអាជីវកម្មជ្រូកខ្វៃមានភាពមមាញឹកខ្លាំងក្នុងការត្រៀមផលិតដើម្បីផ្គត់ផ្គង់តាមតម្រូវការអតិថិជន។

អ្នកនាង ជូ វួចម៉េង ជាម្ចាស់ហាង ជូអេងគង់ ជ្រូកកណ្ដុរខ្វៃ បានប្រាប់ AMS ឱ្យដឹងថា នៅក្នុងឱកាសបុណ្យចូនឆ្នាំចិនខាងមុខនេះ ជ្រូកខ្វៃនឹងមានតម្រូវការខ្ពស់ ហើយអាជីវកម្មរបស់អ្នកនាងក៏កំពុងមមាញឹកក្នុងការត្រៀមផលិតសម្រាប់ផ្គត់ផ្គង់ជូនអតិថិជនផងដែរ។

អ្នកនាងបញ្ជាក់ថា ៖

“ចំពោះជ្រូកខ្វៃសម្រាប់សែន យើងរំពឹងទុកថានឹងអាចលក់បានពី ២០០-៣០០ក្បាល ឬលើសពី ៣០០ ក្បាលទៅទៀត ដោយសារបងប្អូនយើងគាត់កម្ម៉ង់ទិញសម្រាប់ថ្ងៃសែនច្រើន ដែលយើងបើកការកម្ម៉ង់តាំងពីមុនថ្ងៃសែនកន្លះខែដើម្បីរៀបចំកម្ម៉ង់ជ្រូកមកផលិតជូន”

ម្ចាស់ហាងខាងលើបានបន្តទៀតថា ៖

“ហាងរបស់យើងមានលក់ជ្រូកខ្វៃទាំងជ្រូកធម្មតា និងជ្រូកកណ្ដុរ ដែលជាធម្មតាអាចលក់បានពី ២០ ទៅ៣០ ក្បាលក្នុងមួយថ្ងៃ អាស្រ័យលើការកម្ម៉ង់របស់អតិថិជនដែលខ្លះគាត់ទិញទាំងមូល ខ្លះទិញមួយចំហៀង ឬក៏កាត់ជាដុំរួមជាមួយនឹងឈុតបន្លែសម្រាប់ផ្ទាប់ផងដែរ”

ពាក់ព័ន្ធនឹងការកម្ម៉ង់ជ្រូក អ្នកនាង វួចម៉េង បានបញ្ជាក់ទៀតថា ៖

“ដោយសារខាងយើងទទួលទិញជ្រូកពីបងប្អូនយើងដែលចិញ្ចឹមក្នុងស្រុកផ្ទាល់ ជាហេតុធ្វើឱ្យការផ្គត់ផ្គង់មានចំនួនកំណត់ មានន័យថា យើងទទួលការកម្ម៉ង់របស់ភ្ញៀវបានក្នុងចំនួនជ្រូកស្រស់ដែលយើងទិញមកបានដែរ ក្រៅពីនេះយើងបិទការកម្ម៉ង់តែម្ដង ពោលគឺយើងទទួលធ្វើក្នុងបរិមាណដែលយើងអាចគ្រប់គ្រង និងរក្សានូវគុណភាពក៏ដូចជារសជាតិជូនអតិថិជនបានតែប៉ុណ្ណោះ”

ម្ចាស់អាជីវកម្មជ្រូកខ្វៃរូបនេះបានឱ្យដឹងផងដែរថា ចំពោះប្រភេទជ្រូកកណ្តុរស្រស់គឺទទួលទិញពីខេត្តរតនៈគិរី ហើយជ្រូកធម្មតាទទួលទិញពីខេត្តក្រចេះ ដែលជាផ្នែកមួយជួយលើកកម្ពស់ជីវភាពប្រជាជនក្នុងសហគមន៍ផង និងធានានូវគុណភាពសាច់ជ្រូកខ្វៃដែលអតិថិជនតែងតែនិយមទទួលទានផង ជាពិសេសបងប្អូនក្នុងទីក្រុងភ្នំពេញផ្ទាល់តែម្ដង។

គួរបញ្ជាក់ដែរថា សម្រាប់ឱកាសបុណ្យចូលឆ្នាំថ្មីប្រពៃណីចិនដែលចូលមកដល់ក្នុងពេលដ៏ខ្លីខាងមុខនេះ ម្ចាស់អាជីវកម្មជ្រូកខ្វៃ ជូអេងគង់ ជ្រូកកណ្ដុរខ្វៃ បានរំឭកថា តម្លៃរបស់ជ្រូកខ្វៃអាចឡើងខ្ពស់ជាងតម្លៃធម្មតាប្រមាណ ២០-៣០ដុល្លារ ដោយសារក្នុងឱកាសបុណ្យទានមានអតិថិជនសម្រុកទិញច្រើន ហើយក៏អាស្រ័យលើតម្លៃជ្រូកស្រស់ដែលទិញចូលកើនឡើងផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ