សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី BBC បានរាយការណ៍ថា មន្ត្រីកំពូលរបស់អាម៉េរិក និងចិន បានបញ្ចប់ការប្រជុំរយៈពេលពីរថ្ងៃ ដោយយល់ព្រមបន្តលើក្របខណ្ឌកាត់បន្ថយភាពតានតឹងពាណិជ្ជកម្មរួមគ្នា។
កាលពីថ្ងៃចន្ទសប្ដាហ៍នេះ កិច្ចប្រជុំរវាងអាម៉េរិក និងចិន បានកើតឡើងម្តងទៀតនៅប្រទេសស៊ុយអែត ដែលដឹកនាំដោយភាគីទីក្រុងវ៉ាស៊ីនតោន ដោយមានរដ្ឋមន្ត្រីក្រសួងរតនាគារ លោក Scott Bessent និងភាគីទីក្រុងប៉េកាំង ដោយឧបនាយករដ្ឋមន្ត្រី លោក He Lifeng ខណៈដែលក្របខណ្ឌកាត់បន្ថយភាពតានតឹងពាណិជ្ជកម្មរយៈពេល ៩០ ថ្ងៃរវាងមហាអំណាចទាំងពីរជិតផុតកំណត់នៅថ្ងៃទី ១២ ខែសីហា។ ក្រោយពីកិច្ចប្រជុំត្រូវបានបញ្ចប់ អ្នកចរចាពាណិជ្ជកម្មរបស់ចិន លោក Li Chenggang បានលើកឡើងថា ទីក្រុងប៉េកាំង និងទីក្រុងវ៉ាស៊ីនតោន បានព្រមព្រៀងគ្នាក្នុងការជំរុញឱ្យបន្តមានក្របខណ្ឌកាត់បន្ថយភាពតានតឹងពាណិជ្ជកម្ម ដោយភាគីទាំងពីរត្រូវផ្អាកវិធានការមួយចំនួនប្រឆាំងនឹងគ្នាទៅវិញទៅមកជាបណ្តោះអាសន្ន។
យ៉ាងណាមិញ រដ្ឋមន្ត្រីក្រសួងរតនាគារអាម៉េរិក Scott Bessent បានលើកឡើងថា ការពង្រីក ឬ ការបន្តណាមួយនឹងអាស្រ័យលើប្រធានាធិបតី Donald Trump។ មិនទាន់មានអ្វីដែលត្រូវបានយល់ព្រមនោះទេ ទាល់តែនិយាយជាមួយប្រធានាធិបតី Trump សិន ប៉ុន្តែការប្រជុំមានលក្ខណៈស្ថាបនា គ្រាន់តែមិនទាន់បានចុះហត្ថលេខាតែប៉ុណ្ណោះ។ ទោះជាយ៉ាងណាក្តី មន្ត្រីអាម៉េរិកបានលើកឡើងថា ប្រសិនបើក្របខណ្ឌកាត់បន្ថយភាពតានតឹងពាណិជ្ជកម្មមិនត្រូវបានបន្ត និងផុតកំណត់នៅថ្ងៃទី ១២ ខែសីហា ការដំឡើងពន្ធទៅគ្នាទៅវិញទៅមកលើសពីអត្រា ១០០% អាចនឹងត្រូវបានអនុវត្ត។ មិនត្រឹមតែប៉ុណ្ណោះ ទីក្រុងប៉េកាំង និងក្រុងវ៉ាស៊ីនតោនមានបញ្ហាជាមួយគ្នាជាច្រើនផ្នែកក្រៅពីពន្ធ រួមមាន បច្ចេកវិទ្យា និងការរឹតបន្តឹងរបស់ចិនលើការនាំចេញរ៉ែសំខាន់ៗរបស់ខ្លួនជាដើម។
គួរកត់សម្គាល់ថា នេះគឺជាជំនួបលើកទី៣ រវាងអាម៉េរិក និងចិន ចាប់តាំងពីខែមេសាមក។ អ្នកចរចាសម្រាប់ភាគីទាំងពីរបាននិយាយថា ពួកគេបានពិភាក្សាគ្នាអំពីសេដ្ឋកិច្ចរបស់គ្នាទៅវិញទៅមក, ការអនុវត្តលក្ខខណ្ឌដែល Trump និងប្រធានាធិបតីចិន Xi Jinping ព្រមព្រៀងគ្នាពីមុនមុន, និងរ៉ែកម្រ ដែលជាចំណុចជាប់គាំងដ៏សំខាន់។
លោក Li Chenggang បានលើកឡើងថា ភាគីទាំងពីរបានយល់ច្បាស់អំពីសារៈសំខាន់នៃការការពារទំនាក់ទំនងពាណិជ្ជកម្ម និងសេដ្ឋកិច្ចរវាងចិន-អាម៉េរិក ដែលមានស្ថិរភាព និងរឹងមាំយូរអង្វែង៕
Account
Security
Favourite Content