សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្រមា ជាផលិតផលតម្បាញ ក៏ដូចជាវត្ថុតំណាងមួយសម្រាប់ប្រជាជនខ្មែរដែលវាមានអត្ថប្រយោជន៍ច្រើន និងងាយស្រួលប្រើប្រាស់ក្នុងជីវភាពប្រចាំថ្ងៃតាំងបុរាណកាលមកម្ល៉េះ។ បច្ចុប្បន្ន ទីផ្សារក្រមាក៏នៅតែមានដំណើរការ ព្រោះក្រៅពីការប្រើប្រាស់ប្រចាំថ្ងៃ ក្រមាក៏ជាអំណោយដ៏មានអត្ថន័យសម្រាប់ជូនដល់មនុស្សជាទីស្រឡាញ់ក្នុងឱកាសនានា។
លោក ផាន បូរ៉ា ជាម្ចាស់អាជីវកម្មក្រមាខ្មែរ តាកែវ បានមានប្រសាសន៍ថា ៖
«ក្រមាតាកែវដែលយើងលក់បច្ចុប្បន្ននេះនៅតែមានទីផ្សារ ហើយអ្វីដែលគួរឱ្យចាប់អារម្មណ៍នោះគឺមានបងប្អូនយើងគាត់ទិញទុកជាអំណោយក្នុងឱកាសនានា មិនថាបុណ្យទាន ឬកម្មវិធីមង្គលនោះទេ ហើយការទិញក្រមាសម្រាប់កម្មវិធីផ្សេងៗក៏ជាការបង្ហាញពីទឹកចិត្តស្រឡាញ់ គាំទ្រផលិតខ្មែរផងដែរ»។
លោកបន្តថា ៖
«សម្រាប់ក្រមារបស់យើងជាផលិតផលរបស់បងប្អូនអ្នកខេត្តតាកែវ ដែលយើងយកមកលក់បន្តទៅឱ្យអតិថិជន មិនថាតាមបណ្ដាញសង្គម ឬតាមការតាំងពិព័ណ៌ផលិតផលខ្មែរនោះទេ ហើយតម្លៃរបស់យើងមានចាប់ពី ៥ដុល្លារឡើងទៅអាស្រ័យតាមម៉ូដ និងទំហំរបស់ក្រមា។ ចំណែកអតិថិជន ដំបូងឡើយយើងគិតថាមានតែមនុស្សវ័យចំណាស់ទេដែលនិយមប្រើក្រមា តែតាមពិតទៅ មិនថាចាស់ មិនថាក្មេងទេ គឺប្រើបានទាំងងស់ ជាពិសេសអ្នករស់នៅទីក្រុងភ្នំពេញដែលនិយមទិញច្រើនជាងអ្នកនៅតាមបណ្តាខេត្តទៅទៀត»។
លោកបានបន្តឱ្យដឹងដែរថា សម្រាប់ផលិតផលខ្មែរក្រមាដែលលោកដាក់លក់រួមមានជាប្រភេទក្រមាសូត្រ និងក្រមាអំបោះ មានច្រើនទំហំ ច្រើនពណ៌ និងមានម៉ូដ ក្បាច់ខុសប្លែកពីគ្នា ជាពិសេសគឺមិនចេញពណ៌ និងអាចជូតមុខបានដោយគ្មានបញ្ហាដល់ស្បែកនោះឡើយ។ ក្រៅពីក្រមា លោកក៏មានលក់ជា ហូល ផាហ៊ុម ផាមួងផ្សេងៗទៀត ដែលសុទ្ធសឹងជាផលិតរបស់អ្នកខេត្តតាកែវទាំងអស់។
ដោយឡែក ចំពោះផលលំបាកនៅក្នុងការប្រកបអាជីវកម្មមួយនេះត្រូវបានលោកអះអាងថាហាក់មិនសូវជាបញ្ហានោះទេ ព្រោះផលិតផលរបស់លោកមានគុណភាព មានសោភ័ណភាព និងមានអតិថិជនគាំទ្រច្រើន៕
Account
Security
Favourite Content